ەركە سىلقىم اقجايىقتىڭ جاعاسىنداعى ادەمى قالا ورال شاھارىندا سەيسەنبى كۇنى ساسكە ءتۇس اۋا باستالعان ماسكەۋ وليمپياداسىنىڭ كۇمىس جۇلدەگەرى، الەم كۋبوگىنىڭ ەكى دۇركىن يەگەرى، ەكى مارتە ەۋروپا چەمپيونى سەرىك قوناقباەۆ جۇلدەسى ءۇشىن حالىقارالىق بايراقتى باسەكە وسى اپتانىڭ سوڭىنا دەيىن جالعاسادى.
باستاپقىدا 15 ەلدىڭ بىلعارى قولعاپ شەبەرلەرى باق سىنايدى دەپ كۇتىلگەن تۋرنيردە قازاقستانعا قوسا، ءازىربايجان، رەسەي جانە قىرعىز ەلىنىڭ تاستۇلەكتەرى باق سىناۋدا. قازاقستان بوكس فەدەراتسياسى اتقارۋشى ديرەكتورى جانبولات سارسەنوۆتىڭ سوزىنە قاراعاندا، ءبىراز ەلدىڭ قۇراماسى جارىستار كەستەسىنىڭ تىعىزدىعىنا بايلانىستى، ال ەندى كەيبىرى قارجىلىق داعدارىستىڭ كەسىرىنەن ورالعا كەلە الماعان. سونىڭ وزىندە ورال رينگىندە 11 سالماق دارەجەسى بويىنشا ۇزىن سانى 107 بوكسشى مايدان سالۋدا.

ەركە سىلقىم اقجايىقتىڭ جاعاسىنداعى ادەمى قالا ورال شاھارىندا سەيسەنبى كۇنى ساسكە ءتۇس اۋا باستالعان ماسكەۋ وليمپياداسىنىڭ كۇمىس جۇلدەگەرى، الەم كۋبوگىنىڭ ەكى دۇركىن يەگەرى، ەكى مارتە ەۋروپا چەمپيونى سەرىك قوناقباەۆ جۇلدەسى ءۇشىن حالىقارالىق بايراقتى باسەكە وسى اپتانىڭ سوڭىنا دەيىن جالعاسادى.
باستاپقىدا 15 ەلدىڭ بىلعارى قولعاپ شەبەرلەرى باق سىنايدى دەپ كۇتىلگەن تۋرنيردە قازاقستانعا قوسا، ءازىربايجان، رەسەي جانە قىرعىز ەلىنىڭ تاستۇلەكتەرى باق سىناۋدا. قازاقستان بوكس فەدەراتسياسى اتقارۋشى ديرەكتورى جانبولات سارسەنوۆتىڭ سوزىنە قاراعاندا، ءبىراز ەلدىڭ قۇراماسى جارىستار كەستەسىنىڭ تىعىزدىعىنا بايلانىستى، ال ەندى كەيبىرى قارجىلىق داعدارىستىڭ كەسىرىنەن ورالعا كەلە الماعان. سونىڭ وزىندە ورال رينگىندە 11 سالماق دارەجەسى بويىنشا ۇزىن سانى 107 بوكسشى مايدان سالۋدا.
– بۇل تۋرنير حالىقارالىق اۋەسقوي بوكس فەدەراتسياسىنىڭ ۇيعارىمىنا سايكەس ۇزاقتىعى 3 مينۋتتان تۇراتىن ء(ۇزىلىس 60 سەكۋند) ءۇش راۋندتىق جۇيە بويىنشا وتۋدە. مەنىڭ ويىمشا، بۇل – ناعىز كوڭىلگە قونىمدى ءتاسىل. ويتكەنى وسى جۇيە ارقىلى بوكسشىنىڭ تەحنيكا-تاكتيكالىق شەبەرلىگىنە قوسا، فيزيكالىق دايىندىعىن دا ناقتى انىقتاۋعا مۇمكىندىك مول، – دەيدى ەلىمىزدىڭ باتىسىندا ءوتىپ جاتقان بوكس باسەكەسىنىڭ باس تورەشىسى، رەسەيلىك ۆالەري لاپتەۆ. (كوزىقاراقتى جانكۇيەر ۆ.لاپتەۆتىڭ كەزىندە قوناقباەۆتىڭ نەگىزگى قارسىلاستارىنىڭ ءبىرى بولعاندىعىن ۇمىتا قويماعان شىعار). ال ءتۋرنيردىڭ اشىلۋ سالتاناتىنا ارنايى كەلگەن قر اۋەسقوي بوكس فەدەراتسياسىنىڭ ۆيتسە-پرەزيدەنتى، داڭقتى بوكسشى سەرىك قوناقباەۆ:
– بيىلعا دەيىن شىمكەنتتە وتكىزىلىپ كەلگەن ءتۋرنيردى ورالعا كوشىرۋىمىزدىڭ باستى سەبەبى باتىس قازاقستان وبلىسىنىڭ بوكسشىلارى سوڭعى جىلدارى تىم جاقسى ناتيجەلەر كورسەتىپ ءجۇر. مىنا دودا ورال ءوڭىرىنىڭ اۋماعىندا بوكستىڭ كەڭ قانات جايا تۇسۋىنە تىڭ سەرپىن بەرەرى كامىل. وبلىس اكىمى باقتىقوجا ىزمۇحامبەتوۆتەي اعامىزعا بۇكىل شارۋانىڭ ورايىن كەلتىرۋگە ۇيىتقى بولعانى ءۇشىن ريزامىن. سونىمەن قاتار وبلىستىق بوكس فەدەراتسياسىنىڭ پرەزيدەنتى ءمۇسىلىم وڭداعانوۆ تا ءتۋرنيردىڭ جاقسى ءوتۋى ءۇشىن بىلەك سىبانىپ كىرىسكەنى كورىنىپ تۇر، – دەپ پىكىر بىلدىرگەن بولاتىن.
سونىمەن، تۋرنيرگە قازاقستان قۇراماسىنىڭ ساپىندا بەيجىڭ وليمپياداسىنا قاتىسقان مەرەي اقشالوۆ، قانات ءابۋتالىپوۆ ەلىمىزدىڭ ءۇش مارتە چەمپيونى، قاراعاندىلىق ەرمەك سەرىكوۆ سىندى سايىپقىراندار اتوي سالۋدا. ال ايىر قالپاقتى اعايىنداردىڭ ۇمىتكەرلەرى بىرىنەن سوڭ ءبىرى جارىس جولىنان شىعىپ قالىپ جاتسا، ەسەسىنە قاپ تاۋىنان كەلگەن ازىربايجاندىقتاردىڭ قارقىنى قاتتى. ارينە، رەسەيلىكتەر دە تاياق جەۋ ءۇشىن كەلمەگەنى انىق...

باۋىرجان عۇبايدۋللين، ورال قالاسى
«ايقىن» گازەتى، 12 ماۋسىم 2009 جىل