ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا حالىقتىڭ الەۋمەتتىك جاعدايىن جوعارىلاتۋ بويىنشا ناقتى تاپسىرمالار بەرگەن بولاتىن. بۇگىندە وسى جولداۋدىڭ نەگىزىندە وڭىرلەردە ءتۇرلى جۇمىستار اتقارىلىپ جاتىر.

ماسەلەن، بۇگىندە تۇركىستان وبلىسى، جەتىساي اۋدانىنىڭ حالقى 172 مىڭ 903-كە جەتىپ وتىر ەكەن. وڭىردەگى دەموگرافيالىق ءوسىم دە جىل ساناپ جاقسارىپ كەلەدى. بۇل جەتىستىكتەرگە قول جەتىزۋدە التىن قۇرساقتى انالاردىڭ قوسىپ وتىرعان ۇلەسى وراسان زور.

ال، جىل باسىنان بەرى جەتىساي اۋدانىندا 75 انا «التىن القا»، 223 انا «كۇمىس القا» يەگەرى اتانعان. بۇل جونىندە جۋىردا 23 انانى ارنايى قۇتتىقتاپ، توسبەلگىلەرىن تابىس ەتكەن جەتىساي اۋدانىنىڭ اكىمى جامانتاي بەيسەنباەۆ ءمالىم ەتتى.

اۋدان اكىمىنىڭ قولىنان «التىن القا» توسبەلگىسىن تاعىنعانداردىڭ اراسىندا 77 جاسار زاۋرە سۇتتىباەۆا دا بار. ول – 11 ۇل-قىزدىڭ اناسى. ۇلدارىنىڭ ۇلكەنى – 53, ال كەنجەسى 28 جاستا ەكەن. كەيۋانا «التىن القا» توسبەلگىسىن كەشتەۋ الۋىن بالالارىنىڭ ۋاقىتىندا قۇجات تاپسىرماعانىمەن بايلانىستىرادى.

اۋدان اكىمى «التىن القا» توسبەلگىسىن تاعۋدى دا زاۋرە سۇتتىباەۆدان باستادى. «ءسىزدىڭ جولىڭىزدى «كۇمىس القا» يەگەرلەرىنە بەرسىن» دەپ تىلەك ايتقان اۋدان باسشىسى مەملەكەت تاراپىنان انا مەن بالا دەنساۋلىعىن جاقسارتۋ، ولارعا الەۋمەتتىك كومەك كورسەتۋ ماقساتىندا اتقارىلىپ جاتقان جۇمىستاردى تىلگە تيەك ەتتى.

«سىزدەر اۋدانىمىزدىڭ عانا ەمەس، بۇكىل ەلىمىزدىڭ ماقتانىشىسىزدار. ويتكەنى سىزدەر ەلىمىزدىڭ دەموگرافياسىنا سۇبەلى ۇلەس قوسىپ وتىرسىزدار. سىزدەرگە مەملەكەت تاراپىنان قامقورلىق پەن قولداۋ ءبىلدىرىلىپ كەلەدى. ەندەشە، بارشاڭىزعا زور دەنساۋلىق، وتباسىلىق باقىت پەن اماندىق تىلەيمىن»، — دەدى جامانتاي قانايۇلى.

ماراپات بارىسىندا 12 انا «التىن القا»، 11 انا «كۇمىس القا» توسبەلگىسىنە يە بولدى.

Abai.kz