اقپاراتتا ۋاقىتشا شەكتەۋ قازاقستان قابىلداعان شارالار ناتيجەسىندە الىنعانى تۋرالى ايتىلعان.
بۇعان دەيىن قىرعىزستان مەملەكەتتىك ينسپەكتسياسى قازاننىڭ 8-ءى كۇنى قابىلداعان ۋاقىتشا شەكتەۋ تۋرالى شەشىمىن قىرعىزستانمەن شەكارالاس ايماقتاردا قۇس تۇماۋىنىڭ ءورشي ءتۇسۋى سەبەپ بولعان دەپ تۇسىندىرگەن. وسىعان بايلانىستى، قازاقستان بيلىگىنە جاعدايدى انىقتاۋ ءۇشىن رەسمي سۇراۋ جولدانعان. شەكتەۋدى الىپ تاستاۋ يا ۇزارتۋ تۋرالى شەشىم كورشى ەلدىڭ ۆەتەرينارلىق قىزمەتىنىڭ جاۋابىنا بايلانىستى قابىلدانادى دەپ حابارلانعان.
قىرعىز تارابى ۋاقىتشا شەكتەۋ ەنگىزەننەن كەيىن قازاقستاننىڭ اۋىلشارۋاشىلىعى مينيسترلىگى كورشى ەلدىڭ الماتى جانە سولتۇستىك قازاقستان وبلىستارىنان تاۋىق ەتى مەن جۇمىرتقا اكەلۋگە شەكتەۋ قويۋى - زاڭسىز دەپ مالىمدەگەن.
قازاننىڭ 12-ىنەن باستاپ قازاقستان قىرعىزستاننان اكەلىنەتىن ەت ونىمدەرىنە ۋاقىتشا شەكتەۋ ەنگىزگەن. قازاقستان اۋىلشارۋاشىلىعى مينيسترلىگى مۇنداي شەشىم «قىرعىزستان تەرريتورياسىنداعى اسا قاۋىپتى مال اۋرۋىنا قاتىستى قولايسىز جاعدايعا بايلانىستى» قابىلداندى دەپ تۇسىندىرگەن.
Abai.kz
