ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋى بويىنشا وتكەن اكتيۆ جيىندا تۇركىستان وبلىسىنىڭ اكىمى ج.تۇيمەباەۆ "تۇركىستان - تۋريزم ورتالىعىنا اينالادى" دەپ مالىمدەدى.

ءوڭىر باسشىسى جانسەيىت تۇيمەباەۆ بۇل جيىندا نەگىزگى التى باعىتتان تۇراتىن ساياسي قۇجاتتىڭ ءمانى مەن ماعىناسىنا جەكە-جەكە توقتالىپ، ونىڭ قازاقستاندىقتاردىڭ تابىسىن ارتتىرۋعا، الەۋمەتتىك جاعدايىن جاقسارتۋعا، ورتا جانە شاعىن كاسىپكەرلىكتى ودان ارى دامىتۋعا، حالىقتىڭ ءومىر سۇرۋىنە قولايلى ءارى قاۋىپسىز قوعامدىق ورتا قۇرۋعا باعىتتالعانىن جەتكىزدى.

جولداۋداعى ءاربىر ايتىلعان تارماقتاردى تالقىلاعان جيىندا وبلىس باسشىسى وڭىردەگى اتقارىلىپ جاتقان جۇمىستاردى دا ايتىپ بەردى. «ەلباسى جولداۋىنداعى «بيزنەستىڭ جول كارتاسى – 2020» باعدارلاماسىنىڭ مەرزىمىن 2025 جىلعا دەيىن ۇزارتۋدى جۇكتەگەنى جاڭادان قۇرىلعان تۇركىستان وبلىسىندا دا كاسىپكەرلىك سالاسىنىڭ ودان ارى دامۋىنا تىڭ جول اشادى» دەدى جانسەيىت قانسەيىتۇلى.

وبلىس اكىمى يندۋستريالاندىرۋ، ونەركاسىپ، قۇرىلىس، تۇرعىن ءۇي، تۋريزم، اگروونەركاسىپ سىندى سالالاردىڭ وڭىردەگى كورسەتكىشىمەن جانە ءوڭىردى دامىتۋ جوسپارلارىمەن ءبولىستى. اكىمنىڭ ايتۋىنشا، وبلىس ورتالىعىندا تاريحي ەتنوتۋريزمدى دامىتۋعا بارلىق مۇمكىندىك بار. تۇركىستاننىڭ تاريxي قۇندىلىقتارىن ساقتاۋ، ودان ارى كوركەيتۋ، قوجا اxمەت ياسساۋي كەسەنەسى نەگىزىندە مادەني-رۋxاني ورتالىقتى ساقتاۋ جانە اكىمشىلىك-ىسكەرلىك ورتالىقتى قۇرۋعا ەرەكشە كوڭىل بولىنۋدە. «جاقىن ارادا ءبىز وبلىس ورتالىعىنا كەلەتىن 1 ميلليونىنشى ءتۋريستتى كۇتەتىن بولامىز. بولاشاقتا ءتۋريزمدى دامىتۋعا باعىتتالعان باسقا دا ءتۇرلى جولداردىڭ ناتيجەسىندە وبلىسقا كەلەتىن تۋريستەردىڭ سانىن 5 ميلليونعا جەتكىزۋ مەجەلەنىپ وتىر. ول ءۇشىن «ازىرەت سۇلتان» قورىق-مۋزەيىنىڭ دامۋ جوسپارى تۇزىلگەن. جوسپارعا سايكەس ءبىرىنشى كەزەكتە تۇركىستاننىڭ ەجەلگى قونىستارىنىڭ ءبىرى – كۇلتوبە قالاشىعى قايتا جاڭعىرتىلادى. ابىلمامبەت حان مەن تاۋكە حاننىڭ وردالارى، ولاردىڭ جانىنداعى ورتاعاسىرلىق ۇلگىدەگى مەشىت جانە باسقا دا بىرقاتار نىساندار تولىق قايتا قالپىنا كەلتىرىلەدى» دەدى اكىم. باسقوسۋدا مىنبەرگە بىرقاتار ازاماتتار شىعىپ، ويلارىن ورتاعا سالدى. ءسوز العان قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ۇستازى، تاريح عىلىمدارىنىڭ دوكتورى حازىرەتالى تۇرسىن: «ەلباسى جولداۋى ينستيتۋتسيونالدى سيپات الىپ، ەلىمىزدىڭ ساياسي ومىرىنە بەرىك ورنىقتى. قازىرگى كەزدە ەلباسى جولداۋىن الداعى كۇننەن ۇلكەن ءۇمىت كۇتكەن ءاربىر قازاقستاندىق اسىعا كۇتەتىندەي سۇرانىس قالىپتاستى.

ويتكەنى جولداۋ ءبىزدىڭ الداعى ۋاقىتتا يگەرەتىن جاڭا بيىكتەرىمىزدى بەلگىلەپ قانا بەرمەيدى. سونىمەن بىرگە، ءبىزدىڭ ەرتەڭگى كۇنگى تۇرمىسىمىز بەن الەۋ­مەتتىك-ەكونوميكالىق حال-احۋالىمىزدىڭ قان­داي بولاتىندىعىنا دا باعىت بەرەدى» دەگەن پرو­فەسسور حازىرەتالى ماحانۇلى جولداۋداعى ايتىلعان تارماقتار بويىنشا بىرقاتار ۇسىنىس­تار ايتتى. ورداباسى اۋدانىنداعى «بورتە ميلكا» كاسىپورنىنىڭ قۇرىلتايشىسى، وبلىستىق ءماسلي­حات دەپۋتاتى نۇرالى ابىشەۆ، ءبىلىم سالا­سىن­دا 50 جىل ەڭبەك ەتكەن ارداگەر ۇستاز، سايرام اۋداندىق قوعامدىق كەڭەس توراعاسى امانگەلدى قابىلبەكوۆ، قازاقستان وزبەكتەرى «دۋستليك» قاۋىمداستىعىنىڭ توراعاسى يكرام حاشيم­جا­نوۆ جانە ق.ياسساۋي اتىنداعى حالىق­ارالىق قازاق-تۇرىك ۋنيۆەرسيتەتىنىڭ 4-كۋرس ستۋدەنتى، «تۇركىستان ستۋدەنتتەرى اليانسى» قوعام­دىق بىرلەستىگىنىڭ مۇشەسى الۋا تۇرسىنحان دا سويلەدى. ءاربىر بايانداماشىنىڭ ايتقان ۇسىنىستارى مەن پىكىرلەرىنە قاتىستى وبلىس باسشىسى ءتيىستى جاۋابىن بەردى جانە ايتىلعان ماسەلەلەر ەسكەرىلەتىنىن جەتكىزدى. «قاي ءبىر قوعام، قاي ءبىر زامان بولسىن – تابىسى ارتقان، ءومىر ءسۇرۋ ساپاسى جوعارى دەڭگەيگە تەك ىنتىماعى ىرىستى، بىرلىگى بەكەم حالىقتار عانا جەتە بىلگەن. سوندىقتان بۇل يگى ىسكە بارشامىز ءبىر كىسىدەي اتسالىسادى دەگەن سەنىمدەمىن!» دەگەن ج.تۇيمەباەۆ جولداۋدا اتاپ كورسەتىلگەن ماسەلەلەردى نەگىزگە الا وتىرىپ، ءتيىستى دەڭگەيدە ءتۇسىندىرىلىپ، ناسيحاتتالۋىن وبلىستىق ىشكى ساياسات باسقارماسىنا، وبلىستىق ءبىلىم، وتباسى، بالالار جانە جاستار ىستەرى جونىندەگى باسقارماى مەن اۋدان، قالا اكىمدىك­تە­رىنە، سونداي-اق «نۇر وتان» پارتياسى وبلىستىق فيليالىنا جۇكتەدى.

Abai.kz