ورتالىق كوممۋنيكاتسيالار قىزمەتىندە «قر ەنەرگەتيكا مينيسترلىگىنىڭ بەكىتىلگەن ەلەكتر ەنەرگياسىن وندىرۋدەگى تاريفتەردىڭ وبەكتيۆتى دەڭگەيى» تاقىرىبىنا ارنالعان ءباسپاسوز كونفەرەنتسياسى ءوتتى.

ەلباسىنىڭ تاپسىرماسىنا سايكەس ەنەرگەتيكا مينيسترلىگى ەلەكتر ەنەرگياسىن ءوندىرۋ ءتاريفىنىڭ وبەكتيۆتى دەڭگەيىن بەلگىلەۋ بويىنشا جۇمىستار اتقاردى.

2019 جىلعى 1 قاڭتاردان باستاپ قازاقستاندا «ەلەكتر قۋاتىنىڭ نارىعى» جۇمىس ىستەيتىن بولادى. ەلەكتر ەنەرگياسىنىڭ قۇنى قۋات ءتاريفى جانە ەلەكتر ەنەرگياسىنىڭ ءتاريفى بولىپ بولىنەتىن بولادى. بولشەك تۇتىنۋشىلار (حالىق) ءۇشىن ەلەكتر ەنەرگياسىنا تولەم جۇيەسى وزگەرىسسىز قالادى، ياعني تولەم، قازىرگى ۋاقىتتاعىداي، تۇتىنعان ەلەكتر ەنەرگياسىن ەسەپتەيتىن اسپاپتار بويىنشا جۇرگىزىلەدى.

مينيسترلىك ەلەكتر قۋاتىنىڭ نارىعىن ەنگىزۋ شەڭبەرىندە ەلەكتر ەنەرگياسىنىڭ ءتاريفىن ەكى كومپونەنتتىڭ (ەلەكتر ەنەرگياسىنىڭ جانە قۋاتتىڭ قۇنى) قوسىندىسى بويىنشا تومەندەتۋ ماقساتىندا اۋقىمدى جۇمىس اتقاردى.

ءبىرىنشى كەزەڭدە نورماتيۆتىك-قۇقىقتىق بازا سايكەستىككە كەلتىرىلدى.

مينيسترلىك «ەلەكتر ەنەرگياسىنا شەكتى ءتاريفتى، تەڭگەرىمدەۋشى ەلەكتر ەنەرگياسىنا شەكتى ءتاريفتى جانە ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتى بەكىتۋ قاعيدالارىنا» (قازاقستان رەسپۋبليكاسى ەنەرگەتيكا ءمينيسترىنىڭ 2018 جىلعى 27 قاراشاداعى № 458 بۇيرىعى) وزگەرىستەر ەنگىزىلدى. بۇل وزگەرىستەر:

- ەنەرگيا ءوندىرۋشى ۇيىمداردىڭ توپتارىن قالىپتاستىرۋ ولشەمشارتتارىن تۇزەتۋ;

- ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتى ەسەپتەۋ فورمۋلاسىن وزگەرتۋ;

- ەلەكتر ەنەرگياسىنىڭ شەكتى تاريفتەرىن قالىپتاستىرۋ كەزىندە ەسكەرىلەتىن ەلەكتر ەنەرگياسىن وندىرۋگە جۇمسالعان شىعىنداردى ناقتى رەگلامەنتتەۋ ءۇشىن جاسالعان.

ەنەرگەتيكا ءمينيسترىنىڭ 2018 جىلعى 29 قاراشاداعى №464 بۇيرىعىمەن بۇرىن بەكىتىلگەن قۋات ءتاريفىنىڭ شەكتى شاماسى وزگەرتىلدى (1 مۆت ءۇشىن 700-دەن 590 مىڭ. تەڭگەگە دەيىن تومەندەتىلدى).

قۋات ءتاريفى تومەندەتىلگەن كەزدە قازاقستاندا ءبىرىنشى رەت ەلەكتر قۋاتىنىڭ ورتالىقتاندىرىلعان ساۋدا-ساتتىعى وتكىزىلدى. ساۋدا-ساتتىقتىڭ ناتيجەسى بويىنشا قۋات باعاسى شەكتى دەڭگەيدەن 9%-عا تومەندەدى.

نورماتيۆتىك بازانىڭ وزگەرىستەرىنە سايكەس قازاقستان رەسپۋبليكاسى ەنەرگەتيكا ءمينيسترىنىڭ 2018 جىلعى 5 جەلتوقسانداعى  № 476 بۇيرىعىمەن ەنەرگيا ءوندىرۋشى ۇيىمداردىڭ توپتارى بەكىتىلدى، وندا ءار ەنەرگيا ءوندىرۋشى ۇيىم بولەك توپقا انىقتالعان. اتالعان شارالار جەكەلەگەن ەلەكتر ەنەرگياسىن وندىرۋشىلەر ءۇشىن جوعارى تاريف ورناتۋ مۇمكىندىگىن جويادى.

مينيسترلىك ەلەكتر ەنەرگياسىنىڭ قۇنىن تومەندەتۋ ماقساتىندا ەلەكتر ەنەرگياسىن وندىرۋگە جۇمسالعان شىعىنداردى تالداۋ بويىنشا جۇمىستار جۇزەگە اسىردى، ەلەكتر ەنەرگياسىن ساتاتىن بارلىق ەنەرگيا ءوندىرۋشى ۇيىمدار تىڭدالدى جانە مۇددەلى مەملەكەتتىك ورگاندارمەن بىرلەسە وتىرىپ ەنەرگەتيكالىق كاسىپورىندارعا بارۋ ارقىلى جەكەلەگەن ەنەرگيا ءوندىرۋشى ۇيىمداردا تەكسەرىستەر جۇرگىزدى.

اتقارىلعان جۇمىستاردىڭ ناتيجەلەرى پرەزيدەنت اكىمشىلىگىنىڭ، باس پروكۋراتۋرانىڭ، مەملەكەتتىك ورگانداردىڭ جانە ۇلتتىق كاسىپكەرلەر پالاتاسىنىڭ وكىلدەرى قاتىساتىن جۇمىس توبىنىڭ قاراۋىنا ەنگىزىلدى.

وتىرىس بارىسىندا ەنەرگەتيكا مينيسترلىگىنىڭ ءتاسىلى تۇجىرىمدامالى قولداۋ تاپتى.

اتقارىلعان جۇمىستاردىڭ ناتيجەسىندە ا.ج. 14 جەلتوقساندا «ەلەكتر ەنەرگياسىنا شەكتى تاريفتەردى بەكىتۋ تۋرالى» بۇيرىق قابىلداندى.

ەنەرگەتيكا مينيسترلىگى ەلباسىنىڭ ا.ج. 7 قاراشادا قاۋىپسىزدىك كەڭەسىندە بەرگەن تاپسىرمالارىن ورىندادى.

مەملەكەتتىك ءتىلدى دامىتۋ قورىنىڭ ءباسپاسوز قىزمەتى

Abai.kz