استانا. 11 مامىر. قازاقپارات - مالايزيانىڭ كۋالا-لۋمپۋر قالاسىندا وتكەن تابيعي اپاتتار مەن قورشاعان ورتانى قورعاۋعا ارنالعان ازيالىق ساياسي پارتيالاردىڭ حالىقارالىق كونفەرەنتسياسى (اسپحك) ءوزىنىڭ تۇراقتى كوميتەتىنىڭ 15-ءشى وتىرىسىن، سونىمەن قوسا اسپحك-نىڭ حالىقارالىق كونفەرەنتسياسىن وتكىزدى. بۇل حالىقارالىق شاراعا «نۇر وتان» حدپ اتىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «نۇر وتان» حدپ ساياسي كەڭەسى بيۋروسىنىڭ مۇشەسى نۇرتاي سابيليانوۆ قاتىستى.

تۇراقتى كوميتەتتىڭ وتىرىسىندا قورشاعان ورتانى قورعاۋ ماسەلەلەرى، تايلاند جانە كامبودجا اراسىنداعى كەلىسپەۋشىلىك جاعدايى، اسپحك-نىڭ بۇۇ-داعى باقىلاۋشىسىنىڭ مارتەبەسى جونىندە جانە باسقا دا ماسەلەلەر قوزعالدى.

استانا. 11 مامىر. قازاقپارات - مالايزيانىڭ كۋالا-لۋمپۋر قالاسىندا وتكەن تابيعي اپاتتار مەن قورشاعان ورتانى قورعاۋعا ارنالعان ازيالىق ساياسي پارتيالاردىڭ حالىقارالىق كونفەرەنتسياسى (اسپحك) ءوزىنىڭ تۇراقتى كوميتەتىنىڭ 15-ءشى وتىرىسىن، سونىمەن قوسا اسپحك-نىڭ حالىقارالىق كونفەرەنتسياسىن وتكىزدى. بۇل حالىقارالىق شاراعا «نۇر وتان» حدپ اتىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «نۇر وتان» حدپ ساياسي كەڭەسى بيۋروسىنىڭ مۇشەسى نۇرتاي سابيليانوۆ قاتىستى.

تۇراقتى كوميتەتتىڭ وتىرىسىندا قورشاعان ورتانى قورعاۋ ماسەلەلەرى، تايلاند جانە كامبودجا اراسىنداعى كەلىسپەۋشىلىك جاعدايى، اسپحك-نىڭ بۇۇ-داعى باقىلاۋشىسىنىڭ مارتەبەسى جونىندە جانە باسقا دا ماسەلەلەر قوزعالدى.

كونفەرەنتسيادا ن.سابيليانوۆ بايانداما جاساپ، ءوز سوزىندە قازاقستان پرەزيدەنتى، مەملەكەتتىك ورگاندار مەن «نۇر وتان» حدپ قورشاعان ورتانى جانە تابيعي اپاتتاردان حالىقتى، ىسانداردى، تەرريتوريالاردى قورعاۋدى قامتاماسىز ەتۋدە قۇقىقتىق نەگىزدى جەتىلدىرۋگە جانە ۇيىمداستىرۋشىلىق جۇمىستارىنا باسا نازار اۋداراتىنىن ايتىپ ءوتتى. كليماتتىڭ وزگەرۋىنە بايلانىستى بۇۇ-نىڭ جيەكتەمەلى كونۆەنتسياسىنا قاتىستى كيوتا حاتتاماسى جانە دە ەكولوگيالىق پروبلەمالاردى شەشۋگە باعىتتالعان باسقا دا قۇجاتتار زاڭمەن بەكىتىلدى. ن.سابيليانوۆ 2011 جىلدىڭ باسىندا قابىلدانعان پارتيانىڭ جاڭا باعدارلاماسىندا ەلدەگى ەكولوگيالىق جاعدايدى جاقسارتۋ جانە حالىقتىڭ ءومىر ءسۇرۋ ساپاسىن ارتتىرۋ مىندەتتەرى قويىلعان كەشەندى ەكولوگيالىق باعدارلامانى جۇزەگە اسىرۋ جانە دامىتۋ ماقساتى بەكىتىلگەنىن ايرىقشا باسا ايتتى.

قازاقستان پارلامەنتىنىڭ دەپۋتاتى كونفەرەنتسياعا قاتىسۋشىلارعا 1991 جىلى ەل پرەزيدەنتى ن.نازارباەۆتىڭ جارلىعىمەن جابىلعان سەمەي يادرولىق سىناق پوليگونىنىڭ زارداپتارى تۋرالى جانە دە ارالدىڭ ەكولوگيالىق اپاتى جايلى مالىمەتتەردى جەتكىزدى. ن.سابيليانوۆ ازيالىق ساياسي پارتيالاردىڭ حالىقارالىق كونفەرەنتسياسى تۇراقتى كوميتەتىنىڭ «تابيعي اپاتتارعا جانە قورشاعان ورتانى قورعاۋعا ارنالعان كۋالا-لۋمپۋر دەكلاراتسياسىن» قابىلداۋ جونىندەگى باستاماسىن «نۇر وتان» پارتياسى تولىق قولدايتىنىن ايتىپ ءوتتى.

ءسوز سوڭىندا ن.سابيليانوۆ «نۇر وتان» حدپ پارتياسى جانە ونىڭ ءبىرىنشى ورىنباسارى ن.نىعماتۋلين اتىنان اسپحك-نىڭ تەڭ توراعاسى جانە نەگىزىن سالۋشى  قۇرمەتتى حوسە دە ۆەنەتسياعا «نۇر وتان» پارتياسىنىڭ ءحىىى سەزىندە، سونىمەن قوسا 2011 جىلدىڭ 3-4 مامىرىندا استانادا وتكەن ءىۇ استانالىق ەكونوميكالىق فورۋمدا ءسوز سويلەپ، بەلسەندى قاتىسقانى ءۇشىن العىسىن ءبىلدىردى.

كونفەرەنتسيا جۇمىسىنا ازيانىڭ 23 ەلىنەن 44 ساياسي پارتيا وكىلى قاتىستى. ال قورىتىندىسىندا تابيعي اپاتتار مەن قورشاعان ورتانى قورعاۋ تۋرالى كۋالا-لۋمپۋر دەكلاراتسياسى قابىلداندى. ايتا كەتەتىن جايت، كونفەرەنتسيادا ازيالىق پارلامەنتتى قۇرۋ جونىندە پىكىر ايتىلدى.