كوممۋنيزم يدەولوگياسى حح عاسىرداعى ەڭ قانقۇيلى يدەولوگيا بولىپ، ادامزاتقا، سونىڭ ىشىندە قازاققا زور قاسىرەت الىپ كەلگەنى عىلىمي تۇرعىدان دالەلدەنگەن. ءسويتىپ كەلىپ، كوممۋنيستەردىڭ جاندايشاپتارى بولعان كومسومولدىڭ 100 جىلدىعىن دۇركىرەتىپ تۇرىپ اتاپ وتۋگە تىراشتانۋ - بارىپ تۇرعان ساتقىندىق!

بۇل - ارماندارى  قازاقتىڭ ۇلتتىق مەملەكەتىن قۇرۋ بولعان الاش ارىستارىنىڭ ارۋاقتارىنا تۇكىرۋ بولىپ تا تابىلادى.

سوندىقتان دا، ءوزىن ۇلتشىلمىن دەپ سانايتىن بارلىق قازاقتار بۇل شاباشتىڭ وتۋىنە قارسى. ول ءۇشىن ەڭ الدىمەن قۋانىش سۇلتانوۆپەن كەزدەسىپ، ساياسي قاتەلىك جاساپ وتىرعانىن ءتۇسىندىرۋىمىز كەرەك. تۇسىنە الماسا (تۇسىنگىسى كەلمەسە), باسقا دا ارەكەتتەرگە باراتىنىمىزدى ەسكەرتۋىمىز كەرەك. كوممۋنيستىك يدەولوگيا كۇيرەگەننەن كەيىن 27 جىل وتكەن سوڭ الماتىنىڭ تورىندە كومسومولداردى تايراڭداتىپ قويۋ، ۇلتشىلدىعىمىزعا سىن.

ناعىز تويلاعىلارى كەلىپ ءولىپ بارا جاتقاندار بولسا، وندا توسەكتەرىندە ايەلدەرىمەن تويلاسىن، اس ۇيلەرىندە وتباسىلارىمەن تويلاسىن، ۇيلەرىنىڭ قاسىنداعى كافەدە دوستارىمەن تويلاسىن، مەيرامحانادا جاقتاستارىمەن تويلاسىن.

قازاقتىڭ قاسيەتتى تەاترىندا كومسومولداردىڭ تايراڭداعاندارى وكىنىشتى!

ناعاشىباي ەسمىرزانىڭ facebook پاراقشاسىنان

Abai.kz