استانا. 21 ءساۋىر. قازاقپارات /كەنجەكەي توقتامۇرات/ - بۇگىن قازاقستان رەسپۋبليكاسى تۇڭعىش پرەزيدەنتىنىڭ مۇراجايىندا ەلوردالىق مەكتەپ قۋشىلارى قازاق ەكونوميكا، قارجى جانە ساۋدا ۋنيۆەرسيتەتىنىڭ رەكتوراتىمەن كەزدەسۋ وتكىزدى.

جۇزدەسۋگە استانا قالاسىنداعى مەكتەپتەردى بىتىرگەلى وتىرعان  تۇلەكتەر، اتاپ ايتقاندا بولاشاعىن ەكونوميكا، كەدەندىك ءىس، تۋريزم جانە الەۋمەتتىك جۇمىستار سالاسىمەن بايلانىستىراتىن مەكتەپ وقۋشىلارى كەلدى.

«بۇگىنگى كەزدەسۋ يميدجدىك ماقساتتى كوزدەۋگە ارنالىپ وتىر. قازاق ەكونوميكا، قارجى جانە ساۋدا ۋنيۆەرسيتەتى ەلىمىزدەگى الدىڭعى قاتارلى ەكونوميكالىق ءبىلىم بەرۋ ورىندارىنىڭ ءبىرى بولىپ تابىلادى. وقۋ ورنىنىڭ 11 جىلدىق تاريحي بار، بۇرىن ول ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ فيليالى بولعان. قازىر جەكە ۋنيۆەرسيتەت»، - دەيدى اتالمىش وقۋ ورنىنىڭ وقۋ ءىسى جونىندەگى پرورەكتورى، ەكونوميكا عىلىمدارىنىڭ دوكتورى، حالىقارالىق  اقپاراتتاندىرۋ اكادەمياسى مەن ەۋرازيا حالىقارالىق ەكونوميكا اكادەمياسىنىڭ اكادەميگى نۇريلا كۇشىكوۆا.

ونىڭ ايتۋىنشا، ۋنيۆەرسيتەت 15 باعىت، جالپى العاندا ەكونوميكالىق ماماندىقتار بويىنشا ءبىلىم بەرەدى. «ءبىز جىلىنا 4 500 مامان دايىنداپ شىعارامىز جانە بۇگىنگى كەزدەسۋ تالاپكەرلەر ءۇشىن وتە ماڭىزدى دەپ ويلايمىن. وسىنداي جيىندار مەكتەپ تۇلەكتەرى ءۇشىن دە، وقۋ ورىندارىنىڭ ۇجىمدارى  ۇشىن دە وتە ءتيىمدى»، - دەپ اتاپ ءوتتى ول.

استانا. 21 ءساۋىر. قازاقپارات /كەنجەكەي توقتامۇرات/ - بۇگىن قازاقستان رەسپۋبليكاسى تۇڭعىش پرەزيدەنتىنىڭ مۇراجايىندا ەلوردالىق مەكتەپ قۋشىلارى قازاق ەكونوميكا، قارجى جانە ساۋدا ۋنيۆەرسيتەتىنىڭ رەكتوراتىمەن كەزدەسۋ وتكىزدى.

جۇزدەسۋگە استانا قالاسىنداعى مەكتەپتەردى بىتىرگەلى وتىرعان  تۇلەكتەر، اتاپ ايتقاندا بولاشاعىن ەكونوميكا، كەدەندىك ءىس، تۋريزم جانە الەۋمەتتىك جۇمىستار سالاسىمەن بايلانىستىراتىن مەكتەپ وقۋشىلارى كەلدى.

«بۇگىنگى كەزدەسۋ يميدجدىك ماقساتتى كوزدەۋگە ارنالىپ وتىر. قازاق ەكونوميكا، قارجى جانە ساۋدا ۋنيۆەرسيتەتى ەلىمىزدەگى الدىڭعى قاتارلى ەكونوميكالىق ءبىلىم بەرۋ ورىندارىنىڭ ءبىرى بولىپ تابىلادى. وقۋ ورنىنىڭ 11 جىلدىق تاريحي بار، بۇرىن ول ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ فيليالى بولعان. قازىر جەكە ۋنيۆەرسيتەت»، - دەيدى اتالمىش وقۋ ورنىنىڭ وقۋ ءىسى جونىندەگى پرورەكتورى، ەكونوميكا عىلىمدارىنىڭ دوكتورى، حالىقارالىق  اقپاراتتاندىرۋ اكادەمياسى مەن ەۋرازيا حالىقارالىق ەكونوميكا اكادەمياسىنىڭ اكادەميگى نۇريلا كۇشىكوۆا.

ونىڭ ايتۋىنشا، ۋنيۆەرسيتەت 15 باعىت، جالپى العاندا ەكونوميكالىق ماماندىقتار بويىنشا ءبىلىم بەرەدى. «ءبىز جىلىنا 4 500 مامان دايىنداپ شىعارامىز جانە بۇگىنگى كەزدەسۋ تالاپكەرلەر ءۇشىن وتە ماڭىزدى دەپ ويلايمىن. وسىنداي جيىندار مەكتەپ تۇلەكتەرى ءۇشىن دە، وقۋ ورىندارىنىڭ ۇجىمدارى  ۇشىن دە وتە ءتيىمدى»، - دەپ اتاپ ءوتتى ول.

كەزدەسۋدە مەكتەپ تۇلەكتەرى ءۇشىن ارنايى باعدارلاما ازىرلەنىپ، ول باعدارلامانىڭ كومەگىمەن وقۋ ورنىنىڭ رەكتورات مۇشەلەرى، فاكۋلتەت دەكاندارى، كافەدرا مەڭگەرۋشىلەرى بولاشاق تالاپكەرلەردى قىزىقتىرعان سان-سالالى سۇراقتارعا جاۋاپ بەردى.

قازاق ەكونوميكا، قارجى جانە ساۋدا ۋنيۆەرسيتەتى ەلىمىزدەگى جوو-لار اراسىندا عانا تانىمال ەمەس، الەمدىك ءبىلىم بەرۋ كەڭىستىگىندە دە باسەكەگە قابىلەتتى ەكەنىن ايتا كەتۋ كەرەك. ۋنيۆەرسيتەت حالىقارالىق ارىپتەستىكتى قاتار دامىتىپ، حالىقارالىق ءبىلىم بەرۋ جوبالارىنا، ءارتۇرلى بايقاۋلار مەن سەمينارلارعا ۇنەمى قاتىسىپ وتىرادى.