ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا تۇرعىنداردىڭ باسپانا ماسەلەسىنە باسا نازار اۋدارعان بولاتىن. سونداي-اق تۇرعىن ءۇي ماسەلەسىن شەشۋ ءۇشىن مەملەكەتتىك “7-20-25” اتتى ارنايى باعدارلاما دا قابىلداندى.

وسىعان وراي، وڭىرلەردە حالىقتىڭ تۇرعىن ءۇي ماسەلەسىن شەشۋ ءۇشىن بىرقاتار جۇمىستار اتقارىلىپ جاتىر. ماسەلەن، تۇركىستان وبلىسىنا قاراستى ارىس قالاسىندا 1300-دەن استام ازامات ءۇي كەزەگىندە تۇر. قازىر قالادا 36 پاتەرلى ءۇش بىردەي كوپقاباتتى ءۇيدىڭ قۇرىلىس جۇمىستارى جۇرۋدە. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى ۇيىمداستىرعان پرەسس-تۋر بارىسىندا بەلگىلى بولدى

«كوكتەم - 2» تۇرعىن اۋدانىندا سالىنىپ جاتقان ءۇش قاباتتى تۇرعىن ۇيلەردىڭ جوبالىق-سمەتالىق قۇجاتتارى 2015 جىلى بەكتىلگەن. قازىرگى تاڭدا 3 ءۇيدىڭ قۇرىلىسى تولىعىمەن اياقتالىپ، مەملەكەتتىك قابىلداۋدان وتكەن. مۇنان بولەك، قالادا تاعى 36 پاتەرلى كوپ قاباتتى ءۇش  ءۇيدىڭ قۇرىلىس جۇمىستارى جۇرۋدە.

باق وكىلدەرى سونداي-اق  جۋىردا عانا قۇرىلىس جۇمىستارى اياقتالعان سپورت الاڭشاسىمەن دە تانىستى.  جوبالىق قۇنى 60 ملن  تەڭگە تۇراتىن نىساننىڭ قۇرىلىس جۇمىستارى اعىمداعى جىلدىڭ قىركۇيەك ايىندا اياقتالىپ وتىر. جۋرناليستەر سونداي-اق شاھارداعى تۇرعىن ءۇي ماسەلەسىنە، الەۋمەتتىك جانە باسقا دا نىسانداردا اتقارىلىپ جاتقان جۇمىستاردىڭ بارىسىنا قانىقتى.

Abai.kz