پرەزيدەنت كونگرەسس پالاتاسىنداعى دەموكراتيالىق پارتيا ليدەرلەرى نەنسي پەلوسي مەن چاك شۋمەرمەن كەزدەسكەننەن كەيىن وسىنداي مالىمدەمە جاساعان.

اقش پرەزيدەنتىنە قارسىلىق كورسەتىپ جاتقان كونگرەسسمەن-دەموكراتتار قۇرىلىستى قارجىلاندىرۋدى توقتاتىپ تاستاعان. ولار تەك 1,3 ملرد دوللار بولەمىز دەيدى.

ولار امەريكا شەكاراسىنىڭ قاۋىپسىزدىگىن قولداي وتىرىپ، بىراق قوماقتى كولەمدە قارجى بولۋگە قارسى بولعان. ەگەر كونگرەسستىڭ ەكى پالاتاسى دا بيۋدجەتتى قولداماسا، وندا مەملەكەتتىك ۇيىمدار جۇمىسىن توقتاتۋعا ءماجبۇر بولادى.

ترامپتىڭ پرەزيدەنت سايلاۋى الدىنداعى ۋادەسىنىڭ ءبىرى - مەكسيكامەن اراعا زاڭسىز ميگراتسيانى توقتاتۋ ءۇشىن، الىپ قورعان سالۋ ەدى. ءساۋىر ايىندا ول ۇلتتىق گۆاردياعا ميگرانتتار اعىمىنان قورعاۋدى بۇيىرعان. قازىر شەكارانى ەكى مىڭعا جۋىق گۆاردياشىلار قورعاپ تۇر.

اقش پرەزيدەنتى تامىز ايىندا قورعان قۇرىلىسىنا 3,5 ملرد دوللار بولىنگەنىن مالىمدەگەن. ول قۇرىلىس ارقاسىندا كەيبىر اۋدانداردا ميگرانتتار اعىمى 90 پايىزعا ازايعانىن ايتقان.

Abai.kz