بەيسەنبى, 3 ءساۋىر 2025
ساڭلاق 6124 9 پىكىر 4 جەلتوقسان, 2018 ساعات 16:47

«Astana Arlans» بوكس كلۋبى تاراتىلدى

بۇكىلالەمدىك بوكس سەرياسىنىڭ (WSB) سەگىز ماۋسىمىنا قاتىسىپ، بارلىعىندا جۇلدەلى ورىننان كورىنگەن «Astana Arlans» كومانداسى تاراتىلدى. 

«استانا ارلاندارى» بۇل ءتۋرنيردىڭ ءار ماۋسىمىنان جۇلدەسىز قالماعانىن ايتتىق. ۇش مارتە التىن، ەكى كەزەك كۇمىس، ءۇش رەت قولا مەدال جەڭىپ الدى.

ال ەندى وسى جوبانى قارجىلاندىرۋدى توقتاتۋ تۋرالى شەشىم قابىلدانعان ەكەن. كوماندانىڭ ءومىر ءسۇرۋىن توقتاتاتىنى جايلى قازاقستان بوكس فەدەراتسياسىنىڭ ماجىلىسىندە ۇيىمنىڭ ۆيتسە-پرەزيدەنتى دانيار ابىلعازين مالىمدەدى.

- «Astana Arlans» بوكس كلۋبى تاراتىلادى. بۇل جوبادان شىعۋ تۋرالى شەشىم قابىلدادىق. كەلەسى ماۋسىمنان باستاپ بۇل جارىسقا قاتىسپايمىز، - دەدى دانيار ابىلعازين.

بۇنداي شەشىمنىڭ قابىلدانۋىنا كوماندانىڭ وسى ماۋسىمداعى ساتسىزدىگى سەبەپ بولعان سەكىلدى. ەستەرىڭىزدە بولسا، «Astana Arlans» قىتايدا وتكەن WSB سەرياسىنىڭ فينالىندا «Cuba Domadores» كومانداسىنا ەسە جىبەرىپ، كۇمىس مەدال العان ەدى.

Abai.kz

9 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1079
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3561
46 - ءسوز

بىزگە بەيمالىم باراق حان

جامبىل ارتىقباەۆ 2551