ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا ەلىمىزدىڭ ەكونوميكالىق دامۋىندا شەت ەلدىك ينۆەستورلاردىڭ ۇلكەن ءرول اتقاراتىنىن اتاپ وتكەن بولاتىن.

وسىعان وراي، جۋىردا تۇركىستان وبلىسىنىڭ اكىمى جانسەيىت تۇيمەباەۆ ءۇندىستاننىڭ «VENKY'S» كومپانياسىنىڭ وكىلدەرىمەن كەزدەستى. ءۇندىستان نارىعىنىڭ 90 پايىزعا جۋىعىن قۇس ەتىمەن قامتاماسىز ەتىپ وتىرعان الپاۋىت كومپانيا تۇركىستان وبلىسىنا ينۆەستيتسيا سالۋعا نيەتتى.

كەزدەسۋدە ءوڭىر باسشىسى وبلىسىمىزدا اۋىل شارۋاشىلىعى سالاسىن دامىتۋعا تولىق مۇمكىندىك بار ەكەنىن جەتكىزدى.

– تۇركىستان وبلىسى وزبەكستان رەسپۋبليكاسىمەن شەكتەسەدى. وڭىردەن «باتىس ەۋروپا – باتىس قىتاي» ماگيسترالى وتەدى. جۇمىس كۇشى كوپ ءارى تابيعاتى شارۋاشىلىققا قولايلى. بىرنەشە قۇس فابريكاسى بار. ءبىز اكىمدىك تاراپىنان قۇس شارۋاشىلىعىن دامىتىپ، كلاستەر قۇرۋعا ءاردايىم قولداۋ كورسەتۋگە دايىنبىز. ەگەر ينۆەستورلار كەلەتىن بولسا، جەر جانە ينفراقۇرىلىم ماسەلەسىنە دە كومەك كورسەتىلەدى. ەكىجاقتى جوبالار ۇندىستانعا دا، قازاقستانعا دا پايدالى بولادى دەپ ويلايمىن. بىرلەسىپ جۇمىس ىستەۋگە ءازىرمىز، – دەدى ج.تۇيمەباەۆ.

ال، «Venkateshwara ءHatcherىes ءPrىvate ءLىmىted» (VH group) كومپانياسىنىڭ وپەراتسيالار جونىندەگى باس ديرەكتورى مۋرتۋزا الي يسمايل ماگدۋم تۇركىستانعا كەلۋدەگى ماقساتىن ءتۇسىندىردى. ينۆەستوردىڭ ايتۋىنشا، كومپانيا 1971 جىلى قۇرىلعان. تەك ءۇندىستاندا عانا ەمەس، اقش جانە ەۋروپا ەلدەرىندە بىرلەسكەن كاسىپورىندارى مەن جوبالارى بار. قازىر الەمدە «Venky's» دەگەن اتپەن تانىلعان الپاۋىت كومپانيا قۇس وسىرۋمەن، جۇمىرتقا وندىرۋمەن قاتار جۇمىرتقا ۇنتاعىن دا كادەگە اسىرىپ ءجۇر. ارنايى زەرتتەۋ ورتالىقتارىندا قۇس شارۋاشىلىعىنا قاجەتتى ۆاكتسينا شىعارۋمەن دە اينالىسادى. وسى دەرەكتەرگە توقتالعان ۇندىستاندىق كومپانيا باسشىسى كەلىسسوزدەر ءساتتى اياقتالسا، تۇركىستان وبلىسىندا جۇمىس باستاۋعا دايىن ەكەندىكتەرىن مالىمدەدى. دالىرەك ايتساق، «ورداباسى قۇس» جانە «شىمكەنت قۇس» جشس-مەن دە بىرىككەن جوبالاردى جۇزەگە اسىرۋدى كوزدەپ وتىر.

وبلىس اكىمى جانسەيىت تۇيمەباەۆ قۇس شارۋاشىلىعىن حالىقارالىق دەڭگەيگە كوتەرۋ ارقىلى ەكسپورت كولەمىن ارتتىرۋعا بولاتىنىن ايتىپ، وسى سالاعا جاۋاپتى ورىنباسارلارىنا ۇندىستاندىق ينۆەستورمەن ىسكەرلىك بايلانىستى ناقتىلاۋدى تاپسىردى.

Abai.kz