كەشە قر ۇكىمەتىنىڭ وتىرىسىنان كەيىن وتكەن ءباسپاسوز كونفەرەنتسياسىندا اقپارات جانە كوممۋنيكاتسيالار ۆيتسە-ءمينيسترى دينارا ششەگلوۆا مەملەكەتتىك قىزمەتتى ەلەكتروندىق فورماتقا كوشىرۋ بويىنشا الداعى جوسپارلار تۋرالى اڭگىمەلەدى.

ەلباسىنىڭ جولداۋىندا مەملەكەتتىك قىزمەتتەردى ەلەكتروندى فورماتقا كوشىرۋ بويىنشا بەلگىلى KPI ەنگىزىلگەن بولاتىن. ماقساتقا جەتۋ ءۇشىن 400-دەن استام مەملەكەتتىك قىزمەتتى ەلەكتروندى فورماتتا كورسەتۋ بيزنەس-ۇدەرىسى وڭتايلاندىرىلدى. 2019 جىلى 141 مەملەكەتتىك قىزمەت ەلەكتروندى فورماتقا كوشىرىلمەك. 2020 جىلعا قاراي قر اكم ەلەكتروندى فورماتقا مەملەكەتتىك قىزمەتتەردىڭ 90% كوشىرۋ جوسپارلانعان.

سونىمەن قاتار، قازىرگى ۋاقىتتا مەملەكەتتىك قىزمەتتەر تىزىلىمىندە تۇرماعان «كولەڭكەلى» مەملەكەتتىك قىزمەتتەردى انىقتاۋ بويىنشا جۇمىس جۇرگىزىلۋدە.

د. ششەگلوۆانىڭ ايتۋىنشا، قر اكم حالىق اراسىندا اقپاراتتىق-ءتۇسىندىرۋ جۇمىستارىن جۇرگىزىپ جاتىر. 2018 جىلى اكىمدىكتەرمەن بىرگە 700 مىڭ ادام ساندىق ساۋاتتىلىق ءبىلىمىن ارتتىرعان. سونىمەن قاتار، «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق Connection Point, تەلەگرام-بوت ارقىلى ءوز-وزىنە قىزمەت كورسەتۋ الاڭدارىندا كەڭەس بەرەدى.

سونداي-اق ءباسپاسوز كونفەرەنتسياسى بارىسىندا ەلەكتروندىق تسيفرلىق قولتاڭبانىڭ قاۋىپسىزدىك ماسەلەلەرى كوتەرىلدى.

«ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسى ابىلايحان وسپانوۆ بۇگىنگى ەلەكتروندىق تسيفرلىق قولتاڭبانى وتە اشىق مەحانيزم دەپ سانايدى. ونى تەك مەملەكەتتىك، مەملەكەتتىك سىڭايلى ۇيىمدار عانا ەمەس، سونداي-اق جەكە ۇيىمدار دا پايدالانا الادى.

«بۇگىندە نارىقتا كوپتەگەن ۇيىمدار، ونىڭ ىشىندە جەكەمەنشىك ۇيىمدار قولداناتىن ستارتاپتار بار. مەن ەلەكتروندى تسيفرلىق قولتاڭبا ارقىلى بيزنەسپەن كەلىسىمشارتقا تۇراتىن الاڭ جاساي الاتىن جاستاردى دا بىلەمىن»، — دەدى ا. وسپانوۆ.

«ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ، ءوز كەزەگىندە، ەلەكتروندىق تسيفرلىق قولتاڭبانى پايدالانۋ كەزىندە قازاقستاندىقتاردىڭ اقپاراتتىق قاۋىپسىزدىگى تولىق ساقتالاتىنىن اتاپ ءوتتى.

«ەتسق ۇلتتىق كۋالاندىرۋشى ورتالىق شىعارادى. بىزدە ول قازاقستاندا جالعىز. ەلەكتروندى تسيفرلىق قولتاڭبا كەلەسى تەحنيكالىق قۇراۋشىعا يە – ەكى كىلتى بار – جابىق جانە اشىق. ەتسق كەز كەلگەن پايدالانۋ جاعدايى، تىپتەن جەكە سەكتوردا بولسا دا، ءبىزدىڭ ۇلتتىق كۋالاندىرۋشى ورتالىقپەن ءوزارا ءىس-قيمىل ورناتادى، وندا سايكەستىك راستالادى. بۇل – ازاماتتى تازا سايكەستەندىرۋ جانە ەتسق سالۋ. سوندىقتان دا مۇندا قاۋىپسىزدىك ماسەلەسى اقپاراتتىق قاۋىپسىزدىكتىڭ بىرىڭعاي تالاپتارىنا جانە اقپارات جانە كوممۋنيكاتسيالار مينيسترلىگى تۇلعاسىنداعى رەتتەۋشى تالاپتارىنا ساي كەلەدى، ياعني قاۋىپسىزدىك تولىقتاي قامتاماسىز ەتىلەدى»، — دەپ ءتۇسىندىردى ءا. تۇرىسوۆ.