نيۋ-يوركتە «رۋحاني جاڭعىرۋ» باعدارلاماسىن ىسكە اسىرۋ اياسىندا 14 قازان – 30 قاراشا ارالىعىندا «قىزىل تراكتور» ونەر توبىنىڭ «ويلار جيناعى: ويداعى وقيعالار» رەتروسپەكتيۆتى كورمەسى وتكىزىلىپ جاتىر. بۇل — «فوكۋس قازاقستان» جوباسىنىڭ جانە ACAW ازيا زاماناۋي ونەر اپتالىعىنىڭ ءبىر شاراسى.

بۇل تۋرالى قر پرەمەر-ءمينيسترىنىڭ رەسمي سايتى مالىمدەدى.

كورمەدە «قىزىل تراكتور» قازاقستاندىق ونەر توبىنىڭ ءۇش جۇزگە جۋىق ەكسپوناتى قويىلعان: كوركەم سۋرەت، گرافيكا، مونۋمەنتتى مۇسىندىك جۇمىستار، كەڭىستىكتىك نىساندار، ينستاللياتسيالار، پەرفورمانستاردىڭ مۇراعاتتىق سۋرەتتەرى جانە بەينەلەرى. كورمەنىڭ سالتاناتتى اشىلۋى كۇنى، 14 قازاندا، «قىزىل تراكتور» «تازارتۋ» اتتى ءوزىنىڭ تانىمال پەرفورمانستارىنىڭ ءبىرىن ۇسىندى.

ايتا كەتكەن ءجون، قازاقستاننىڭ ارت-ساحناسىندا 90 جىلداردىڭ باسىنان بەرى بەلسەندى ەڭبەك ەتىپ جۇرگەن «قىزىل تراكتور» قاتىسۋشىلارى — ترانساۆانگارد قوزعالىسىنىڭ نەگىزىن سالۋشىلار. توپتى كەڭىستىكتىك قۇرىلىمدىق كومپوزيتسيا مەكتەبىنىڭ وقىتۋشىسى جانە جولىن قۋشى ۆيتالي سيماكوۆ قۇرعان. توپ قۇرىلعان ۋاقىتتان بەرى اتاۋىن بىرنەشە رەت وزگەرتكەن: «ساا توبى»، «شىمكەنت — ترانساۆانگارد»، «سي قۇرىلىمدىق مەكتەبى». 1995 جىلى مولداقۇل نارىمبەتوۆتىڭ ۇسىنىسىمەن «قىزىل تراكتور» اتاۋى بەرىلدى. اۆتوردىڭ تۇپكى ويىنا سايكەس، بۇل توپ الەمدى شارلاۋى ءتيىس.

توپتىڭ مۇشەلەرى، ارقايسىسىنىڭ دەربەس شىعارماشىلىق جولىنىڭ بولۋىنا قاراماستان، «ويلار جيناعى: ويداعى وقيعالار» كورمەسىندەگىدەي ءجيى بىرىگىپ تۇرادى. ءوز كەزەگىندە، كورمە ءارتۇرلى كەزەڭدەردەگى ءاربىر سۋرەتشىنىڭ جەكە شىعارماشىلىعىن قاراستىرىپ، ولاردىڭ جۇمىستارىنىڭ توعىسپالى بايلانىستارى مەن جاڭا مازمۇنىن جاسايدى.

«قىزىل تراكتور» توپ تاجىريبەسىندە ايماقتاعى بولىپ جاتقان الەۋمەتتىك جانە ساياسي وزگەرىستەرمەن تىعىز بايلانىستا بولاتىن كوشپەلىلەر، سوپىلىق، شامانيستىك فيلوسوفيالاردى قايتا ويلاستىرىپ، پايدالاناتىنىمەن بەلگىلى. كوشپەلىلەردىڭ تۇراقتى قوزعالىسى، 90-شى جىلدارداعى تانىمال نارراتيۆ، سونداي-اق تابيعي ماتەريالداردىڭ – اعاش، ءجۇن، كيىز، توقىمانىڭ قاسيەتتىلىگى قولدان جاسالعان شاڭ-قوبىز، دومبىرا جانە بارابان سەكىلدى حالىق اسپاپتارىن پايدالاۋمەن تەڭ دارەجەدە توپتىڭ پەرفورمانستارىندا ءجيى كەزدەسەدى.

ەكسپوزيتسيانىڭ ورتالىعىندا — سۋرەتشى، اقىن، فيلوسوف جانە «قىزىل تراكتور» توبىنىڭ باستى تۇلعاسى م. نارىمبەتوۆتىڭ كەسكىندەمەسى قويىلعان. م. نارىمبەتوۆتىڭ كورمەگە قويىلعان شىعارمالارىن ەۋرازيالىق مادەني اليانس قامتاماسىز ەتتى جانە جۇزدەگەن باسقا ەكسپوناتتار سۋرەتشىلەردىڭ وزدەرىنىڭ شەبەرحانالارىنان، قازاقستان مەن ورتالىق ازياداعى مۋزەيلەر مەن جەكە كوللەكتسيالاردان جينالدى.

كورمەنىڭ «ويلار جيناعى: ويداعى وقيعالار» اتاۋى كورمە كۋراتورى ليزا ءاحماديدىڭ شىعارما جەلىسىنە قاتىستى، ول سۋرەتشىنى كوركەمونەر نارىعىنان تىس ءبىرىنشى كوللەكتسيا جيۋشى دەپ اتايدى، بۇل سونىمەن قاتار 2018 جىلعى ازيا زاماناۋي ونەر اپتالىعىنىڭ نەگىزگى تۇجىرىمداماسى بولىپ تابىلادى.

ازيا زاماناۋي ونەر اپتالىعى (ACAW) — كەڭ اۋقىمدى ەكسپەريمەنتالدىق كورمەلەردى، يننوۆاتسيالىق جوبالاردى جانە ءتۇرلى ديالوگتاردى كورسەتۋ ءۇشىن نيۋ-يوركتىق جانە ازيالىق جەتەكشى كوركەمونەر ينستيتۋتسيالارىن، مۋزەيلەر مەن گالەرەيالاردى بىرىكتىرەتىن سەرپىندى كۋراتورلىق جانە ءبىلىم بەرۋ الاڭى.

«فوكۋس قازاقستان» جوباسىن «رۋحاني جاڭعىرۋ» باعدارلاماسى اياسىندا قر مادەنيەت جانە سپورت مينيسترلىگىنىڭ قولداۋىمەن قر ۇلتتىق مۋزەيى ۇيىمداستىرۋدا. جوبا جەتەكشىسى — ل. كوچەتوۆ، جوبا كۋراتورى — ر. ابەنوۆا. كورمە كۋراتورىنىڭ كومەكشىسى — ۆلاد سلۋدسكي. توپ مۇشەلەرى: مولداقۇل نارىمبەتوۆ (1948–2012), ۆيتالي سيماكوۆ، ابيلسايد اتابەكوۆ، سمايىل باياليەۆ، ارىستانبەك شالباەۆ.

Abai.kz