ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنداعى ەڭ باسىم باعىت حالىق تابىسىنىڭ ءوسۋى, جالاقىنى كوتەرۋ بولعانى بەلگىلى.

تۇركىستاندىق كاسىپورىندار مەن مەكەمەلەر دە وسىعان سايكەس جۇمىستارىن جۇرگىزۋدە. تۇركىستان قالالىق اكىمدىگىنىڭ كاسىپكەرلىك ءبولىمى جەرگىلىكتى كاسىپورىندارمەن تىكەلەي جۇمىس جاساپ، ماسەلەنى شەشۋ تەتىكتەرىن بىرلەسكەن تۇردە قاراستىرۋدا. بۇگىنگى تاڭدا 170 كاسىپورىندا (شاعىن جانە ورتا) جالاقىسى تومەن جۇمىسشىلاردىڭ سانى 635  ادام ەكەندىگى انىقتالدى. قالاداعى 150-گە جۋىق جۇمىسشىسى بار «گراند ميكس» جيھاز فيرماسىنىڭ باسشىلىعى ەلباسى جولداۋىنداعى باسىم باعىتتى قولداۋشىلاردىڭ ءبىرى بولىپ، شيكىزات قورىن ارتتىرىپ ءونىدىرىستى وركەندەتۋدى كوزدەپ وتىر. وسى باعىتتا جۇمىسشىلاردىڭ ەڭبەك اقىسىن 2019 جىلدىڭ 1-قاڭتارىنان باستاپ جوعارىلاتپاق. جەرگىلىكتى كاسىپورىن باسشىلارى ەلباسىنىڭ جولداۋىنداعى باسىم باعىتتاردى جۇزەگە اسىرۋدى ءبىر كىسىدەي قولداپ وتىر. ال قالالىق اكىمدىكتىڭ «تۇركىستان جارىق-تازالىق» جشس-ءى مەكەمەسى جالاقىسى 33 مىڭ تەڭگەنى قۇرايتىن جۇمىسشىلاردىڭ ايلىق جالاقىسىن 43 مىڭ تەڭگەگە كوتەرۋدى جوسپارلاپ  وتىر. تۇركىستان قالاسىنىڭ تازالىعى مەن اباتتاندىرۋ، كوگالداندىرۋ جۇمىسىنا جاۋاپكەرشىلىكپەن قارايتىن مەكەمەدە بۇگىندە 251 جۇمىسشى ەڭبەك ەتەدى.

Abai.kz