تۇركىستان قالاسىندا «نۇر وتان» پار­تياسى وبلىستىق فيليالىنىڭ كەزەكتى حححV ەسەپ بەرۋ-سايلاۋ كونفەرەنتسياسى ءوتتى.

كونفەرەنتسياعا «نۇر وتان» پارتياسىنىڭ حاتشىسى ق.جۇماشەۆ، وبلىس اكىمى، «نۇر وتان» پارتياسى ءتۇر­كىستان وبلىستىق فيليالىنىڭ توراعاسى ج.تۇيمەباەۆ، «نۇر وتان» پارتياسى وبلىس­تىق فيليالى توراعاسىنىڭ ءبىرىنشى ورىن­با­سارى ن.جولداسوۆ، وبلىستىق ءماسليحاتتىڭ حات­شىسى ق.بالابيەۆ جانە پارتيا فيليا­لىنىڭ ساياسي كەڭەس مۇشەلەرى، ءماسليحات دەپۋتات­تارى، باستاۋىش پارتيا ۇيىمدارى­نىڭ باسشىلارى، مەملەكەتتىك ورگانداردىڭ باسشىلارى، باق وكىلدەرى قاتىستى.

اتالعان جيىندا ەلباسى نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جول­داۋىنان تۋىندايتىن مىندەتتەرى مەن وبلىستىق ساياسي كەڭەسىنىڭ 2017-2018 جىلدارى اتقارعان جۇمىستارىنىڭ ەسەبى تۋرالى، «نۇر وتان» پارتياسى تۇركىستان وبلىستىق فيليالى باقىلاۋ-تەكسەرۋ كوميسسياسىنىڭ 2017-2018 جىلدارى اتقارعان جۇمىستارىنىڭ ەسەبى تۋرالى، تۇركىستان وبلىستىق فيليالىنىڭ ساياسي كەڭەس قۇرامىن سايلاۋ جانە «نۇر وتان» پارتياسى تۇركىستان وبلىستىق فيليالى باقىلاۋ-تەكسەرۋ كوميسسياسىنىڭ قۇرا­مىن سايلاۋ ءوتتى.

ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىن تۇركىستان وبلىسىندا جۇزەگە اسىرۋ بارىسى تۋرالى جانسەيىت تۇيمەباەۆ باياندادى.

كونفەرەنتسيا بارىسىندا پارتيا فيليالى توراعاسىنىڭ ءبىرىنشى ورىنبا­سارى نۇرماحان جولداسوۆ 2017-2018 جىل­دارى اتقارىلعان جۇمىستار تۋرالى ەسەبىن باياندادى.

«ەلباسى نۇرسۇلتان نازارباەۆ بيىل 5 قازاندا قازاقستان حالقىنا جولداۋىن جولدادى. جولداۋدىڭ ەرەكشەلىگى ەلگە قاجەت الەۋمەتتىك ماسەلەلەردى شەشۋگە، حالىق تابىسىنىڭ وسۋىنە باعىتتالعان. جولداۋدا ايتىلعان ەڭ تومەنگى جالاقى مولشەرى 28 مىڭنان 42 مىڭعا ۇلعايتىلىپ، 1,3 ملن جالدامالى جۇمىسكەردىڭ جالاقى­سىنىڭ 30%-عا ارتىپ، ەلىمىزدەگى ورتاشا تابىس پەن تومەنگى تابىستىڭ اراسىنداعى الشاقتىقتىق تەڭگەرىمىنە وڭ اسەر ەتتى. بۇگىنگى تاڭدا وبلىس اۋماعىندا 9 798 كاسىپ­ورىن بار. ەڭ تومەنگى جالاقىنى كوتەرۋ بويىنشا كاسىپورىنداردا، ەڭبەك ۇجىم­دارىندا ءتۇسىندىرۋ، ناسيحاتتاۋ جۇمىستارى جۇرگىزىلۋدە», دەدى.

وبلىستىق پارتيا فيليالى تاراپىنان اۋماقتاردا ورىن العان وزەكتى ماسەلەلەردى شەشۋ ماقساتىندا سايرام، ورداباسى، تۇركىستان، بايدىبەك، ماقتارال اۋماقتا­رىندا كوشپەلى قوعامدىق قابىلداۋ ءوت­كىزىلگەن. تارقاتىپ ايتقاندا، 61 ازاماتتىڭ ءوتىنىشى قارالىپ، ونىڭ 29-ى وڭ شەشىمىن تاپتى. اۋماقتىق فيليالدارى تاراپىنان 98 كوشپەلى قوعامدىق قابىلداۋ وتكىزىلىپ، 787 ازاماتتىڭ ءوتىنىشى قارالىپ، ونىڭ 302 (38,3 پايىز) وڭ شەشىمىن تاپتى.

Abai.kz