ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا كاسىپكەرلىكتى دامىتۋعا ەرەكشە ءمان بەرگەنى بەلگىلى. بۇگىندە مەملەكەتتىڭ قامقورلىعىنىڭ ارقاسىندا وڭىرلەردە كاسىپكەرلىك سالاسى جان-جاقتى دامىپ كەلەدى.

وسىعان سايكەس، تۇركىستان وبلىسىندا 2015-2019 جىلدارعا ارنالعان كاسىپكەرلىكتى قولداۋ كارتاسىنا جالپى ينۆەستيتسيا كولەمى 426 ملرد.تگ. قۇرايتىن 87 جوبا ەنگىزىلىپ، الداعى ۋاقىتتا 11 مىڭ جۇمىس ورنى اشىلاتىن بولادى.

2018 جىلدىڭ قاڭتار-قىركۇيەك ايلارىندا تۇركىستان وبلىسىنىڭ 300 استام ونەركاسىپ كاسىپورىندارىمەن 323,9 ملرد.تەڭگەنىڭ ءونىمى ءوندىرىلىپ، ناقتى كولەم يندەكسى 97%-دى قۇراعان. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى عانيبەت اۋباكىروۆ ايتىپ بەردى. ونەركاسىپتىڭ كولەمىنىڭ تومەندەۋىنە تۇركىستان وبلىسىنىڭ ۋران وڭدەيتىن كاسىپورىندارىنىڭ كولەمىنىڭ تومەندەۋى اسەر ەتكەن. ونەركاسىپتىڭ ناقتى كولەم يندەكسى بويىنشا ۋران ءوندىرۋشى كاسىپورىنداردىڭ ۇلەسى 46% استام، ونەركاسىپتەگى مەتاللۋرگيانىڭ ۇلەسى 12% قۇرايدى.

تۇركىستان وبلىسىندا 2015-2019 جىلدارعا ارنالعان كاسىپكەرلىكتى قولداۋ كارتاسىنا جالپى ينۆەستيتسيا كولەمى 426 ملرد.تگ. قۇرايتىن 87 جوبا ەنگىزىلىپ، الداعى ۋاقىتتا 11 مىڭ جۇمىس ورنى اشىلاتىن بولادى. 2015-2017 جىلدار ارالىعىندا 19 ملرد.تەڭگەگە 35 جوبا ىسكە قوسىلىپ، 1 000 استام جۇمىس ورىنى اشىلدى. جوبالاردىڭ ەسەبىنەن 2017 جىلدىڭ قورىتىندىسى بويىنشا 7 ملرد.تگ. تاۋار ءوندىرىلىپ، وڭدەۋ ونەركاسىبىندەگى ۇلەسى 3%-عا جەتتى. 2018 جىلى 16,8 ملرد.تگ 9 جوبانى ىسكە قوسۋ جوسپارلانعان، ونىڭ ىشىندە 4 جوبا ىسكە قوسىلىپتى.

Abai.kz