ۇقك اقپاراتىنا قاراعاندا، كۇدىكتىلەردى ۇستاۋ وپەراتسياسى 10 قاڭتار كۇنى وتكەن. كۇدىكتىلەر ۋاقىتشا تۇرىپ جاتقان ورىنداردى ءتىنتۋ كەزىندە "قۋاتتى جارىلعىش زاتتار جاساۋعا ارنالعان قۇرىلعىلار، قارۋ-جاراق پەن وق-دارىلەر تاركىلەنگەن".
ۇقك قانشا كۇدىكتى ۇستالعانىن ايتپاعانىمەن، ءباسپاسوز قىزمەتى قولدارى ارتىنا قايىرىلىپ، بەت-الپەتى جاسىرىلعان التى ادامنىڭ سۋرەتىن تاراتتى. ۇستالعانداردىڭ ناقتى قاي ەلدىڭ ازاماتتارى ەكەنى ايتىلمايدى.
ارنايى قىزمەتتىڭ بولجامىنشا، ۇستالعاندار "جارىلعىش زاتتار مەن اتىس قارۋلارىن قولدانۋ ارقىلى الماتىدا حالىق كوپ شوعىرلاناتىن ورىنداردا شابۋىل جاساۋعا نيەتتەنگەن".
ۇقك ۇستالعاندار "شەتەلدەگى دايش [قازاقستاندا تىيىم سالىنعان "يسلام مەملەكەتى" ەكسترەميستىك توبىنىڭ اراب تىلىندەگى اتاۋىنىڭ قىسقارتىلعان نۇسقاسى - رەد.] سودىرلارىنىڭ نۇسقاۋىمەن ارەكەت ەتكەنىن" ايتادى.
كۇدىكتىلەردى تەرگەۋ امالدارى جالعاسىپ جاتىر.
Abai.kz
