الماتىداعى جەر قورىن ءتيىمدى پايدالانۋ تۋرالى ماسەلە اكىمدىك القاسى مەن قالا پروكۋراتۋراسىنىڭ بىرلەسكەن جيىنىندا تالقىلاندى.

«مەملەكەت باسشىسىنىڭ حالىققا جولداۋىندا جەر ماسەلەسىنە ەرەكشە نازار اۋدارىلىپ، «جەر قاتىناستارى سالاسىنا تەكسەرۋ جۇرگىزىپ، ءىستى رەتكە كەلتىرىپ، جەردى ناقتىلى ينۆەستورلارعا بەرۋ قاجەت» دەلىنگەن. قازىردىڭ وزىندە الماتىدا يگەرىلمەگەن 2,4 مىڭ جەر تەلىمىنىڭ بار ەكەنى انىقتالدى، ونىڭ 27%-ى اينالىمدا، 47%-ى 10 ەسە سالىق سالۋ ءۇشىن مەملەكەتتىك كىرىس دەپارتامەنتىنە جىبەرىلدى، ءۇش ۋچاسكە ەرىكتى تۇردە مەملەكەت پايداسىنا قايتارىلدى. وسى ورايدا قالا پروكۋراتۋراسى ۇلكەن ءىس تىندىردى جانە پرەزيدەنت بەرگەن تاپسىرما اياسىندا بۇل جۇمىس ءارى جالعاساتىن بولادى»، - دەپ اتاپ ءوتتى الماتى اكىمى باۋىرجان بايبەك.

مىسالى، ۋاقىتشا پايدالانۋ مەرزىمى بىتكەن جالعا بەرلىگەن جەرلەرگە تەكسەرۋ جۇرگىزۋ باستالدى. بۇگىنگى كۇنى پروكۋرورلار جال اقىسىن تولەمەي پايدالانىلىپ كەلگەن 34 جەر تەلىمىن انىقتادى. بۇل جەرلەر مەملەكەتتىك قورعا قاتارىلاتىن بولادى.

القا وتىرىسىندا قالا پروكۋرورى بەرىك جۇيرىكتاەۆ سوڭعى ەكى جىل ىشىندە مەگاپوليستىڭ ينفراقۇرىلىمىن دامىتۋ جانە جول ايرىقتارى مەن جولدار سالۋ ماقساتىندا 300-دعەن استام جەر تەلىمدەرىنىڭ قايتارىلعانىن حابارلادى. جۇرگىزىلگەن تەكسەرۋ بارىسىندا قۇجاتتاردىڭ قولدان جاسالعاندىعى، جەر باعاسىنىڭ نەگىزسسىز كوتەرىلگەنى انىقتالدى. وسىنداي زاڭسىز ءىس-ارەكەتتەردىڭ سالدارىنان مەملەكەتكە كەلگەن شىعىن 2,5 ملرد. تەڭگەنى قۇراعان، پروكۋراتۋرا جۇرگىزگەن شارالار ارقاسىندا 1,5 ملرد. تەڭگە شىعىننىڭ ورنى تولعان.

«بۇل سالادا ءتۇرلى قۇيتىرقىلار جاسالادى. وبەكتىنىڭ ءاربىر يەسى كومپەنساتسيا باعاسىن كوتەرۋدىڭ ءتۇرلى جولدارىن ىزدەستىرەدى. ولار ءۇشىن ەڭ قولايلىسى جالعان قۇجاتتار مەن باعانى كوتەرۋ. قىلمىسكەرلەر بارلىق قۇجاتتاردى – جەرگىلىكتى ورگانداردىڭ شەشىمدەرىن، تەحپاسپورتتى، نىساندى ىسكە قوسۋ اكتىسىن قولدان جاسايدى. ءبىز جالعان قۇجاتتاردىڭ 14 فاكتىسىن انىقتادىق، بۇلاردان كەلەتىن شىعىن 2 ملرد. تەڭگەنى قۇرايدى. بۇلارعا قاتىستى قىلمىستى ءىس قوزعالدى، شىعىننىڭ ورنىن تولتىرۋ شارالارى جۇزەگە اسۋدا، - دەدى بەرىك جۇيرىكتاەۆ.

ول ءوزىنىڭ سوزىندە قازىرگى كەزدە پروكۋراتۋرا تاراپىنان باعالاۋشىلاردىڭ بەرگەن قورىتىندىسىنا سالىستىرمالى ساراپتاما جۇرگىزىلگەنىن جانە كەلەڭسىز فاكتىلەردىڭ انىقتالعانىن ايتتى. قۇجاتتاردى قايتا تەكسەرۋ كەزىندە ءىستى سوتتا قاراۋعا باسىمدىق بەرىلەدى. بۇگىنگى كۇنى سوتتا قارالعان 5 وبەكتىنىڭ العاشقى قۇنى 500 ملن. تەڭگەگە تومەندەگەن. قارسىلىق بىلدىرىلگەن 12 ءىس قارالۋدا، ولاردىڭ باعاسى 300 ملن. تەڭگەگەگ تومەنديدى دەپ كۇتىلۋدە.

قالالىق پروكۋراتۋرانىڭ مالىمەتى بويىنشا جالعا بەرۋ مەرزىمى ءوتىپ كەتكەن جەرلەرگە قاتىستى كەلەڭسىز فاكتىلەرگە ورىن بەرىلگەن. سوڭعى 10 جىل ىشىندە ۋاقىتشا پايدالانۋعا جالپى كولەمى 3,7 مىڭ گەكتار بولاتىن 18 مىڭ جەر تەلىمى بەرىلگەن، ونىڭ ىشىندە وبلىسقا تيەسىلى جەرلەر دە بار. ادامدار جالعا بەرۋ مەرزىمى ءوتىپ كەتسە دە جەردى پايدالنىپ كەلگەن ءارى ونى ۇزارتۋعا ەش ارەكەت ەتپەگەن. سونىڭ سالدارىنان بيۋدجەتكە جال اقىسى رەتىندە ەشقانداي قارجى تۇسپەگەن.

جالپى، پروكۋرورلىق قاداعالاۋ اكتىسى بويىنشا قازىرگى كەزدە الماتىدا يگەرىلمەگەن جەر تەلىمدەرىنە 10 دۇركىن سالىق سالۋ جۇمىستارى قولعا الىنعان.

«مىسالى، كوپپاتەرلى ءۇي سالىنۋى ءتيىس 43,9 گا جەر ۋچاسكەسىنە 10 دۇركىن سالىق سالىنسا، ونىڭ كولەمى 120 ملن. تەڭگەنى قۇرايتىن بولادى»، - دەدى قاداعالاۋشى ورگانداعىلار.

Abai.kz