قازاقستان رەسپۋبليكاسىنىڭ

باس پروكۋرورى ق.پ. قوجامجاروۆقا

 قۇرمەتتى قايرات پەرنەشۇلى!

 قازىرگى قولدانىستاعى قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 4 جەلتوقسانداعى №992 بۇيرىعىنىڭ 28-تارماعى جانە «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى №477-IV زاڭىنىڭ 9-بابىنىڭ 4) تارماعى تۋرالى كەڭەس سۇراپ، وسى ءوتىنىشتى ءسىزدىڭ اتىڭىزعا جازىپ وتىرمىن.

«حالىقتىڭ كوشى-قونى تۋرالى» زاڭىنىڭ 49-بابىنىڭ  14-1) تارماعىندا «قازاقستان رەسپۋبليكاسىنىڭ حالىقتىڭ كوشى-قونى، سالىق سالۋ جانە ەڭبەك زاڭناماسى سالاسىنداعى قۇقىق بۇزۋشىلىق ءۇشىن اكىمشىلىك جاۋاپتىلىققا تارتىلعان;» دەپ جازىلعان. دەمەك، كوشىپ كەلۋشىلەرگە قازاقستان رەسپۋبليكاسىندا تۇراقتى تۇرۋعا ارنالعان رۇقساتتى بەرۋدەن باس تارتۋ نە ونىڭ كۇشىن جويۋ ءۇشىن وسى نەگiزدەر قولدانىلادى.

قازىرگى تاڭدا اكىمشىلىك قۇقىق بۇزعان كوشىپ كەلۋشىلەر قر «اكىمشىلىك قۇقىق بۇزۋشىلىق تۋرالى» كودەكسىنىڭ 517-بابىنىڭ 4-بولىگىنە ساي، مامانداندىرىلعان اۋدانارالىق اكىمشىلىك سوتىنىڭ شەشىمىمەن ايىپپۇل تولەيدى. دۇرىس! تولەسىن!!

بىراق، «شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىندا ۋاقىتشا جانە تۇراقتى تۇرۋعا رۇقساتتار بەرۋ قاعيدالارىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 4 جەلتوقسانداعى №992 بۇيرىعىنىڭ 28-تارماعىنداعى «شەتەلدىك وسىنداي رۇقساتتى ۇسىنۋدان باس تارتۋ نەمەسە ونى جويۋ تۋرالى شەشىم قابىلداعان كۇننىنەن باستاپ ءبىر جىلدان ەرتە ەمەس رۇقسات بەرۋ تۋرالى ءوتىنىشتى قايتا بەرەدى» دەگەن شارتقا ساي، ول ازامات ءبىر جىل بويى قازاقستان رەسپۋبليكاسىندا تۇراقتى تىركەۋگە تۇرا المايدى.

سونداي-اق، ۆيزاسىنىڭ مەرزىمى ءوتىپ كەتكەنى ءۇشىن اتالعان قر «اكىمشىلىك قۇقىق بۇزۋشىلىق تۋرالى» كودەكسىنىڭ 517-بابىنىڭ 4-بولىگىنە ساي، مامانداندىرىلعان اۋدانارالىق اكىمشىلىك سوتىنىڭ شەشىمىمەن ايىپپۇل تولەگەن كوشىپ كەلۋشىلەرگە ىشكى ىستەر مينيسترلىگىنىڭ كوشى-قون قىزمەتى پوليتسيا باسقارمالارى شىعۋ ۆيزاسىن بەرەدى جانە «شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىندا ۋاقىتشا جانە تۇراقتى تۇرۋعا رۇقساتتار بەرۋ قاعيدالارىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 4 جەلتوقسانداعى №992 بۇيرىعىنىڭ 28-تارماعىنداعى «شەتەلدىك وسىنداي رۇقساتتى ۇسىنۋدان باس تارتۋ نەمەسە ونى جويۋ تۋرالى شەشىم قابىلداعان كۇننىنەن باستاپ ءبىر جىلدان ەرتە ەمەس رۇقسات بەرۋ تۋرالى ءوتىنىشتى قايتا بەرەدى» دەگەن شارتقا ساي، ول ازاماتتى ءبىر جىل بويى قازاقستان رەسپۋبليكاسىندا تۇراقتى تىركەۋگە المايدى.

ال، «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى №477-IV زاڭىنىڭ 9-بابىنىڭ 4) تارماعىندا «قازاقستان رەسپۋبليكاسىنىڭ اۋماعىنداعى شەتەلدىكتەر مەن ازاماتتىعى جوق ادامدارعا قازاقستان رەسپۋبليكاسىنىڭ ۆيزالارىن بەرەدى، كۇشىن جويادى، قالپىنا كەلتىرەدى، سونداي-اق ولاردىڭ قولدانىلۋ مەرزىمدەرىن ۇزارتادى جانە قىسقارتادى نە قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسىنىڭ ۆيزالارىن بەرۋدەن باس تارتۋ تۋرالى شەشىم قابىلدايدى;» دەپ تۇر.

سونداي-اق، اتالعان «حالىقتىڭ كوشى-قونى تۋرالى» زاڭىنىڭ 7-بابىندا «قازاقستان رەسپۋبليكاسىندا تۇراقتى تۇرۋ ۆيزاسىمەن ۋاقىتشا بولاتىن نە قازاقستان رەسپۋبليكاسىمەن كىرۋدىڭ جانە بولۋدىڭ ۆيزاسىز ءتارتىبى تۋرالى كەلىسىم جاساسقان مەملەكەتتەردەن كەلگەن شەتەلدىكتەر مەن ازاماتتىعى جوق ادامدار، سونداي-اق وزدەرىنە بەرىلگەن ۆيزانىڭ ساناتىنا قاراماستان، ەتنيكالىق قازاقتار تۇراقتى تۇرۋعا رۇقسات الۋ ءۇشىن ىشكى ىستەر ورگاندارىنا ءوتىنىش بەرەدى» دەپ جازىلعان.

دەمەك، مەنىڭشە ۆيزاسىنىڭ مەرزىمى ءوتىپ كەتكەنى ءۇشىن قر «اكىمشىلىك قۇقىق بۇزۋشىلىق تۋرالى» كودەكسىنىڭ 517-بابىنىڭ 4-بولىگىنە ساي، مامانداندىرىلعان اۋدانارالىق اكىمشىلىك سوتىنىڭ شەشىمىمەن ايىپپۇل تولەگەن قانداستارىمىزعا اتالعان زاڭعا ساي ىشكى ىستەر مينيسترلىگىنىڭ كوشى-قون پوليتسياسى ۆيزاسىنىڭ ساناتىنا قاراماستان ۆيزاسىن  قالپىنا كەلتىرۋگە، سونداي-اق ولاردىڭ قولدانىلۋ مەرزىمدەرىن ۇزارتىپ بەرۋىنە بولادى.

ونىڭ ۇستىنە، جوعارىدا كورسەتىلگەن «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى №477-IV زاڭىنىڭ 49-باپتىڭ 5) تارماعىندا «قازاقستان رەسپۋبليكاسىنىڭ شەتەلدىكتەردىڭ قۇقىقتىق جاعدايى تۋرالى زاڭناماسىن بىرنەشە رەت بۇزعان;» دەپ جازىلعان.

قۇرمەتتى قايرات پەرنەشۇلى!

سىزدەن، ءبىرىنشى، سول قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 4 جەلتوقسانداعى №992 بۇيرىعىنىڭ 28-تارماعىنداعى «شەتەلدىك وسىنداي رۇقساتتى ۇسىنۋدان باس تارتۋ نەمەسە ونى جويۋ تۋرالى شەشىم قابىلداعان كۇننىنەن باستاپ ءبىر جىلدان ەرتە ەمەس رۇقسات بەرۋ تۋرالى ءوتىنىشتى قايتا بەرەدى» دەگەن نورمانىڭ زاڭدىق نەگىزى بار نەمەسە جوقتىعىن;

ەكىنشى، «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى №477-IV زاڭىنىڭ 9-بابىنىڭ 4) تارماعىنادا ۆيزالارىن بەرەدى...، قالپىنا كەلتىرەدى، سونداي-اق ولاردىڭ قولدانىلۋ مەرزىمدەرىن ۇزارتادى...» دەگەن قۇزىرەتى بولا تۇرا، ىشكى ىستەر مينيسترلىگى كوشى-قون پوليتسياسىنىڭ ۆيزا مەرزىمى ءوتىپ كەتكەنى ءۇشىن اكىمشىلىك جاۋاپكەرشىلىككە تارتىلىپ، ايىپپۇل تولەگەن ازاماتتارعا كەلگەن ەلىنە شىعۋ ۆيزاسىن بەرۋىنىڭ دۇرىس نەمەسە بۇرىستىعىن انىقتاپ بەرۋىڭىزدى سۇرايمىن.

سەبەبى، بۇل ماسەلە شەتەلدەن كوشىپ كەلگەن قانداستارىمىزدىڭ تۇراقتى تىركەۋگە تۇرۋىنا كەدەرگى بولىپ وتىر.

اۋىت مۇقيبەك

Abai.kz