مەملەكەت باسشىسىنىڭ «ۇلى دالانىڭ جەتى قىرى» اتتى ماقالاسىندا حالقىمىزدىڭ ۇلتتىق ەرەكشەلىكتەرىنە توقتالعان.  وندا «اتقا ءمىنۋ مادەنيەتى»، «ۇلى دالاداعى ەجەلگى مەتاللۋرگيا»، «اڭ ءستيلى»، «التىن ادام»، «تۇركى الەمىنىڭ بەسىگى، «ۇلى جىبەك جولى»، «قازاقستان – الما مەن قىزعالداقتىڭ وتانى» اتتى تاقىرىپتارمەن تارقاتادى.

بۇل ماقالا ەلباسىنىڭ «رۋحاني جاڭعىرۋ» ۇلت جوسپارىنىڭ ءداستۇرلى جالعاسى ىسپەتتى. ويتكەنى مەملەكەت باسشىسى ماقالا اياسىندا "قازاقستان – كۇللى تۇركى حالىقتارىنىڭ قاسيەتتى «قارا شاڭىراعى». بۇگىنگى قازاقتىڭ سايىن دالاسىنان الەمنىڭ ءار تۇكپىرىنە تاراعان تۇركى تەكتەس تايپالار مەن حالىقتار باسقا ەلدەر مەن وڭىرلەردىڭ تاريحي ۇدەرىستەرىنە ەلەۋلى ۇلەس قوستى.  سونىمەن قاتار جاڭا وبلىس ورتالىعى رەتىندە تۇركىستاندى دامىتۋ بارىسىندا ونىڭ حالىقارالىق ارەناداعى بەدەلىن جۇيەلى تۇردە ارتتىرۋ قاجەت. قازاقستاننىڭ ەجەلگى استاناسى حالقىمىزدىڭ رۋحاني ورتالىعى عانا ەمەس، سونداي-اق، بۇكىل تۇركى الەمى ءۇشىن كيەلى ورىن بولىپ سانالادى» دەيدى.

وسىعان وراي تۇركىستان وبلىسىنىڭ وڭىرلىك كوممۋنيكاتسيالىق قىزمەتىندە وتكەن ءباسپاسوز ءماسليحاتىندا ق.ا.ياساۋي اتىنداعى حقتۋ-ءى دوتسەنتى لياززات ديناشەۆا تۇركىستاننىڭ تەك قازاق حالقى ەمەس، كۇللى تۇركىنىڭ ءتۇپ قازىعى ەكەندىگىنە توقتالدى.

«تۇران،  ياسسى، تۇركىستان. بۇل ۇعىمدار قاشاندا كۇللى تۇركى حالىقتارى ءۇشىن ۇلىق بولىپ كەلگەن. قازاق جۇرتى ءۇشىن ءتىپتى ەرەكشە. ۇلتتىڭ تاعدىرىنا قاتىستى شەشىمدەر وسى قالادا قابىلدانىپ، تورتكۇل دالامىزعا تارقادى. بۇگىندە قازاقتىڭ تاريحي قايراتكەرلەرى ماڭگىلىك مەكەن تاپقان قاسيەتتى ورىن. وتكەن جىلى «تۇركىستان – تۇركى الەمىنىڭ مادەني استاناسى» اتانىپ، وڭىردە 40-تان اسا مادەني شارالار ءوتتى. تۇركى حالىقتارى باس قوسقان بىرنەشە فورۋم، عىلىمي جيىندار ءوتتى. ماسەلەن، كۇنى كەشە عانا تۇركىستان قالاسىندا «كيەلى تۇركىستان جانە تۇركى دۇنيەسىنىڭ رۋحاني جاڭعىرۋى» اتتى عىلىمي-تەوريالىق كونفەرەنتسيا ءوتىپ، تۇركىستاندا حالىقارالىق تۇركى اكادەمياسىنىڭ عىلىمي ورتالىعى اشىلاتىن بولدى»، - دەدى لياززات سارسەنبەكقىزى.

Abai.kz