قۇقىقبۇزۋشىلىقتى سۋرەتكە نەمەسە ۆيدەوعا ءتۇسىرىپ جىبەرگەن ازاماتتارعا سىياقى بەرىلىپ جاتقان جوق. بۇل تۋرالى قر ءىىم ىشكى جانە سىرتقى كوممۋنيكاتسيالار دەپارتامەنتىنىڭ ديرەكتورى الماس سادۋباەۆ ايتتى.

ونىڭ اتاپ وتۋىنشە، قۇقىقبۇزۋشىلىقتارعا قاتىستى فوتو جانە ۆيدەوماتەريالدار جىبەرگەن ازاماتتارعا سىياقى تولەۋ باستالعاندىعى تۋرالى WhatsApp  ارقىلى تاراعان حابارلاما شىندىققا جاناسپايدى.

"شىندىعىندا دا ىشكى ىستەر مينيسترلىگىن جاڭعىرتۋ اياسىندا ازاماتتار تاراپىنان سىياقى ءۇشىن فوتوگرافيالار مەن ۆيدەولاردى جىبەرۋ قىزمەتى بار ارنايى ءموبيلدى قوسىمشانى پايدالانۋ مۇمكىنشىلىگى قاراستىرىلىپ جاتىر. تاعى دا قايتالاپ ايتامىن، بۇل ماسەلە ءالى دە قاراستىرۋ كەزەڭىندە تۇر جانە مۇنداي قىزمەتتى قامتيتىن ءموبيلدى قوسىمشانى ىسكە قوسۋ ءبىر كۇننىڭ شارۋاسى ەمەس. بارلىق زاڭناماعا ساراپتاما جاساپ، سايكەسىنشە نورماتيۆتىك-قۇقىقتىق اكتىلەرگە  تۇزەتۋلەر ەنگىزۋ قاجەت", - دەدى ول.

سونىمەن قاتار الماس سادۋباەۆ سوڭعى شەشىم قابىلدانعاننان كەيىن ونى رەسمي اقپارات كوزدەرى ارقىلى حالىققا جەتكىزەتىندىكتەرىن اتاپ ءوتتى.

دەرەككوز: turkystan.kz

Abai.kz