ءبىرازدان بەرى "نۇر وتان" پارتياسىنىڭ قاناتىندا ءوتىپ، پارتيا اياسىنداعى شارا رەتىندە تانىلا باستاعان ايتىسقا ىنتا باسىلماپتى. الماتىدا وتكەن "تورتەۋ تۇگەل بولسا" اتتى ايتىسقا كەلگەن حالىقتىڭ كوپشىلىگى وعان كىرە الماي، سىرتتان قايتتى. دالادا قالىپ قويعانداردىڭ اراسىندا قوعام قايراتكەرى اسىلى وسمان دا بار ەكەن. "سونشا قاۋىمدى الىپ كەلىپ مىناداي قويشا توعىتۋ جاقسى ەمەس. ءبۇلى كىسىنىڭ نە ايتىستى، نە حالىقتى سىيلاماعانى. ال ءبىز كوكتە قۇداي، جەردە حالىق دەيمىز. سوندىقتان حالىققا ەرەكشە ءمان بەرۋىمىز كەرەك", - دەپ اشىندى اسىلى وسمان. كورەرمەن دە قاپالى. "ايتىستى "نۇر وتان" قولىنا الدى. "نۇر وتان" ايتىستى قولىنا الماي تۇرىپ، وعان ەركىن كىرەتىنبىز. كازىر كىرە المادىق. كۇزەتتىڭ ءوزى "نۇر وتان" ايتىسى دەپ قورقىتادى ءبىزدى", - دەيدى كورەرمەن ەلدوس ۇمبەتاليەۆ. سىرتتاعى كۇزەتشىلەرمەن ۇزاق ايتىستان كەيىن ءتۇسىرۋ توبى مەن سىرتتاعى ءبىراز ادام ناعىز ايتىستى تاماشالاۋعا مۇمكىندىك الدى.

ءبىرازدان بەرى "نۇر وتان" پارتياسىنىڭ قاناتىندا ءوتىپ، پارتيا اياسىنداعى شارا رەتىندە تانىلا باستاعان ايتىسقا ىنتا باسىلماپتى. الماتىدا وتكەن "تورتەۋ تۇگەل بولسا" اتتى ايتىسقا كەلگەن حالىقتىڭ كوپشىلىگى وعان كىرە الماي، سىرتتان قايتتى. دالادا قالىپ قويعانداردىڭ اراسىندا قوعام قايراتكەرى اسىلى وسمان دا بار ەكەن. "سونشا قاۋىمدى الىپ كەلىپ مىناداي قويشا توعىتۋ جاقسى ەمەس. ءبۇلى كىسىنىڭ نە ايتىستى، نە حالىقتى سىيلاماعانى. ال ءبىز كوكتە قۇداي، جەردە حالىق دەيمىز. سوندىقتان حالىققا ەرەكشە ءمان بەرۋىمىز كەرەك", - دەپ اشىندى اسىلى وسمان. كورەرمەن دە قاپالى. "ايتىستى "نۇر وتان" قولىنا الدى. "نۇر وتان" ايتىستى قولىنا الماي تۇرىپ، وعان ەركىن كىرەتىنبىز. كازىر كىرە المادىق. كۇزەتتىڭ ءوزى "نۇر وتان" ايتىسى دەپ قورقىتادى ءبىزدى", - دەيدى كورەرمەن ەلدوس ۇمبەتاليەۆ. سىرتتاعى كۇزەتشىلەرمەن ۇزاق ايتىستان كەيىن ءتۇسىرۋ توبى مەن سىرتتاعى ءبىراز ادام ناعىز ايتىستى تاماشالاۋعا مۇمكىندىك الدى.

اقىنداردىڭ توعىز جۇبى نەگىزىنەن ءدىن مەن يمان توڭىرەگىندە تولعادى. بىلەتىندەر مۇنى ايتىستى پرەزيدەنتتىڭ جاقىن تۋىسى قايرات ساتىبالدىنىڭ قارجىلاي قولداۋىمەن وتكەنىنە بايلانىستى دەستى. سوندىقتان، اقىندارعا اقورداعا قاتىستى قاتتى سىن ايتپاۋ تۋرالى الدىن الا ەسكەرتىلىپتى دەگەن ءسوز بار. كورەرمەندەر ءدىني ايتىس دەپ اتاعان دودادا اقىنداردىڭ دەنى قايرات ساتىبالدىنى ماداققا قوستى. "نەگىزىنەن وسى يدەيانىڭ ۇيىتقىسى قايرات ساتىبالدىۇلى. سونىڭ يدەياسى. سونىڭ قولداۋىمەن جاسالىپ وتىر",- ­ دەيدى ايتىستى ۇيىمداستىرۋشى توپ وكىلى رۋسلان جەلدىباي. ايتىس توڭىرەگىندەگىلەر ساتىبالدىعا دەگەن ىستىق ىقىلاستى ونىڭ ءبىر توپ اقىندى قاجىلىققا اپارعانىمەن بايلانىستىرادى. ال كورەرمەندەر اقىندار اراسىندا بيلىكتىڭ جەتەگىندە كەتكەندەر كوبەيىپ بارادى دەپ قايتتى.

«Stan.tv» اقپاراتتىق بەينەپورتالى