استانا قالاسىنىڭ جۇمىسپەن قامتۋ، ەڭبەك جانە الەۋمەتتىك قورعاۋ باسقارماسى قاتتى وتىندى ساتىپ الۋعا الەۋمەتتىك كومەك جان باسىنا شاققانداعى تابىسى ەڭ تومەن كۇنكورىس دەڭگەيىنەن اسپايتىن بولعان جاعدايدا باسقا تۇرعىن ءۇيى جوق، جەرگiلiكتi (پەشتىك) جىلىتاتىن جەكە تۇرعىن ۇيدە تۇراتىن، ونىڭ جەكە مەنشىك يەسى (جالعا الۋشىسى) نەمەسە جەكە مەنشىك يەسىنىڭ وتباسى مۇشەلەرى (جالعا الۋشىسى) بولىپ تابىلاتىن جاسى بويىنشا زەينەتكەرلەرگە، مۇگەدەكتەرگە جانە مۇگەدەك بالالارعا جۇرگiزiلەدi, - دەپ حابارلايدى اباي-اقپارات.

وتەماقى جىلىتۋ ماۋسىمىنا 8 ايلىق ەسەپتiك كورسەتكiش كولەمىندە جۇرگiزiلەدi ( 19 240 تەڭگە). قاتتى وتىندى ساتىپ الۋعا وتەماقى الۋعا قۇقىعى بار بiرنەشە ادام بiر جەكەمەنشiك تۇرعىن ۇيدە تۇرعان جاعدايدا، وتەماقى تەك قانا بiرەۋiنە بەرiلەدi. الەۋمەتتىك كومەك الۋ ءۇشىن ءوتىنىش بەرۋشى جىلىتۋ ماۋسىمى كەزەڭىندە (15 قازاننان باستاپ 30 ساۋىرگە دەيىن) استانا قالاسىنىڭ جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنا (دوستىق كوشەسى، 13 «نۇرسايا»-2 جك، تەلەفون 55-68-22, 55-68-45, 55-68-34  مەكەنجايى بويىنشا) وتىنىشكە قوسا تومەندەگi قۇجاتتاردى ۇسىنادى:

1) جەكە باسىن كۋالاندىراتىن قۇجاتتىڭ كوشىرمەسى;

2) مەكەنجاي انىقتاماسى;

3) وسى قاعيداعا 3-قوسىمشاعا سايكەس ادامنىڭ (وتباسىنىڭ) قۇرامى تۋرالى مالىمەتتەر;

4) جيىنتىق تابىسىن ەسەپتەۋ قاعيداسىنا سايكەس ادامنىڭ (وتباسى مۇشەلەرىنىڭ) تابىسى تۋرالى مالىمەتتەر;

5) زەينەتكەرلiك كۋالiگiنىڭ كوشىرمەسى – زەينەتكەرلەر ءۇشىن، مۇگەدەكتiگi جونiندەگi انىقتاماسىنىڭ كوشىرمەسى – مۇگەدەكتەر ءۇشىن;

6) قازاقستان رەسپۋبليكاسى ادiلەت مينيسترلiگiنiڭ اۋماقتىق ورگانى بەرگەن جىلجىمايتىن مۇلiككە تiركەلگەن قۇقىعىنىڭ بولماۋى (بولۋى) جونiندەگi انىقتاما.

7) بانكتىك شوت تۋرالى مالىمەت. قۇجاتتاردىڭ تۇپنۇسقالارى جانە كوشiرمەلەرi سالىستىرۋ ءۇشىن ۇسىنىلادى، ودان كەيىن تۇپنۇسقالارى ءوتىنىش بەرۋشىگە قايتارىلادى.

ايتا كەتەيىك، 2017 جىلدىڭ جىلىتۋ ماۋسىمى كەزەڭىندە الەۋمەتتىك كومەكتى 8573,3 تەڭگە جالپى سوماسىندا 422 ءوتىنىش بەرۋشى الدى.

Abai.kz