وسى كۇندەرى جاستار نەگە اسىرە ءدىني ناسيحاتتىڭ قۇربانى بولا بەرەدى دەگەن ساۋالدار قايتا كوتەرىلۋدە. اۋديتوريالاردا وتىرعان جاستارعا اقىل ايتۋ وڭاي عوي. ال كوشەدەگى جاستارعا دۇرىس اقپاراتتىق ءبىلىمدى قالاي جەتكىزەمىز؟
جالپى قازىرگى جاستاردىڭ نانىم-سەنىمىنە شابۋىل رۋحاني بۋىنى قاتايماعاندىعىنان بولادى. بۇنىڭ ەكى باعىتى بار، ءبىرى بۇقارالىق مادەنيەت ارقىلى مىسالى "91 توبى" سياقتى سۋبمادەنيەتتى ناسيحاتتاۋشى ونەر بولسا، ەكىنشىءسى اتا-انانىڭ ورنىن اۋىستىراتىن ياعني تاربيەنىڭ السىزدىگىنىڭ ورنىن تولتىراتىن ءدىني سەنىم.
بۇعان سەبەپتەر كوپ، ماسەلەن قوعامدىق ءبىلىم شۇبارلانعاندىقتان، اقپاراتتىق ساياساتتا قۇندىلىقتار بەكىتىلمەسە، جاستاردىڭ بوس ۋاقىتى قامتىلماسا، ماقساتسىز ومىرلەرى يدەالدارمەن نەگىزدەلمەسە، الەۋەتى ەڭبەك ەتۋگە بەيىمدەلمەسە - بۋىنسىز ساناعا جالپى ۋاعىز-ناسيحاتتىڭ ىقپالى كۇشتى جۇرەدى.

مەنىڭشە، تەك ءدىني بىلىممەن كۇرەس ازدىق ەتەدى. جاستاردىڭ وزگە ديسسترۋكتيۆتى اعىمنىڭ جەتەگىنە كەتپەس ءۇشىن جوعارىداعى سەبەپتەرمەن كەشەندى ارەكەتتەر قاجەت. سوندىقتان بۇگىنگى جاستاردىڭ رۋحاني قۇلدىراپ، اسىرە ءدىننىڭ قۇربانى بولىپ جۇرگەنىنە سيرياداعى ءدىنبۇزار سىرتقى كۇشتەر ەمەس، ءبارىمىز جاۋاپتىمىز.

ماقسات جاقاۋدىڭ facebook پاراقشاسىنان

Abai.kz