«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

اۋىل بالالارى ءبىر اپتا ىشىندە روبوت قۇراستىرۋدى مەڭگەرىپ الدى. „نۇر وتان„ پارتياسىنىڭ باستاماسىمەن اشىلعان شالعاي ەلدى-مەكەندەگى ءىت ورتالىقتا قازىردە وقۋشىلار تسيفرلى تەحنولوگيانىڭ ءتىلىن مەڭگەرۋدە. ازىرگە بۇل قازىعۇرت اۋدانىندا اشىلعان وسىنداي جالعىز عانا ورتالىق. ءوڭىردىڭ اتقارۋشى بيلىگى ۇستىمىزدەگى وقۋ جىلىنىڭ بارىسىندا تاعى بىرنەشە مەكتەپتە تىڭ تەحنولوگياعا نەگىزدەلگەن كابينەتتەردى پايدالانۋعا بەرمەكشى.

قازىعۇرت اۋدانىنداعى اششىبۇلاق جالپى ورتا مەكتەبىنىڭ بالالارى مەن ۇستازدارى ءۇشىن بيىلعى قىركۇيەك ايى ەرەكشە وقيعامەن ەستە قالدى. سەبەبى بۇرىن جوعارى جىلدامدىقتى ينتەرنەتتىڭ وزىنە ارەڭ قول جەتىزىپ كەلگەن مەكتەپ ۇجىمىنا جاڭا ءىت ورتالىق پايدالانۋعا بەرىلدى. وعان قوسا، وسى ورتالىقتا ءوز دەڭگەيىندە بالالاردى وقىتۋ ءۇشىن تسيفرلى قازاقستان باعدارلاماسى اياسىندا سەكۋندىنا 100 مەگابايتتى قۇرايتىن ينتەرنەت ورناتىلدى. بۇرىن سوڭدى مۇنداي تىڭ تەحنولوگيالاردى كورمەگەن اۋىل بالالارى ءۇشىن بۇل ۇلكەن جاڭالىق ەدى. ازىرگە روبوتوتەحنيكانىڭ ءتىلىن بىلەتىن ءبىر عانا مامان بالالاردى وقىتۋدا.

ۇلىقبەك ەرنازاروۆ

اششىبۇلاق جالپى ورتا مەكتەبىنىڭ ديرەكتورى

قازىرگى ۋاقىتتا مۇعالىمدەرىمىزدى قوسىمشا كۋرستارعا جىبەرىپ، بىلىكتىلىگىن شىڭداماقشىمىز.سودان سوڭ وقۋشىلار وسى ءىت سىنىپتارىندا ەركىن جۇمىس جاساي الادى. ياعني وقۋشىلار ارنايى باعدارلاما ارقىلى مۇعالىمسىز ساباقتى ۇيرەنە الادى. وقۋشى ينتەلەكتۋالدى جۇيەگە قالىپتاسادى. وسى جاعدايعا جەتكىزۋگە بولادى ەكەن.

مەكتەپتەگى روبوتوتەحنيكا كابينەتىندە قازىر 1 مەن 11 سىنىپ ارالىعىنداعى بالالار تسيفرلى تەحنولوگيانىڭ قىر-سىرىن مەڭگەرىپ جاتىر. بالالار ۇستازداردىڭ كومەگىمەن ءوندىرىس ورنىندا زەرتتەۋ جۇرگىزۋگە ارنالعان شاعىن روبوتتاردى قۇراستىرۋدى جانە ونى قوزعالتاتىن باعدارلامالاۋ جۇيەسىن ۇيرەنۋدە.

مەكتەپتەگى ءىت ورتالىق „نۇر وتان„ پارتياسىنىڭ قولداۋىمەن اشىلىپ وتىر. قازىر ءتۇرلى شاعىن قۇلتەمىرلەردى قۇراستىرىپ جاتقان بالالار، بولاشاقتا جاساندى ينتەلەكتىنىڭ وزدەرى ويلاپ تابادى دەيدى ۇستازدار.

اششىبۇلاق جالپى ورتا مەكتەبىنىڭ ۇجىمى بۇگىندە تسيفرلى قازاقستان باعدارلاماسىنىڭ بىرقاتار يگىلىكتەرىن كورىپ وتىرمىز دەيدى. ماسەلەن اتالعان مەملەكەتتىك باعدارلاما اياسىندا بيىلدان باستاپ ورتا ءبىلىم ورتاسىندا ەلەكتروندى كۇندەلىك ەنگىزىلگەن. سونىڭ ارقاسىندا كوپتەگەن اتا-انالار ۇيىندە وتىرىپ اق ۇل-قىزدارىنىڭ وقۋدا قانداي باعا الىپ، ولاردىڭ ساباق ۇلگەرىمى قاي دەڭگەيدە ەكەنىن ءبىلىپ وتىر.

سونىمەن بىرگە ءبىلىم ۇياسىندا بيىل 60 وقۋشى ەلەكتروندى تۇردە ءبىرىنشى سىنىپقا قابىلدانىپ، تاعى ونداعان ۇستاز دا تەست تاپسىرىپ، جاڭا جۇيە ارقىلى جۇمىسقا تۇرعان. 490 بالا ءبىلىم الىپ جاتقان مەكتەپتەگى ۇستازداردىڭ جارتىسىنان كوبى قازىر جاڭا فورماتتا ءدارىس وقىپ، جوعارى جالاقى الىپ وتىر دەيدى مەكتەپ باسشىلىعى.

Abai.kz