ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا ەلىمىزدەگى يندۋستريالدى جوبالاردىڭ سانىن كوبەيتۋگە كوپتەپ نازار اۋدارعان بولاتىن. وسىعان وراي، تۇركىستان وبلىسىندا دا بىرقاتار جۇمىستار اتقارىلىپ جاتىر.

ماسەلەن، بۇگىندە تۇركىستان وبلىسىندا 9 يندۋستريالدى ايماق قۇرىلعان. وڭىرلەردە يندۋستريالدى ايماقتارعا بولىنگەن جەردىڭ جالپى اۋدانى 533 گەكتاردى قۇرايدى.

سونىڭ ىشىندە جالپى اۋدانى 273 گەكتاردى قۇرايتىن 7 ايماققا ينفراقۇرىلىم تارتىلعان. ولاردىڭ قاتارىندا تۇركىستان، كەنتاۋ قالالارى مەن سوزاق، شاردارا، تۇلكىباس، قازىعۇرت جانە ماقتاارال اۋداندارىنداعى يندۋستريالدى ايماقتار بار.

ينفراقۇرىلىم قۇرىلىسى بۇدان باسقا 260 گەكتاردى قۇرايتىن 2 اۋدان مەن قالادا ءجۇرىپ جاتىر.

قازىر تۇركىستان وبلىسىنداعى يندۋستريالدى ايماقتاردا 78,778 ملرد. تەڭگەنى قۇرايتىن 61 جوبا قولعا الىنۋدا. وندا 3 349 جۇمىس ورنى اشىلادى. بۇگىندە اتالعان 61 جوبانىڭ ىشىندە 20 ملرد. تەڭگەنى قۇرايتىن 23 جوبا ناقتى قولعا الىنىپ، 1 215 ادام جۇمىسپەن قامتىلعان. وتكەن جىلى 8,4 ملرد. تەڭگەنى قۇرايتىن 5 ينۆەستيتسيالىق جوبا جۇزەگە اسىپ، 222 جۇمىس ورنى اشىلعان.

«وڭتۇستىك» يندۋستريالدى ايماقتاردىڭ باسقارۋشى كومپانياسى» جشس باسشىلىعىنىڭ ايتۋىنشا، بۇگىنگى تاڭدا شىمكەنت قالاسى مەن تۇركىستان وبلىسىندا ينۆەستورلاردى تارتۋ بويىنشا بەلسەندى جۇمىستار جۇرگىزىلىپ كەلەدى. مۇندا جۋىردا جاپونيا، پاكستان ەلدەرىنەن دەلەگاتسيالار كەلگەن. بۇدان بولەك، قازاقستان وزبەكستان بيزنەس-فورۋمى اياسىندا يندۋستريالدى ايماق اۋماعىندا ينۆەستيتسيالىق جوبانى ىسكە اسىرۋ تۋرالى بىرقاتار مەموراندۋمعا قول قويىلعان. سونداي-اق، يندۋستريالدى ايماقتارعا جاڭا جوبالاردى تارتۋ ءۇشىن 25 الەۋەتتى ينۆەستورمەن كەزدەسۋلەر وتكىزىلدى. كومپانيا تاراپىنان وزبەكستان، رەسەي، بەلارۋس، ۋكراينا، گەرمانيا، جاپونيا، وڭتۇستىك كورەيا جانە باسقا دا ەلدەردىڭ ءىرى كاسىپورىندارىنا 320 شاقىرۋ حاتى جىبەرىلگەن.

اتاپ وتەر بولساق، «كتيز بادام» يندۋستريالدى ايماعىندا «Gold ءAlumىnum» جشس-ءنىڭ پۆح پروفيل، پۆح جانە اليۋمينيدەن جاسالاتىن جارىق وتكىزگىش ءمولدىر كونسترۋكتسيالار شىعاراتىن تسەحى، «Green Technology ءىndustrىes» جشس-ءنىڭ پوليەتيلەن قالدىقتارىنان جاساندى تالشىقتاردى ءوندىرۋ زاۋىتى ىسكە قوسىلدى. ال، «كەنتاۋ» يندۋستريالدى ايماعىندا «اۋەزوۆ» جك وتتەگى تسەحىنىڭ قۇرىلىسىن، «قازىعۇرت» يندۋستريالدى ايماعىندا «اسىل-باستاۋ.KZ» جشس قۇرعاق مايسىز ءسۇت جانە سارى ماي وندىرەتىن جوباسىن قولعا الا باستادى.

وڭىرلىك ۇيلەستىرۋ كەڭەسىنە جىل باسىنان بەرى قۇنى 20,6 ملرد. تەڭگە، 316 جۇمىس ورنىن قۇرايتىن 8 ينۆەستيتسيالىق جوبا بويىنشا ءوتىنىش تۇسكەن. كەڭەس قورىتىندىسىمەن «ماقتاارال»، «بايدىبەك»، «قازىعۇرت»، «تۇركىستان» جانە «كتيز بادام» يندۋستريالدى ايماقتارىنان قارا مەتالل قالدىقتارىن، ءدارى-دارمەك ءوندىرىسى ءۇشىن فارماتسەۆتيكالىق جانە تەمىر-بەتون ونىمدەرىن شىعاراتىن، تاعى دا باسقا زاۋىتتار سالۋعا رۇقساتتار بەرىلگەن.

جوعارىدا ايتىلعان ينۆەستيتسيالىق جوبالاردىڭ بارلىعى دا ۇدەمەلى يندۋستريالدى-يننوۆاتسيالىق دامۋ باعدارلاماسى اياسىندا قولعا الىنۋدا.

ايتا كەتەيىك، ەلىمىزدە 2010 جىلدان بەرى جۇزەگە اسا باستاعان يندۋستريالاندىرۋ كارتاسىنىڭ العاشقى بەسجىلدىعىندا (2010-2014 جج.) تۇركىستان وبلىسىندا 7,7 مىڭ جاڭا جۇمىس ورنىن قۇرۋعا مۇمكىندىك بەرەتىن 115 جوبا ىسكە قوسىلدى. ال، ەكىنشى بەسجىلدىق اياسىندا (2015-2019 جج.) قۇنى 1,2 ترلن. تەڭگە بولاتىن 135 جوبا (18,3 مىڭنان استام ادام جاڭا جۇمىس ورنى) جۇزەگە اسىرىلماق.

نازگۇل نازاربەكوۆا

Abai.kz