بۇل تۋرالى وبلىس اكىمى جانسەيىت تۇيمەباەۆ ورتالىق كوممۋنيكاتسيالار قىزمەتىنىڭ تۇركىستان قالاسىندا وتكىزگەن كوشپەلى ءباسپاسوز كونفەرەنتسياسىندا مالىمدەدى.

«جالپى، بيىل وبلىسقا 163,5 ملرد. تەڭگە ينۆەستيتسيا باعىتتالدى. ءوڭىردىڭ ينۆەستيتسيالىق-تۋريستىك تارتىمدىلىعىن ارتتىرۋ ماقساتىندا اعىمداعى جىلدىڭ 28 قىركۇيەگىندە تۇركىستان قالاسىندا 1-ءشى «كونە تۇركىستان – جاڭا مۇمكىندىكتەر» اتتى حالىقارالىق ينۆەستيتسيالىق جانە تۋريستىك فورۋمى ءوتتى.  اتالعان فورۋمعا 17 شەتەلدىك جانە وتاندىق 500-گە جۋىق كاسىپكەر قاتىستى. ناتيجەسىندە 17 كەلىسىمگە قول قويىلىپ، وبلىس ەكونوميكاسىنا 1,7 ملرد.اقش دوللار كولەمىندە ينۆەستيتسيا تارتىلاتىن بولدى»، - دەدى ج.تۇيمەباەۆ.

تۇركىستان وبلىسى اكىمدىگى، «Kazakh Invest» ۇلتتىق كومپانياسى جانە «Turkestan Invest» مەكەمەلەرى بىرلەسىپ جالپى قۇنى 615 ملن. اقش دوللارىن قۇرايتىن 13 ينۆەستيتسيالىق جوبانى جۇزەگە اسىرۋدى قولعا الدى.  بۇل جوسپار ءىس جۇزىندە ورىندالسا، وڭىردە 3 مىڭ جاڭا جۇمىس ورنى اشىلاتىن بولادى.

«ەڭبەك» باعدارلاماسى اياسىندا 65 مىڭ ادامدى جۇمىسپەن قامتۋ شارالارىنا قاتىستىرۋ جوسپارلانىپ، بۇگىندە ناقتى  58 700 ادام قامتىلدى. 7 953 ادام كاسىپتىك جانە تەحنيكالىق وقۋعا جولدانعان.

Abai.kz