ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا حالىقتىڭ الەۋمەتتىك جاعدايىن جوعارىلاتۋ بويىنشا ناقتى تاپسىرمالار بەرگەن بولاتىن. بۇگىندە وسى جولداۋدىڭ نەگىزىندە وڭىرلەردە ءتۇرلى جۇمىستار اتقارىلىپ جاتىر.

ماسەلەن، تۇركىستان وبلىسى جەتىساي اۋدانىنىڭ جەتىساي قالاسىندا كوپقاباتتى تۇرعىن ۇيلەردى مودەرنيزاتسيالاۋ جۇمىستارى جالعاسىپ جاتىر. سونىڭ ناتيجەسىندە جەتىساي قالاسىنداعى ت.جۇرگەنباەۆ كوشەسىندەگى بىرقاتار كارىز جۇيەسىنە قوسىلعان كوپقاباتتى تۇرعىن ۇيلەردىڭ اجەتحانالارى بۇزىلعان.

بۇل جۇمىستار اۋدان اكىمى جامانتاي بەيسەنباەۆتىڭ حاتتامالىق تاپسىرماسىنا وراي ىسكە اسىپ وتىر. جەتىساي قالاسى اكىمىنىڭ ۋاقىتشا مىندەتىن اتقارۋشى قادىربەك سمايلوۆتىڭ ايتۋىنشا، بۇگىندە قالاداعى كوپقاباتتى 3 تۇرعىن ءۇي تولىق مودەرنيزاتسيادان ءوتىپ، ورتالىقتاندىرىلعان كارىز جۇيەسىنە قوسىلعان.

«بۇل جۇمىستار ءالى دە جالعاسىن تاباتىن بولادى. الداعى ۋاقىتتا كوپقاباتتى تۇرعىن ۇيلەردىڭ ءبارىن ورتلاقىتاندىرىلعان كارىز جۇيەسىنە قوسۋ جۇمىستارى جۇيەلى تۇردە جالعاسادى، - دەيدى قادىر تۇرعاراۇلى.

سونىمەن قاتار رەتسىز اجەتحانا ورىندارىنا كوگالداندىرۋ، اباتتاندىرۋ جانە سپورت ويىن الاڭشالارى سالىنادى دەپ كۇتىلۋدە. بۇل رەتتە قالا اكىمدىگى «تۇرعىندارعا ءتۇسىندىرۋ جۇمىستارىن جانداندىرامىز» دەپ وتىر.

ايتا كەتەيىك، بۇگىندە جەتىساي قالاسىنداعى كوپقاباتتى تۇرعىن ۇيدىڭ 200گە  جۋىق پاتەرى ورتالىقتاندىرىلعان كارىز جۇيەسىنە قوسىلعان.بۇدان بولەك جەكە تۇرعىن ۇيلەر مەن كاسىپكەرلىك نىساندارىن دا ورتالىقتاندىرىلعان كارىز جۇيەسىنە قوسۋ جۇمىستارى جۇرگىزىلۋدە.

Abai.kz