جۋىردا تۇركىستان قالاسىنا «لاتىن نەگىزدى ءالىپبي مەن ەملە ەرەجەسى تۋرالى ناسيحات» جوباسى بويىنشا عالىمداردان قۇرالعان ناسيحاتتىق توپ باردى. بەلگىلى مەملەكەت جانە قوعام قايراتكەرى ورازكۇل اسانعازى مەن نازارباەۆ ۋنيۆەرسيتەتىنىڭ پروفەسسورى جازيرا اعابەكوۆا باستاعان توپ وبلىس اكىمى  جانسەيىت تۇيمەباەۆپەن كەزدەسكەن بولاتىن.

باسقوسۋدا لاتىن ءالىپبيىن ناسيحاتتاۋعا بايلانىستى  سەمينارلار بارىسى باياندالدى. قر مادەنيەت جانە سپورت مينيسترلىگى ءتىل ساياساتى كوميتەتى جانە ش.شاياحمەتوۆ اتىنداعى «ءتىل قازىنا» ۇلتتىق عىلىمي-پراكتيكالىق ورتالىعى ۇيىمداستىراتىن شارالار بارىسى  تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە دە ايتىلدى. وندا سالا ماماندارى لاتىن ءالىپبيىنىڭ ءمان-ماڭىزى مەن ەملە-ەرەجەسىنە كەڭىرەك توقتالدى.

«قازىرگى تاڭدا emle.kz سايتى جۇمىس ىستەيدى. وندا بارلىق ازاماتتار لاتىن الىپبيىمەن تانىسىپ، ۇسىنىس-تىلەكتەرىن جولداي الادى. لاتىن ءالىپبيى ءبىزدىڭ تاريحىمىزدا بولعان. سوندىقتان قايتا ورالۋ قيىنعا سوقپايدى. جاڭا جاساقتالعان لاتىن ءالىپبيى ارقىلى سىرتتان ءسوز العاندا ءوزىمىزدىڭ ءتول دىبىستارىمىزعا رەتتەپ الاتىن بولامىز. بۇل بايتۇرسىنوۆ سىندى قايراتكەرلەرىمىزدىڭ باستاماسى»، - دەدى ورازكۇل اسانعازى.

ءباسپاسوز ءماسليحاتىندا عالىم جازيرا اعابەكوۆا جاڭا ءالىپبي 2019 جىلدان باستالىپ كەزەڭ-كەزەڭىمەن ساتىلاپ ەنگىزىلەتىنىن اتاپ ءوتتى.

Abai.kz