مەكتەپتەردەگى الىمجەتتىك ء(بىر ايماقتا كوپ، كەلەسى ايماقتا از دا بولسا بار) سەبەبى نەدە؟ اينالىپ كەلىپ باياعى ءوزىمىز كوتەرمەي كەتكەن تىرمانى باسامىز. ماڭدايىمىز ىسكەن سوڭ "كىم تاستاعان؟" دەپ ايقايلايمىز.
الەۋمەتتىك جاعدايدىڭ تومەندەگەنىنىڭ بەلگىسى بۇل. بۇدان تومەن شەك جوق-اۋ وسى. اتا-انالار تاڭنان كەشكە دەيىن شابىلىپ، بالاسىنا ءجوندى تاربيە بەرە المايدى. بالانىڭ قولى بوس بولعان سايىن ءوزى سەكىلدى بوس جۇرگەن بالالارمەن بىرىگە بەرەدى.

ەگەر، جاعدايىڭىز جەتسە بالاڭىزدى ءتىل كۋرستارىنا, سپورت ۇيىرمەسىنە، قالا بەردى دومبىرا نە شاحمات ۇيرەنۋگە بەرەسىز.
تويىنىپ سەكىرۋدىڭ دە بار ەكەنىن جاسىرمايمىن.
بالالارىمىز كوبىنە ءبىزدىڭ قاراجاتتى قالاي قينالىپ تاپقانىمىزدى بىلمەيدى، سەزبەيدى.

بالا تاربيەسىندە قاتەلىگىمىز كوپ. ەركىندىك پەن ەركەلىكتى شاتاستىردىق.
مەكتەپتەردە ەر مۇعالىمدەر از. جانارىمەن-اق جەر شۇقىتىپ جىبەرەتىن ىزارلى ۇستاز جوقتىڭ قاسى. بار شىعار، بار عوي. الدەنە بولسا اتتانداپ اراعا ءتۇسىپ، بالانىڭ كوزىنشە ۇستازدى بالاعاتتايتىندار كوبەيدى. بۇل دا ءوز جەمىسىن بەرۋدە. ءوز قولىمىزدى ءوزىمىز كەسە المايمىز-اۋ... بىلەگىڭ امان قالۋ ءۇشىن كەيدە ساۋساقتارىڭدى شابۋعا تۋرا كەلەدى...

ايسۇلتان جاقىپتىڭ facebook پاراقشاسىنان

Abai.kz