الماتىدا «ۇلى دالانىڭ جەتى قىرى جانە قازاق ادەبيەتى» اتتى قازاقستان جازۋشىلار وداعىنىڭ ءى پلەنۋمى ءوتتى، دەپ حابارلايدى اباي-اقپارات دەپ حابارلايدى قازاقپاراتقا سىلتەمە جاساپ.

قازاقستان جازۋشىلار وداعى باسقارماسىنىڭ عيماراتىندا وتكەن شاراعا باسقارمانىڭ مۇشەلەرى، عالىمدار مەن زيالى قاۋىم وكىلدەرى، باق قاتىستى.

وتىرىستىڭ اشىلۋىندا باسقارمانىڭ توراعاسى ۇلىقبەك ەسداۋلەت «ۇلى دالانىڭ جەتى قىرى جانە قازاق ادەبيەتىنىڭ دامۋ باعىت-باعدارى» تاقىرىبىندا بايانداما وقىدى.

«ەلباسى نۇرسۇلتان نازارباەۆتىڭ ەجەلگى تاريح پەن مادەنيەتىمىزدىڭ قادىر-قاسيەتىن تانىتقان  «ۇلى دالانىڭ جەتى قىرى» ماقالاسى ءباسپاسوز بەتىندە جارىق كورگەننەن سوڭ، ءبىزدىڭ باسقارمادا وسىعان قاتىستى جوبالار جۇزەگە اسىرىلا باستادى. بۇگىنگى القالى باسقوسۋدا الدىمەن وسى ماقالانىڭ باستى باعىتتارىن باعامداپ الۋىمىز قاجەت دەپ ويلايمىن. ءبىز وتارشىلدىق قۇرساۋىنان وتكەن سوڭ ءوزىمىزدىڭ تاريحىمىزعا ءوزىمىز ءزارۋ بولىپ كەلگەن ەلمىز. قادىر مىرزاليەۆ اعامىزدىڭ «ءبىزدىڭ تاريح ول داعى قالىڭ تاريح، وقۋلىعى جۇپ جۇقا بىراق تاريح» دەگەن ءسوزىن قايتالاعىم كەپ وتىر. بىزگە ءوز تاريحىمىزدى وقىتپاي، باسقا ۇلتتاردىڭ وزگە ەلدەردىڭ تاريحىن جەتىك بىلگەنىمىز جاسىرىن ەمەس. التىن ادام تابىلىپ جاتسا، «ول - سكيفتەردىكى، ونىڭ قازاققا قاتىسى جوق» دەدى. سوناۋ كەڭەس كەزىندە شىلىكتىدەن ءبىر ەمەس ەكى التىن ادام تابىلعانى بەلگىلى. بىراق ونىڭ اتىن دا زاتىن دا قازاققا بۇيىرتپادى. ونىڭ اڭ ستيلىندەگى التىن اشەكەيلەرى ەرميتاجدا تۇر»، -  دەدى ۇلىقبەك ەسداۋلەت.

باسقارمانىڭ توراعاسى ماقالادا ايتىلعان كەلەلى مىندەتتەردى جۇزەگە اسىرۋدا جازۋشىلاردىڭ ءرولى تۋرالى دا تىلگە تيەك ەتتى.

«وسىنداي ولقىلىقتاردىڭ بارلىعىنىڭ ورنىن تولتىراتىن ۋاقىت كەلدى. ماقالادا ايتىلعان مىندەتتەر بويىنشا جازۋشىلارعا ارتىلاتىن جۇك بولەك. بۇگىندە سونىڭ ءبارىن زەردەلەپ ويلاستىرۋدامىز»، - دەدى جازۋشىلار وداعى باسقارماسىنىڭ توراعاسى ۇ.ەسداۋلەت.

جيىن سوڭىندا پلەنۋم قاتىسۋشىلارى  ەلباسىنىڭ ماقالاسىندا ايتىلعان بارلىق كەلەلى ۇسىنىستاردى قولداپ، ءبىراۋىزدان ۇندەۋ قابىلدادى.

«ۇلى دالانىڭ جەتى قىرى» ماقالاسى «بولاشاققا باعدار: رۋحاني جاڭعىرۋ باعدارلاماسىنىڭ زاڭدى جالعاسى دەپ بىلەمىز. الەمدىك كەڭىستىككە ۇلتتىق كودىمىز ارقىلى شىعىپ، بارشا الەم حالىقتارىنا قازاقتىڭ جانىن، تاۋەلسىزدىگىمىزدىڭ مىزعىماس رۋحىن، قازىنالى قۇندىلىقتارىمىزدى دارىپتەۋدى مۇرات ەتەدى. قازاق قالامگەرلەرى ءوز شىعارمالارىندا قاشاندا تامىرى مىڭجىلدىقتارعا كەتەتىن ءتول تاريحىمىزدى زەرتتەپ، زەردەلەۋگە، ۇلتتىق قۇندىلىقتارىمىزدىڭ ناسيحاتتالۋىندا وسىعان دەيىن دە ولشەۋسىز ەڭبەك سىڭىرگەنى اقيقات. وسى ورايدا پرەزيدەنت اكىمشىلىگىنە، قر مادەنيەت جانە سپورت مينيسترلىگىنە، وبلىس اكىمدەرىنە «ۇلى دالانىڭ جەتى قىرى» باعدارلاماسى اياسىندا بايتاق قازاقستاننىڭ بارلىق ايماقتارىن قامتيتىن «تاريحي ادەبي ولكەتانۋ» جوباسىن ۇسىنامىز»، - دەلىنگەن ۇندەۋدە.

Abai.kz