وبلىس ورتالىعىنداعى سۋۆوروۆ كوشەسىنە مالايسارى باتىردىڭ جانە ايمانوۆ - تورايعىروۆ كوشەلەرىنىڭ قيىلىسىنان باستاۋ الاتىن اتاۋى جوق كوشەگە بايان باتىردىڭ ەسىمدەرى بەرىلدى، دەپ حابارلايدى اباي-اقپارات pavlodarnews.kz-گە سىلتەمە جاساپ.

بۇل تۋرالى س. تورايعىروۆ اتىنداعى وبلىستىق كىتاپحانادا ايماق باسشىسىنىڭ ورىنباسارى مەيرام بەگەنتاەۆتىڭ توراعالىق ەتۋىمەن وتكەن كەڭەيتىلگەن القا ماجىلىسىندە وڭىرلىك تىلدەردى دامىتۋ باسقارماسىنىڭ باسشىسى ساۋلە وسمانوۆا ايتتى.

- بۇگىنگى كۇنى وبلىسىمىزعا قاراستى قالا، اۋدانداردان 72 كوشە، التى اۋىل مەن ءبىر اۋىلدىق وكرۋگتىڭ اتاۋىن وزگەرتۋگە بايلانىستى ۇسىنىستار ءتيىستى ونوماستيكا كوميسسيالارىندا قارالىپ، وڭ قورىتىندىعا يە بولدى، - دەدى ساۋلە وسمانوۆا.

- ونىڭ ىشىندە رەسپۋبليكالىق ونوماستيكا كوميسسياسىنىڭ وڭ قورىتىندىسى نەگىزىندە لەنين مەن كۋتۋزوۆ كوشەلەرىنىڭ اتاۋلارى وزگەردى. وسى جىلدىڭ تامىز ايىندا قر پرەزيدەنتىنىڭ جارلىعىمەن لەبياجى اۋدانى اققۋلى اۋدانى، كاچير اۋدانى تەرەڭكول اۋدانى بولىپ قايتا اتالدى. سونىمەن قاتار، قالالار مەن اۋدانداردان جاڭادان كەلىپ تۇسكەن 19 كوشە مەن ەكى ەلدى مەكەننىڭ اتاۋىن وزگەرتۋ بويىنشا قۇجاتتارعا پىسىقتاۋ جۇمىستارى جۇرگىزىلۋدە.

باسقارما باسشىسى ەلباسىنىڭ تاپسىرماسىنا سايكەس وڭىرىمىزدە يدەولوگيالىق تۇرعىدان ەسكىرگەن، قايتالاناتىن اتاۋلاردى تاريحي جەر-سۋ اتاۋلارى جانە ۇلتتىق تانىمعا جاقىن ءداستۇرلى اتاۋلارمەن وزگەرتۋ بويىنشا جۇمىس جالعاسىپ جاتقانىن اتاپ ءوتتى.

- جالپى يدەولوگيالىق تۇرعىدان ەسكىرگەن سوۆەتوۆ، 70 لەت وكتيابريا، وكتيابرسكايا، ەرماكوۆسكايا، پرولەتارسكايا، لەنين، ميرا، چاپاەۆ، فرۋنزە، كالينينا ءتارىزدى اتاۋلار سارايشىق، قاينار، اقتاۋ، ەڭبەك، بەيبىتشىلىك، بولاشاق سياقتى جاستارعا تاربيەلىك ماعىناسى زور اتاۋلارمەن الماستىرىلدى. قازىرگى ۋاقىتتا جەلەزين اۋدانىنىڭ جەلەزين № 3 ورتا ءبىلىم بەرۋ مەكتەبىنە مىرجاقىپ دۋلاتۇلىنىڭ جانە ەكىباستۇز قالاسىنىڭ ميحايل گلينكا اتىنداعى بالالار مۋزىكا مەكتەبىنە ەستاي بەركىمبايۇلىنىڭ ەسىمدەرىن بەرۋ تۋرالى قازاقستان رەسپۋبليكاسى ۇكىمەتىنىڭ قاۋلىسى ازىرلەنۋدە، - دەدى ساۋلە وسمانوۆا.

Abai.kz