«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

يننوۆاتسيالارعا باسىمدىلىق بەرىلۋدە. تۇركىستان وبلىسىنداعى اگرو-ونەركاسىپتىك كەشەندەر تسيفرلىق فورماتقا كوشە باستادى. ماسەلەن، سارىاعاش اۋدانىندا اۆتوماتتاندىرىلعان جۇيە ەنگىزىلگەن جىلىجاي جۇمىس ىستەيدى. قىزاناق وسىرۋمەن اينالىساتىن شارۋاشىلىق جاڭا تەحنولوگيانى ەنگىزۋ ارقىلى ءونىم كولەمىن 2 ەسەگە دەيىن ارتتىرعان. اۋماعى 7 گا بولاتىن القاپتان شاشمەن 700 توننا ءونىم جينالادى.

ەگىن جيناۋ مامىر جانە قاراشا ايلارىندا جۇرگىزىلەدى.

گاۋھار احمەتوۆا، سارىاعاش اۋدانىنىڭ تۇرعىنى:

- ءبىز قىزاناقتى بۇلاي كەسۋىمىزدىڭ سەبەبى، ۇزاق جولعا جاقسى شىدايدى، ءارى ادەمى كورىنەدى. سول ءۇشىن وسىلاي كەسىپ، باپتاپ، جينايمىز.  جىلىجايدا تەمپەراتۋرانى باقىلاۋدىڭ اۆتوماتتاندىرىلعان جۇيەسى ورناتىلعان. بۇل وسىمگە وڭ اسەر ەتەدى. ماسەلەن، ەگىن جيناۋ كەزىندە ءاربىر تۇپتەن 7-8 كگ جەمىس بەرەدى. ال بۇل – تاۋلىگىنە 50-دەن 100-گە دەيىن قوراپ قىزاناق ءونىمى.

بەكزات تورەبەك، جىلىجاي اگرونومى:

-  ءبىزدىڭ جىلىجايدىڭ تەرەزەلەرى اۆتوماتتاندىرىلعان. 15 گا جەر جىلى بولعاندا ءوزى اشىلادى. 10-12 گا سالقىنداعاندا قايتادان اۆتوماتتى تۇردە جابىلادى.

جىلىجاي ونىمدەرىنىڭ ۇشتەن ءبىرى رەسەيگە ەكسپورتتالادى. قالعانى – ەلدىڭ ىشكى نارىعىنا تارالادى. تۇركىستان وبلىسىنداعى بارلىق جىلىجايلاردىڭ 50% -ى سارىاعاش اۋدانىندا ورنالاسقان.

Abai.kz