پرەزيدەنتتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» قازاقستان حالقىنا جولداۋى مەملەكەتتىڭ كەزەڭ-كەزەڭمەن دامۋىنىڭ دايەكتى جالعاسى جانە ەلىمىزدىڭ بارلىق ازاماتتارى ءۇشىن ناقتى باعدار رەتىندە قىزمەت ەتەدى.

ازاماتتاردىڭ جايلىلىعىن باعالاۋ جانە ولاردىڭ ءومىر ءسۇرۋ ساپاسىن جاقسارتۋ ءۇشىن ماڭىزدى كورسەتكىشتەر رەتىندە انىقتالعان ادامداردىڭ قاۋىپسىزدىگى مەن سوت تورەلىگىنە قول جەتكىزۋدى قامتاماسىز ەتۋ وسى پروگرەسسيۆتى ىلگەرىلەۋدە زور ءرول اتقارادى.

سوت جۇيەسiن جەتiلدiرۋ جانە قۇقىق قورعاۋ ورگاندارىنىڭ جۇمىسىن قايتا قۇرۋ، اتاپ ايتقاندا، سوتتاردىڭ زاماناۋي فورمالارىن جانە قوسىمشا ەلەكتروندىق قىزمەتتەردi ەنگiزۋ، قاجەت ەمەس سوت راسiمدەرiن قىسقارتۋ، بەيرەسمي فۋنكتسيالاردى وڭتايلاندىرۋ، پەرسونالدى ىرىكتەۋ جانە مانساپتى جوعارىلاتۋ، قازىرگى زامانعى فورماتتاردى ەنگىزۋ تۋرالى مىندەتتەردى ورىنداۋ حالىق سەنىمى مەن قاۋىپسىزدىكتىڭ جوعارى دەڭگەيىن قامتاماسىز ەتەدى.

مەدياتسيا ينستيتۋتى جانجالداردى شەشۋدەگى بالامالى ءادىس رەتىندە سوتتاردىڭ قىزمەتىن جەتىلدىرۋدە ماڭىزدى ءرول اتقارۋى كەرەك سياقتى. مەملەكەت باسشىسى «قازاقستان-2050: قالىپتاسقان مەملەكەتتىڭ جاڭا ساياسي باعىتى» ستراتەگياسىندا «سوتتاردى جەڭىلدەتۋ ءۇشىن، داۋلاردى سوتتان تىس رەتتەۋ ينستيتۋتتارىن دامىتۋدى جالعاستىرۋ كەرەك» دەپ انىق ايتقان بولاتىن. مەدياتسيا سوتتاردى جەڭىلدەتۋدى عانا ەمەس، سونىمەن بىرگە سۋديالاردىڭ وتە كۇردەلى پروتسەستەرگە باسا نازار اۋدارۋىنا مۇمكىندىك بەرەدى. 2017 جىلدان باستاپ مەدياتورلارمەن بايلانىستى ىستەر سانى ورتا ەسەپپەن 30 پايىزعا ارتتى.

ءوز كەزەگىندە ءبىز، پارلامەنت دەپۋتاتتارى، ەلباسىمىزدىڭ جولداۋىندا قويىلعان مەملەكەتتىك تاپسىرمالاردى ءتيىمدى ورىنداۋ ءۇشىن بار كۇش-جىگەردى جۇمسايمىز، بۇل جاڭا كەزەڭدە قابىلدانعان زاڭدارىنىڭ ساپاسىنا تىكەلەي بايلانىستى.

ۆلاديمير ۆولكوۆ، پارلامەنت سەناتىنىڭ دەپۋتاتى

Abai.kz