ۇكىمەت ۇيىندە قر پرەمەر-ءمينيسترى باقىتجان ساعىنتاەۆ دامۋ جونىندەگى باسقارۋشى ديرەكتورى اردجۋن وبەرويدىڭ باسشىلىعىمەن Oberoi ءۇندى كومپانياسىنىڭ وكىلدەرىمەن كەزدەسۋ وتكىزدى. بۇل تۋرالى پرەمەر-ءمينيستردىڭ ءباسپاسوز قىزمەتى مالىمدەدى.

كەزدەسۋ بارىسىندا كومپانيامەن تۋريزم سالاسىنداعى ىنتىماقتاستىقتىڭ كەلەشەگى تالقىلاندى. اتاپ ايتقاندا، قازاقستاندا قوناق ءۇي كەشەندەرى جەلىسىن سالۋ جانە ىسكە قوسۋ بويىنشا بىرلەسكەن ينۆەستيتسيالىق جوبالاردى ىسكە اسىرۋ ماسەلەلەرى قارالدى.

1934 جىلى قۇرىلعان Oberoi توبى 32 وتەلدى، نىلدە ەكى كرەيسەردى جانە كەرالى شىعاناعىندا موتورلى كەمەلەردى باسقارادى. توپ التى ەلدە جۇمىس ىستەيدى. كومپانيا رەيستەرگە قىزمەت كورسەتۋ، اۋەجايلارداعى مەيرامحانالار، تۋريستىك قىزمەتتەر، اۆتوموبيلدەردى جالعا بەرۋ، جوبالاردى جانە كورپوراتيۆتىك چارتەرلەردى باسقارۋمەن اينالىسادى. Oberoi تەحنولوگيالاردا، جابدىقتار مەن وندىرىستىك پروتسەستەردە ەڭ ۇزدىك تاجىريبەنى پايدالانۋعا تىرىسادى. قوناق ءۇي مەنەدجمەنتى سالاسىنداعى ساپالى دايىندىقتىقتىڭ ماڭىزدىلىعىن مويىنداي وتىرىپ، Oberoi Group 1966 جىلى نيۋ-دەليدە Oberoi وقىتۋ جانە دامۋ ورتالىعىنىڭ نەگىزىن قالادى. بۇگىندە بۇل مەكەمە ازياداعى ەڭ ۇزدىكتەردىڭ ءبىرى بولىپ تابىلادى جانە جىل سايىن 100-گە جۋىق تۇلەك شىعارادى.

Abai.kz