ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا شاعىن جانە ورتا بيزنەستى دامىتۋدىڭ ماڭىزدى ەكەندىگىن ايتىپ وتكەن بولاتىن.

كاسىپكەرلىك پالاتاسىنىڭ اشىلۋىنا قاتىسقان ابىلاي مىرزاحمەتوۆ وسىلاي دەدى. ول سونداي-اق وڭىرلىك كەڭەس وتىرىسىن وتكىزىپ، پالاتاداعى زاماناۋي، ىڭعايلى جۇمىس بارىسىن باعالادى. شارا سوڭىندا ابىلاي مىرزاحمەتوۆ تۇركىستان وبلىسى كاسىپكەرلەر پالاتاسىنىڭ ۇجىمىنا ساتتىلىك پەن جەمىستى ەڭبەك تىلەدى.

«اتامەكەن» ۇلتتىق كاسىپكەرلىك پالاتاسىنىڭ باسقارما توراعاسى ابىلاي مىرزاحمەتوۆ تۇركىستان قالاسىندا كاسىپكەرلەر پالاتاسىن سالتاناتتى تۇردە اشتى. سالتاناتتى شاراعا وڭىرلىك كەڭەس توراعاسى قاينار ابباسوۆ جانە وبلىستىڭ بيزنەس وكىلدەرى قاتىستى. باسقارما توراعاسى پالاتانىڭ جاڭا باسشىسىن تانىستىردى، كاسىپكەرلەر پالاتاسىنداعى وڭ وزگەرىستەرگە توقتالىپ، الداعى ماقساتتاردى ايقىندادى.

ابىلاي مىرزاحمەتوۆ

قر «اتامەكەن» ۇكپ باسقارما توراعاسى

بۇرىنعى وڭتۇسىك ءوڭىرى، قازىرگى تۇركىستان حالقى كاسىپكەرلىككە قابىلەتى بار حالىق. ءوز-ءوزىن اسىراپ، وتباسىن العا سۇيرەۋمەن قاتار، رەسپۋبليكا ەكونوميكاسىن ىلگەرىلەتۋدە ۇلەسى ۇلكەن. سوندىقتان ءبىز وسىنى ەسكەرە وتىرىپ، ەلباسىنىڭ تاپسىرماسىن ەسكەرە وتىرىپ تۇركىستان وبلىستىق پالاتاسىن قۇردىق. بۇگىن سونىڭ اشىلۋ راسىمىنە ارنايى كەلىپ وتىرمىن.

تۇركىستان وبلىستىق كاسىپكەرلىك پالاتاسى تاراپىنان جوبالارعا قولداۋ كورسەتىلىپ، كاسىپكەرلەردىڭ قۇقىعى قورعالادى. كاسىپكەرلەرگە تەگىن تۇردە قىزمەت كورسەتىلەتىن بولادى. سونداي-اق مۇندا وزىنە-ءوزى قىزمەت كورسەتۋ ايماعى دا ىسكە قوسىلعان. بۇرىن كەڭەسشىلەر كورسەتىپ كەلگەن قىزمەتتەردى ەندى ونلاين تۇردە الۋعا بولادى.

پالاتادا كاسىپ ۇيرەنەم دەۋشىلەرگە كاسىپكەرلىكتىڭ قىر-سىرىن ۇيرەتەتىن بيزنەس مەكتەپ تە جۇمىس جاسايدى. «تۇركىستاندىق ءار وتباسىندا ەڭ بولماسا ءبىر كاسىپكەردەن بولۋى ءتيىس» دەگەن باسقارما توراعاسى ابىلاي مىرزاحمەتوۆ پالاتا ءوز كەزەگىندە ەلدىڭ ەكونوميكاسى مەن الەۋەتىن كوتەرۋدە كاسىپكەرلەرمەن بىرلەسە وتىرىپ، ءتيىمدى شەشىمدەر قابىلداۋعا دايىن ەكەنىن جەتكىزدى.

نۇرزينا تورەحان

Abai.kz