ەلباسى نۇرسۇلتان نازارباەۆ تۇرعىنداردىڭ سالاۋاتتى ءومىر سالتىن ۇستانىپ، سپورتپەن اينالىسۋ ءۇشىن بارلىق جاعداي جاسالۋ قاجەتتىگىن ۇنەمى ايتىپ كەلەدى. جانە، ەلىمىزدەگى بۇقارالىق سپورتقا دا مەملەكەت تاراپىنان ۇلكەن كوڭىل ءبولىنىپ جاتىر. وسىعان سايكەس، تۇركىستان وبلىسىنىڭ  شاردارا اۋدانىندا جەلكەندى قايىق سپورتى دامىپ كەلەدى ەكەن.

شاردارالىق ورەندەر سپورتتىڭ بۇل تۇرىنە ەرەكشە ىقىلاستى. بۇگىندە شاردارا سۋ قويماسىنداعى ۇيىرمەدە 60 بالا جاتتىعىپ ءجۇر. كوك تەڭىزگە جانى قۇشتار جاستار جەلكەندى قايىقتى ۇرشىقشا يىرەدى. بىلىكتى باپكەرلەر دە بالالارعا بىلگەنىن ۇيرەتىپ، باعىت-باعدار بەرىپ وتىرادى.

مامانداردىڭ ايتۋىنشا، جەلكەندى قايىق سپورتى شاردارا سۋ قويماسىندا 1970 جىلدارى كەڭ قانات جايىپ، جاقسى دامىعان ەكەن. بىراق كەيىن جابىلىپ قالعان. ەندى قايتا قولعا الىنىپ وتىر.

«كەشە عانا قاپشاعاي سۋ قويماسىنا بالالارىمىز جارىسقا كەتتى. جۇلدەلى ورىنمەن ورالادى دەگەن ويدامىز. وتكەندە بالالارىمىز جارىسقا قاتىسىپ جەڭىمپاز اتاندى. بۇدان كەيىن شاردارادا جەلكەندى قايىق سپورتى ودان دا جاقسى داميدى دەپ ۇمىتتەنەمىز»،-دەيدى شاردارا بالالار مەن جاسوسپىرىمدەر سپورت مەكتەبىنىڭ ديرەكتورى اباي ساتيەۆ.

Abai.kz