15 قازاننان باستاپ كۇن سايىن ساعات 22.20-دا «حابار» تەلەارناسىندا الەمدىك كينولاردىڭ كورسەتىلىمى باستالادى. كورەرمەندەر «اگەنتى ا.ن.ك.ل.»، «بەزۋمنىي ماكس»، «وديننادتسات درۋزەي وۋشەنا»، «دۆەنادتسات درۋزەي وۋشەنا»، «ترينادتسات درۋزەي وۋشەنا»، «50 پەرۆىح پوتسەلۋەۆ»،  «تيحووكەانسكي رۋبەج» جانە باسقا دا ەڭ ۇزدىك كارتينالاردى جارناماسىز تاماشالايدى.

15 قازاننان باستاپ «جۇمباق جاندار» تەلەحيكاياسى كورەرمەننىڭ سۇرانىسى بويىنشا «بولشايا مالەنكايا لوج» اتاۋىمەن ورىس تىلىندە شىعادى. ءار ءبولىمنىڭ ۇزاقتىعى 45 مينۋتتان 60 مينۋتقا دەيىن سوزىلادى. كورسەتىلىم ۋاقىتى – 21.30.

«جۇمباق جاندار» بۇل ءتورت ايەلدىڭ تاعدىرى جايلى تۋىندى. ويا، مەرۆە، پەلين جانە ارزۋدىڭ ۇزاق جىلدار بويى جاسىرعان قۇپياسى بار، الايدا ويانىڭ ورالۋىمەن سىرلار اشىلا باستايدى. مەكتەپ كەزىندە وياعا جالعان جالاۋ جاۋىلىپ، ەلدەن كەتىپ قالعان. ارادا 20 جىل وتسەدە ول مۇنى ۇمىتى المايدى. سوندىقتان كەك الۋعا كەلگەن. ەسكى دوستار ءوزارا جانجالداسىپ، سوڭىندا ءبىر ادام كوز جۇمادى. اعا كوميسسار كەمال جانە ونىڭ كومەكشىسى دەريا وسى ءىستىڭ اقيقاتىنا جەتپەك.

«دەتەكتيۆ اجە» - كومەدياسى ەندى ساعات 18.45-تە شىعادى. وقيعا جەلىسى بويىنشا مۇرات الماتى قالاسىندا قىلمىسكەرلەرمەن كۇرەسىپ جۇرگەن پوليتسيا قىزمەتكەرى. اۋىلداستارى ونى قادىرلەيدى، ال، گۇلدانا اپا نەمەرەسىن ماقتان تۇتادى. گۇلدانا اپا 70 جىلدىعىن تويلاپ، مەرەيتويعا نەمەرەسى مۇرات تا كەلەدى. وسى كەشتە مۇراتتىڭ پوليتسيا ەمەس، كىشىگىرىم رولدەرى سومداپ، اقشا تۋىپ جۇرگەنى بىلگىلى بولادى. ابىرويىنان ايرىلعىسى كەلمەگەن اجەي نەمەرەسىن اۋىلعا دەتەكتيۆ قىزمەتىنە ورنالاستىرادى. الايدا جىگىت ەشقاشان تەرگەۋشى بولماعان. سوندىقتان گۇلدانا اپا ءوزى جۇمىسقا كىرىسەدى.

«اعا» تەلەسەريالىنىڭ كورسەتىلىمى 19.15-كە اۋىستىرىلدى. درامانىڭ سيۋجەتى بويىنشا پوليتسيا قىزمەتكەرى بوران قىلمىسكەرلەردىڭ قولىنداعى قارىنداسىن ىزدەپ ءجۇرىپ، ايەل ساۋداسىمەن اينالىساتىن قىلمىستىق توپقا جولىعادى.

29 قازاننان باستاپ ساعات 19.15-تە «قارلىعاش ۇيا سالعاندا» مەلودراماسى كورەرمەنگە جول تارتادى. بۇل 32 جاستاعى قارلىعاش دەگەن قىزدىڭ تاعدىرىنان سىر شەرتەتىن تەلەحيكايا. قارلىعاش جۇمىستا تابىستى، ءوزىنىڭ ۇلكەن ءۇيى بار، سالاۋاتتى ءومىر سالتىن ۇستانادى. الايدا جەكە ءومىرى ءساتسىز. اتا-اناسى وعان تۇرمىس قۇرۋ كەرەكتىگىن ءجيى ايتادى. ءبىر كۇنى ول كورشى ۇيدە سىمباتتى زەرگەر ءومىر سۇرەتىنىن بايقايدى. تاسقىن جالعىز باستى اكە، ءۇش قىزى بار، ايەلى كوز جۇمعان. بىردە ول جۇمىسىندا جاراقات الىپ، جەدەل جاردەممەن اۋرۋحاناعا كەتەدى. كەتەر الدىن  قارلىعاشقا قىزدارىنا قاراۋ تۋرالى ءوتىنىش بىلدىرەدى. باسىندا باس تارتقان قارلىعاش، كەيىن كەلىسەدى.

Abai.kz