قوشتاسۋعا مارقۇمنىڭ تۋىستارى، اقىن-جازۋشىلار، زيالى قاۋىم وكىلدەرى، اكىمدەر مەن مينيسترلەر، پارلامەنت دەپۋتاتتارى قاتىستى. قارالى جيىن بارىسىندا الماتى اكىمى باۋىرجان بايبەك، جازۋشىلار وداعىنىڭ توراعاسى ۇلىقبەك ەسداۋلەت، قر مادەنيەت جانە سپورت ءمينيسترى ارىستانبەك مۇحامەديۇلى مارقۇمنىڭ تۋىستارى مەن جاقىندارىنا قايعىرىپ كوڭىل ايتتى. سونداي-اق ارىستانبەك مۇحامەديۇلى قر پرەزيدەنتى نۇرسۇلتان نازاباەۆتىڭ حاتىن وقىپ بەردى.

«شەرحان مۇرتازانىڭ وتباسى مەن جاقىن تۋىسقاندارىنا جازۋشىنىڭ ورتامىزدان وتكەنىنە بايلانىستى قايعىرىپ كوڭىل ايتامىز. حالقىمىزدىڭ سۇيىكتى پەرزەنتى بۇكىل عۇمىرىن ەلىمىزدىڭ وركەندەۋى مەن ءتول ادەبيەتىمىز، مادەنيەتىمىزدىڭ دامۋىنا ارناعان ءبىر تۋار ازامات ەدى»، - دەلىنگەن جولداۋ حاتتا.

سونىمەن قاتار، جازۋشىنىڭ شاكىرتتەرى مەن جاقىندارى ءسوز سويلەپ، مارقۇمنىڭ تۋىستارىنا كوڭىل ايتتى.

مارقۇمدى الماتىداعى كەڭساي زيراتىنا جەرلەدى.

قازاقستاننىڭ حالىق جازۋشىسى، مەملەكەت قايراتكەرى شەرحان مۇرتازا 9 قازان كۇنى الماتىعى ۇيىندە اۋىر ناۋقاستان قايتىس بولعان ەدى.

Abai.kz