تۇركىتىلدەس ەلدەر پارلامەنتتىك اسسامبلەياسى II پلەنارلىق وتىرىسىنىڭ استانا دەكلاراتسياسى
2011 جىلعى 27-28 ساۋىردە استانا قالاسىندا ءازىربايجان رەسپۋبليكاسى ميللي مەدجليسى، قازاقستان رەسپۋبليكاسى پارلامەنتى، قىرعىز رەسپۋبليكاسى جوگوركۋ كەنەشى, تۇركيا رەسپۋبليكاسى ۇلى ۇلتتىق ءماجىلىسى دەلەگاتسيالارىنىڭ قاتىسۋىمەن تۇركىتىلدەس ەلدەر پارلامەنتتىك اسسامبلەياسىنىڭ II پلەنارلىق وتىرىسى ءوتتى.
وتىرىسقا قاتىسۋشىلار
- 2008 جىلعى 21 قاراشادا ستامبۋل قالاسىندا قول قويىلعان «تۇركىتىلدەس ەلدەر پارلامەنتتىك اسسامبلەياسى تۋرالى» كەلىسىمدى، 2009 جىلعى 2-3 قازاندا ءازىربايجان رەسپۋبليكاسىنىڭ ناحچىۆان قالاسىندا وتكەن تۇركىتىلدەس مەملەكەتتەر باسشىلارىنىڭ IX سامميتىندە قابىلدانعان ناحچىۆان دەكلاراتسياسىن جانە 2010 جىلعى 16 قىركۇيەكتە تۇركيا رەسپۋبليكاسىنىڭ ستامبۋل قالاسىندا وتكەن تۇركىتىلدەس مەملەكەتتەر باسشىلارى X ءسامميتىنىڭ دەكلاراتسياسىن جۇزەگە اسىرۋدى جالعاستىرۋعا دايىن ەكەندىگىن،
- 2009 جىلعى 29 قىركۇيەكتە باكۋ قالاسىندا وتكەن تۇركىتىلدەس ەلدەر پارلامەنتتىك اسسامبلەياسىنىڭ ءبىرىنشى وتىرىسى وسى ورگاندى قالىپتاستىرۋداعى تاعى ءبىر قادام بولعاندىعىن،
- پارلامەنتارالىق ىقپالداستىقتىڭ مەملەكەتارالىق قاتىناستارداعى، ونىڭ ىشىندە ساياسي ديالوگتى دامىتۋ مەن وڭىرلىك جانە عالامدىق قاۋىپسىزدىكتى قامتاماسىز ەتۋگە ءتيىستى جاعداي جاساۋداعى ماڭىزىن،
2011 جىلعى 27-28 ساۋىردە استانا قالاسىندا ءازىربايجان رەسپۋبليكاسى ميللي مەدجليسى، قازاقستان رەسپۋبليكاسى پارلامەنتى، قىرعىز رەسپۋبليكاسى جوگوركۋ كەنەشى, تۇركيا رەسپۋبليكاسى ۇلى ۇلتتىق ءماجىلىسى دەلەگاتسيالارىنىڭ قاتىسۋىمەن تۇركىتىلدەس ەلدەر پارلامەنتتىك اسسامبلەياسىنىڭ II پلەنارلىق وتىرىسى ءوتتى.
وتىرىسقا قاتىسۋشىلار
- 2008 جىلعى 21 قاراشادا ستامبۋل قالاسىندا قول قويىلعان «تۇركىتىلدەس ەلدەر پارلامەنتتىك اسسامبلەياسى تۋرالى» كەلىسىمدى، 2009 جىلعى 2-3 قازاندا ءازىربايجان رەسپۋبليكاسىنىڭ ناحچىۆان قالاسىندا وتكەن تۇركىتىلدەس مەملەكەتتەر باسشىلارىنىڭ IX سامميتىندە قابىلدانعان ناحچىۆان دەكلاراتسياسىن جانە 2010 جىلعى 16 قىركۇيەكتە تۇركيا رەسپۋبليكاسىنىڭ ستامبۋل قالاسىندا وتكەن تۇركىتىلدەس مەملەكەتتەر باسشىلارى X ءسامميتىنىڭ دەكلاراتسياسىن جۇزەگە اسىرۋدى جالعاستىرۋعا دايىن ەكەندىگىن،
- 2009 جىلعى 29 قىركۇيەكتە باكۋ قالاسىندا وتكەن تۇركىتىلدەس ەلدەر پارلامەنتتىك اسسامبلەياسىنىڭ ءبىرىنشى وتىرىسى وسى ورگاندى قالىپتاستىرۋداعى تاعى ءبىر قادام بولعاندىعىن،
- پارلامەنتارالىق ىقپالداستىقتىڭ مەملەكەتارالىق قاتىناستارداعى، ونىڭ ىشىندە ساياسي ديالوگتى دامىتۋ مەن وڭىرلىك جانە عالامدىق قاۋىپسىزدىكتى قامتاماسىز ەتۋگە ءتيىستى جاعداي جاساۋداعى ماڭىزىن،
- تۇركىتىلدەس ەلدەر اراسىنداعى تاريح، ءتىل جانە مادەنيەت ورتاقتىعىنا نەگىزدەلگەن تىعىز جانە سان قىرلى ىنتىماقتاستىقتى دامىتۋداعى پارلامەنتتەردىڭ ەرەكشە ءرولىن نازارعا الا وتىرىپ، تەمەندەگىلەردى مالىمدەيدى:
1. پارلامەنتتىك اسسامبلەيا ەلدەرىمىزدىڭ ساياسي، ەكونوميكالىق، مادەني جانە باسقا دا سالالارداعى قارىم-قاتىناستارىن تەرەڭدەتۋدىڭ جانە حالىقتارىمىزدى ودان ءارى جاقىنداستىرۋدىڭ ماڭىزدى قۇرالى بولىپ تابىلادى.
2. پارلامەنتتىك اسسامبلەيا قىسقا مەرزىم ىشىندە يسلام كونفەرەنتسياسى ۇيىمىنىڭ پارلامەنتتىك وداعى مەن پارلامەنتارالىق وداقتا بايقاۋشى مارتەبەسىنە يە تولىققاندى پارلامەنتارالىق قۇرىلىمعا اينالدى.
3. پارلامەنتتىك اسسامبلەيا ءوز قىزمەتىندە وزگە دە تۇركىتىلدەس ەلدەردىڭ پارلامەنتتەرىمەن ارادا جەمىستى جانە ءوزارا ءتيىمدى ىنتىماقتاستىق ورناتۋعا مۇددەلى.
4. پارلامەنتتىك اسسامبلەيا شەڭبەرىندە ءتيىستى شەشىمدەردى قابىلداۋعا جول اشاتىن تۇراقتى كوميسسيالاردىڭ قۇرىلۋى ىقپالداستىقتىڭ جاڭا ساتىعا قادام باسۋىنا مۇمكىندىك بەرەدى.
5. پارلامەنتتىك اسسامبلەيا تۇركىتىلدەس مەملەكەتتەر ىنتىماقتاستىق كەڭەسىنىڭ، تۇركسوي حالىقارالىق ۇيىمىنىڭ، تۇركى اكادەمياسىنىڭ جانە اقساقالدار كەڭەسىنىڭ ءتيىمدى جۇمىس ىستەۋىنە جان-جاقتى ىقپال ەتەدى.
6. پارلامەنتتىك اسسامبلەيا قازىرگى زاماننىڭ وزەكتى ماسەلەسىنە اينالعان داعدارىستان كەيىنگى الەمدى قايتا قۇرۋدا حالىقتارىمىزدىڭ مۇددەلەرىنە سايكەس كەلەتىن جاڭا عالامدىق ەكونوميكا مەن قارجى جۇيەسىن قالىپتاستىرۋعا ءوز ۇلەسىن قوسۋعا مۇددەلى.
7. پارلامەنتتىك اسسامبلەيا تۇركىتىلدەس مەملەكەتتەر تاۋەلسىزدىگىنىڭ 20 جىلدىعى وسى ەلدەردىڭ جاڭا تاريحىنداعى ماڭىزدى كەزەڭ بولىپ تابىلاتىنىن اتاپ وتەدى.
8. 2010 جىلى قازاقستان رەسپۋبليكاسىنىڭ تۇركىتىلدەس مەملەكەتتەر ىشىنەن العاشقى بولىپ ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتۋى جانە تۇركىتىلدەس مەملەكەتتەر پارلامەنتتەرىنىڭ ەقىۇ پا اياسىنداعى بەلسەندى قىزمەتى، ەڭ الدىمەن، ءبىزدىڭ ەلدەرىمىزدىڭ حالىقارالىق مارتەبەسىن اسقاقتاتۋعا جانە حالىقارالىق قاۋىمداستىقتىڭ ەۋرازياداعى ورىن الىپ وتىرعان پروبلەمالاردى شەشۋگە اتسالىسۋىنا ايتۋلى ۇلەس قوستى.
9. پارلامەنتتىك اسسامبلەيا قىرعىز رەسپۋبليكاسىندا جاعداي بىرتىندەپ قالپىنا كەلىپ، ەل دامۋ جولىنا تۇسكەندىگىن اتاپ وتەدى جانە رەسپۋبليكادا زاڭداردىڭ ۇلىقتىلىعى مەن ءتيىمدى باسقارۋدىڭ قامتاماسىز ەتىلۋىن قولدايدى.
10. پارلامەنتىك اسسامبلەيا قازاقستان رەسپۋبليكاسىنىڭ يسلام كونفەرەنتسياسى ۇيىمى سىرتقى ىستەر مينيسترلەرى كەڭەسىندەگى بولاشاق توراعالىعىن قۇپتاي وتىرىپ، الەمنىڭ ءتۇرلى مادەنيەتتەرى اراسىنداعى تۇسىنىستىك پەن ۇندەستىكتىڭ، مادەنيەتارالىق ءوزارا ءىس-قيمىلدار مەن دىنارالىق سۇحباتتىڭ بەيبىتشىلىكتى ساقتاۋداعى ماڭىزدى قۇرال ەكەندىگىن ەسكەرە وتىرىپ، وعان جان-جاقتى قولداۋ كورسەتۋگە مۇددەلى.
11. پارلامەنتتىك اسسامبلەيا ءازىربايجاننىڭ مادەنيەتارالىق ديالوگتى دامىتۋداعى ۇلەسىن اتاپ وتە وتىرىپ، مادەنيەتى، ەتنوسى، ءدىني كوزقاراستارى جانە مۇرالارى بولەك توپتار مەن جەكە تۇلعالاردىڭ ءوزارا تۇسىنىستىك نەگىزىندە وتكەن اشىق پىكىر الماسۋلارىن قۇپتاي وتىرا، 2011 جىلعى ساۋىردە ءازىربايجاندا وتكەن مادەنيەتارالىق ديالوگ جونىندەگى بۇكىلالەمدىك فورۋمىنىڭ ۇيىمداستىرىلۋىن جوعارى باعالايدى.
«اباي-اقپارات»
