«ورداباسى اگرو» اۋىلشارۋاشىلىق وندىرىستىك كووپەراتيۆى اۋدانداعى ءىرى قوجالىقتىڭ ءبىرى. بۇگىندە بۇل ۇجىمنىڭ ءتورت قۇبىلاى ساي دەۋگە بولادى.  32 دانا اۋىل شارۋاشىلىق تەحنيكاسى بار. قازىر جەر ەمگەن ديقاندار  2200 گەكتار جەرگە ماقتا ەگىپ، 900 توننا ءونىم الدى.

ءابىلدا الىبەكوۆ - «ورداباسى اگرو» اۋىلشارۋاشىلىق وندىرىستىك كووپەراتيۆىنىڭ توراعاسى

ءبىزدىڭ كووپەراتيۆ 2016 جىلى قۇرىلعان. قازىر بىزدە 35 شارۋاشىلىق بار. 2200 گەكتار شارۋاشىلىق جەرىمىز بار. سول جەردە جوڭىشقا، جۇگەرى،ماقتا ورنالىستىرىپ وتىرمىز. 

ال، قاراقۇم اۋىل وكرۋگىندەگى «ءساتتى جول» كووپەراتيۆى جۇمىسىن وسىدان ءبىر جىل بۇرىن باستاعان-دى. بەرەكەلى ۇجىم تاياۋدا مال سويۋ بەكەتىن ىسكە قوستى. اۋەلى، ءىرى قارا باسىن كوبەيتىپ، مال بورداقىلايتىن ارنايى قورا سالدى. قازىر بۇل كووپەراتيۆكە 28 جان مۇشە. 72 اۋىل تۇرعىنىن تۇراقتى جۇمىسپەن قامتىپ وتىر. ءىىسىن ىلگەرىلەتۋ ءۇشىن مەملەكەت قولداۋىنا يەك ارتتى. ءسويتىپ، اۋىل شارۋاشىلىعىن قولداۋ قورى ارقىلى - 25 ملن. تەڭگە نەسيە الدى.

ەرمەكباي ساتەنوۆ - «ءساتتى جول» اۋىلشارۋاشىلىق وندىرىستىك كووپەراتيۆىنىڭ توراعاسى

مال سويۋ بەكەتى 2017 جىلى جەلتوقساننىڭ  22-نە ىسكە قوسىلدى. قىستاي مال سويىپ شىقتىق. جالپى «ءساتتى جول -1 » اۋىلشارۋاشىلىعى ءوندىرىس كووپەراتيۆىندە 28 مۇشە بار. جالپى ۇىزمەتكەرلەردىڭ سانى 72.

توعىز ايدا تولايىم تابىسقا جەتكەن اۋداندا  28 اۋىل شارۋاشىلىعى وندىرىستىك كووپەراتيۆى قۇرىلدى. ال، ينديكاتيۆتىك كورسەتكىشتەرگە سايكەس 12 اۋىلشارۋاشىلىعى كووپەراتيۆى قۇرىلعان. ناتيجەسىندە بىل باسىنان بەرى اۋداندا جالپى وندىرىلگەن ونەركاسىپ ءونىمى كولەمى - 11 ملرد.تان استى.  بۇل وتكەن جىلدىڭ ءتيىستى كەزەڭىمەن سالىستىرعاندا ەداۋىر ارتىق. جوسپار 106% -عا ارتىعىمەن ورىندالىپ وتىر.