«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالار قارىشتاپ دامىپ بارا جاتقان مىنا زاماندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

تۇركىستان قالاسىنداعى «Tۇركىستان مەديا» حالىقارالىق ورتالىعىندا ورنالاسقان وڭىرلىك كوممۋنيكاتسيالار قىزمەتىندە اقپارات كەڭىستىگىندەگى تۇڭعىش تسيفرلىق «ULYS» جۋرنالىنىڭ تانىستىرىلىمى ءوتتى، دەپ حابارلايدى تۇركىستان وبلىسى اكىمىنىڭ ءباسپاسوز قىزمەتى.

اتالعان جيىنعا قازاقستانداعى العاشقى ەلەكتروندى «ULYS» جۋرنالىنىڭ باس رەداكتورى ەرجان قالىمباي، فيلوسوفيا عىلىمدارىنىڭ كانديداتى جانات مومىنقۇلوۆ، باسىلىمنىڭ تەحنيكالىق ديرەكتورى بولات اسكەر، سونداي-اق وبلىستىق ىشكى ساياسات، مادەنيەت سالاسىنىڭ ماماندارى مەن ءباسپاسوز وكىلدەرى، ستۋدەنتتەر قاتىستى.

شارادا «Ulys» تسيفرلىق جۋرنالىنىڭ باس رەداكتورى، بەلگىلى جۋرناليست ەرجان قالىمباي بۇل جۋرنالدىڭ قازاق مەديا تاريحىندا ۇلكەن جاڭالىق ەكەنىن ايتىپ، جۋرنالدىڭ ماڭىزدىلىعى مەن ارتىقشىلىعى جايلى ءسوز قوزعادى.

«بۇل جوبا – قازاقستاننىڭ اقپاراتتىق نارىعىن ساپالى كونتەنتپەن قامتاماسىز ەتۋگە ۇلەس قوسادى. مۇنداعى ساراپتامالىق، تانىمدىق ماقالالار سان سالانى قامتيدى. گەوستراتەگيا، ەلدىڭ ىشكى-سىرتقى ساياساتى، ەكونوميكا، جاhاندا بولىپ جاتقان وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق وقىرماندارىنا جەتكىزىلەدى. اسىرەسە، ورتالىق ازيا مەن تۇركى الەمىنە ەرەكشە كوڭىل بولەمىز. جۋرنال تەك قازاق تىلىندە شىعادى. «ۇلىس» ءسوزىنىڭ «ءوزى ۇلى» ءىس دەگەن ماعىنادا. ۇلتتىق ۇعىمدار سانادا جاڭعىرسىن دەگەن ماقسات. قازىرگى تاڭدا باسىلىمنىڭ ءۇش سانى شىقتى. اقپاراتتىڭ ساپالى بولۋى باستى نازاردا. ءار سانىندا 20 ماقالا جاريالانادى. ولاردى زەرتتەۋ ينستيتۋتتارىنىڭ ماماندارى جازادى. الداعى ۋاقىتتا ەلەكتروندى باسىلىمنىڭ اۋقىمىن حالىقارالىق دەڭگەيدە شىعارۋدى جوسپارلاپ وتىرمىز»، – دەدى اۆتور.

جيىندا مەديا سالاسىنداعى تسيفرلىق تەحنولوگيانىڭ دامۋى مەن بۇگىنگى جەتىستىگى جايلى كەڭىنەن تالقىلاندى. سونداي-اق قاتىسۋشىلار قازىرگى تاڭداعى اقپاراتتىق كەڭىستىكتەگى جاڭالىقتار بويىنشا كوكەيتەستى سۇراقتارىن قويدى.

جوبا جەتەكشىلەرىنىڭ ايتۋىنشا، جۋرنال Digital فورماتىنداعى سوڭعى ۇلگىدەگى تاجىريبەلەرگە نەگىزدەلىپ جاسالعان. ماسەلەن، ماقالانى وقۋمەن قاتار، اۋديو جازباسىن تىڭداۋعا نەمەسە بەينە جازباسىن كورۋگە مۇمكىندىك بار. «Ulys» جۋرنالىن «iOS» جانە «Android» جۇيەلەرىندەگى قوسىمشا ارقىلى تەلەفونعا نەمەسە پلانشەتكە تەگىن جۇكتەپ الىپ، كەز كەلگەن ۋاقىتتا وقي بەرۋگە بولادى.

Abai.kz