سوتتالۋشى المات جۇماعۇلوۆ بۇل ارەكەتىن ايداۋىل مەن تەرگەۋ اباقتىسى اكىمشىلىگىنىڭ زاڭ بۇزۋشىلىقتارى تۋرالى 4 قازاندا تۇسىرگەن شاعىمدارىنا قۇلاق اسپاعانىمەن ءتۇسىندىردى. سول سەبەپتى ول سۋدياعا بويكوت جاريالاپ، اۋزىن قاعاز سكوتچپەن جاپسىرىپ الدى. سوتتالۋشى ورالبەك ومىروۆ بۇل بويكوتتى قولدادى.
سوتتالۋشى كەنجەبەك ابىشەۆ دەنساۋلىق جاعدايىنا بايلانىستى اۋرۋحاناعا اۋىستىرۋىن سۇراعان. بۇنىڭ الدىندا ونىڭ جۇرەگى اۋىراتىنى انىقتالعان.
پروكۋرور داۋرەن بۇلعىمباەۆ سوتتالۋشى ابىشەۆتىڭ وتىنىشىنە قارسى شىقتى.
"جيحادشىلار" ىسىندەگى ۇشەۋ وزدەرىن اسا دىندارعا جاتقىزبايدى، زايىرلى ءومىر سۇرەدى جانە تاعىلعان ايىپتاردى جوققا شىعاردى. قازاقستاندىق بىرقاتار ادام قۇقىعىن قورعاۋشىلار ابىشەۆ پەن جۇماعۇلوۆتى ساياسي تۇتقىندار دەپ تانىدى. بيلىك ولاردىڭ قوعامدىق-ساياسي مارتەبەسىنە قاتىستى پىكىر بىلدىرگەن ەمەس.
Abai.kz
