بۇل ىسكە رەسەيلىك تانىمال بيزنەسمەننىڭ تىكەلەي قاتىسى بولعان. بىراق ازىرگە ونىڭ اتى-ءجونى اتالمايدى. ال ۆەسەلنيتسكايا - Prevezon Holding كومپانياسىنىڭ ادۆوكاتى.

بۇل ءىستىڭ اقش پرەزيدەنتى دونالد ترامپتىڭ 2016 جىلى نيۋ-يوركتەگى كەزدەسۋىنە قاتىسى جوق. بىراق تەرگەۋشىلەر ۆەسەلنيتسكايانىڭ كرەملمەن تىعىز قارىم-قاتىناسىنا ايعاق بار دەپ وتىر.

حابارلامادا اقش-تىڭ ادىلەت مينيسترلىگى رەسەي بيلىگىنەن تەرگەۋگە كومەكتەسۋىن سۇراعانى جازىلعان. بىراق ماسكەۋ جاۋاپ رەتىندە جاۋاپ بەرۋشىلەردى اقتايتىنداي جالعان ناتيجەلەر جىبەرگەن. رەسەي ءوزىنىڭ ەسەبىندە اقشانى زاڭداستىرۋعا Hermitage Capital قورىنىڭ نەگىزىن قالاۋشى ۋيليام براۋدەردىڭ قاتىسى بار دەگەن.

ايىپتاۋ قۇجاتىندا ۆەسەلنيتسكايانى امەريكالىق تاراپقا جاۋاپ دايىنداۋ ءۇشىن، رەسەيلىك جوعارى لاۋازىمدى پروكۋرورلارمەن قۇپيا بايلانىسقان دەلىنگەن. وسىلايشا ول سوتتى جاڭىلىستىرىپ وتىر دەيدى.

2017 جىلدىڭ مامىر ايىندا كيپردە تىركەلگەن Prevezon Holdings كومپانياسى رەسەي مەملەكەتى اقشاسىن زاڭداستىرۋ ىسىنە قاتىستى اقش-پەن كەلىسىمگە كەلگەن. كومپانيانىڭ قوجايىنى سول كەزدە رەسەي تەمىر جولى ۆيتسە-پرەزيدەنتىنىڭ ۇلى دەنيس كاتسىۆ بولعان. كومپانيا ءىستى اقتاۋ ءۇشىن اقش-قا التى ملن دوللار ايىپپۇل تولەۋگە كەلىسكەن. امەريكا بيلىگى جاۋاپ رەتىندە Prevezon Holdings رەسەيدە اقشا زاڭداستىرمادى دەپ مالىمدەگەن.

ۆەسەلنيتسكايانىڭ ءوزى ينۆەستور ۋيليام براۋدەردى ءجيى ايىپتاپ سۇقبات بەرىپ كەلدى. بۇل ىسپەن ماگنيتسكي اينالىسقان. ول وسى ءىستى زەرتتەۋ بارىسىندا قازا بولدى. مۇنان بولەك ول براۋدەردىڭ قىلمىسىن اشاتىن بىرنەشە فيلمدەر كورسەتكەن.

ول سونىمەن بىرگە 2016 جىلدىڭ ماۋسىم ايىندا نيۋ-يوركتەگى ترامپ-تاۋەر كەڭسەسىندە ترامپتىڭ ۇلىمەن كەزدەسكەن. كەزدەسۋگە ترامپتىڭ كۇيەۋ بالاسى دجارەد كۋشنەر مەن پرەزيدەنتتىڭ كەڭەسشىسى پول مانافورت قاتىسقان. باق-تىڭ جازۋىنشا، ۆەسەلنيتسكايا ترامپتىڭ كەڭەسشىلەرىنە حيللاري كلينتونعا قارسى اشكەرەلەيتىن ماتەريال بارىن ايتقان. ال كۋشنەر بۇل كەزدەسۋدى "ۋاقىتتى بوس وتكىزۋ بولدى" دەپ اتاعان.

ترامپتىڭ ۇلى بولسا، كەزدەسۋ جايىندا اكەسى بىلمەيتىنىن، ءارى كلينتوندى ەشقانداي اشكەرەلەيتىن ماتەريالدار الماعانىن جەتكىزگەن.

Abai.kz