ەلباسى نۇرسۇلتان نازارباەۆ “5 الەۋمەتتىك باستاما” جوباسىندا مەكتەپ، بالاباقشا سياقتى الەۋمەتتىك نىسانداردى كوپتەپ اشۋ قاجەتتىگىن ايتقان بولاتىن. سونداي-اق، بالاباقشا تاربيەشىلەرىنىڭ جالاقىلارىن كوتەرۋ كەرەكتىگىنە دە توقتالعان ەدى. وسىعان سايكەس، جۋىردا تۇركىستان وبلىسىندا  مەملەكەتتىك-جەكەمەنشىك ارىپتەستىك اياسىندا قوس بالاباقشا اشىلدى.

سارىاعاش اۋدانىنىڭ مادەنيەت جانە تىلدەردى دامىتۋ بولىمىنە قاراستى، سارىاعاش اۋداندىق ورتالىق كىتاپحانادا «كوۆوركينگ» ورتالىعىنىڭ اشىلۋ سالتاناتى ءوتتى، دەپ حابارلايدى سارىاعاش اۋدانى اكىمىنىڭ ءباسپاسوز قىزمەتى.

كوۆوركينگ ورتالىعىنىڭ جۇمىسىمەن سارىاعاش اۋداندىق ورتالىقتاندىرىلعان كىتاپحانالار جۇيەسىنىڭ ديرەكتورى كۋلگينوۆا قالبيبى سەيديرقىزى ورتالىقتىڭ جۇمىسىمەن تانىستىرا وتىرىپ، «ءار ادامعا ءوزىنىڭ سۇيىكتى ىسىمەن اينالىسۋىنا، ارنايى تاقىرىپتاردا دوڭگەلەك ۇستەلدەر ۇيىمداستىرۋعا، شاحمات، توعىزقۇمالاق، دويبى ويناۋعا، گۇل ءوسىرىپ، قولونەر بۇ¬يىم¬دارىن جاساۋعا زور مۇمكىندىك جاسايتىن ورتالىق بولادى» دەدى.

سالتاناتتى ءىس-شارادا اۋدان اكىمىنىڭ ورىنباسارى تاسقۇلوۆ سمايل ابۋباكىرۇلىنا، سارىاعاش اۋداندىق مادەنيەت جانە تىلدەردى دامىتۋ ءبولىمىنىڭ باسشىسى جانشۋاقوۆ ءابىلازىم قالتايۇلىنا ءسوز بەرىلدى. كوۆوركينگ ورتالىعىنىڭ دەمەۋشىلەرى اعابەكوۆ سەرىك قاناتۇلىنا، حيديروۆ باۋىرجان جايلاۋۇلىنا، ۋرازباەۆ باعدات قادىرۇلىنا، وماروۆ نۋرماحان يسماتوۆۇلىنا ۇلكەن العىس بىلدىرە وتىرىپ، اۋدان اكىمى اتىنان «جومارت جۇرەك» ديپلومىمەن ماراپاتتالدى.

Abai.kz