قازاقستاننىڭ قوعامدىق كۇشتەرىنىڭ ۇندەۋى
قازاقستان رەسپۋبليكاسىنىڭ پرەزيدەنتى
نۇرسۇلتان ءابىشۇلى نازارباەۆقا
بەگدەسەنوۆ بيسەنعۇلدى قاماۋعا الۋ جايلى
قازاقستاننىڭ قوعامدىق كۇشتەرىنىڭ ۇندەۋى.
اسا قۇرمەتتى نۇرسۇلتان ءابىشۇلى!
2011 جىلدىڭ 11 ساۋىرىندە اشحابادتا بەگدەسەنوۆ بيسەنعۇل وڭايۇلىن تۇركىمەنستاننىڭ ۇلتتىق قاۋىپسىزدىك مينيسترلىگىندەگى قىزمەتكەرلەر قاماۋعا الدى. بەگدەسەنوۆ مىرزا تۇركىمەنستانداعى قازاق دياسپوراسىنىڭ تانىمال جەتەكشىسى، تۇركىمەنستاندا قازاق مادەني ورتالىعىن اشۋعا باستاما كوتەرگەن ۇلت جاناشىرى. ول 2011 جىلدىڭ 25-27 مامىر ارالىعىندا وتەتىن دۇنيەجۇزى قازاقتارىنىڭ IV قۇرىلتايىنا ارنايى شاقىرتۋ العان دەلەگات.
باق اقپاراتتارىنا جۇگىنسەك، ب.و.بەگدەسەنوۆتى قاماۋعا الىنۋى زاڭدى ورەسكەل تۇردە بۇزۋ ارقىلى قاماۋعا العان، الاياقتىق جاسادى جانە پارا بەردى دەگەن ايىپتار جالعان كۋاگەردىڭ ايعاقتارى نەگىزىندە جاسالعان.
اسا قۇرمەتتى نۇرسۇلتان ءابىشۇلى!
تاۋەلسىزدىك العان كۇننەن باستاپ-اق ەتنيكالىق قازاقتاردىڭ ءتۇپ قازىعى اتاجۇرتىنا قايتىپ ورالۋىنا الدىمەن ءوزىڭىز باستاماشىسى بولدىڭىز.
قازاقستان رەسپۋبليكاسىنىڭ پرەزيدەنتى
نۇرسۇلتان ءابىشۇلى نازارباەۆقا
بەگدەسەنوۆ بيسەنعۇلدى قاماۋعا الۋ جايلى
قازاقستاننىڭ قوعامدىق كۇشتەرىنىڭ ۇندەۋى.
اسا قۇرمەتتى نۇرسۇلتان ءابىشۇلى!
2011 جىلدىڭ 11 ساۋىرىندە اشحابادتا بەگدەسەنوۆ بيسەنعۇل وڭايۇلىن تۇركىمەنستاننىڭ ۇلتتىق قاۋىپسىزدىك مينيسترلىگىندەگى قىزمەتكەرلەر قاماۋعا الدى. بەگدەسەنوۆ مىرزا تۇركىمەنستانداعى قازاق دياسپوراسىنىڭ تانىمال جەتەكشىسى، تۇركىمەنستاندا قازاق مادەني ورتالىعىن اشۋعا باستاما كوتەرگەن ۇلت جاناشىرى. ول 2011 جىلدىڭ 25-27 مامىر ارالىعىندا وتەتىن دۇنيەجۇزى قازاقتارىنىڭ IV قۇرىلتايىنا ارنايى شاقىرتۋ العان دەلەگات.
باق اقپاراتتارىنا جۇگىنسەك، ب.و.بەگدەسەنوۆتى قاماۋعا الىنۋى زاڭدى ورەسكەل تۇردە بۇزۋ ارقىلى قاماۋعا العان، الاياقتىق جاسادى جانە پارا بەردى دەگەن ايىپتار جالعان كۋاگەردىڭ ايعاقتارى نەگىزىندە جاسالعان.
اسا قۇرمەتتى نۇرسۇلتان ءابىشۇلى!
تاۋەلسىزدىك العان كۇننەن باستاپ-اق ەتنيكالىق قازاقتاردىڭ ءتۇپ قازىعى اتاجۇرتىنا قايتىپ ورالۋىنا الدىمەن ءوزىڭىز باستاماشىسى بولدىڭىز.
ب.و.بەگدەسەنوۆتىڭ قامالۋىنا ونىڭ تۇرىكمەنستان قازاقتارىنىڭ مۇددەسىن قورعاۋداعى بەلسەندى ازاماتتىق ۇستانىمى سەبەپ بولعانىنا تولىق سەنىمدىمىز. ءسىز كەڭەس داۋىرىنەن كەيىنگى كەڭىستىكتە اسا بەلسەندى باسشى بولىپ تابىلاسىز جانە كوپتەگەن مەملەكەتتەردىڭ باسشىلارى ءسىزدىڭ وي-پىكىرىڭىزبەن ساناسادى. سىزدەن جوعارىداعى ايتىلعان جايتقا نازار اۋدارىپ، بيسەنعۇل وڭايۇلى بەگدەسەنوۆتىڭ دەرەۋ بوساتىلۋىنا ىقپال ەتۋىڭىزدى سۇرايمىز.
تۇركىمەنستان پرەزيدەنتى
گۋربانگۋلى مياليكگۋلىەۆيچ
بەردىمۋحامەدوۆكە
بەگدەسەنوۆ بيسەنعۇلدى قاماۋعا الۋ جايلى
قازاقستاننىڭ قوعامدىق كۇشتەرىنىڭ ۇندەۋى
اسا قۇرمەتتى گۋربانگۋلى مياليكگۋلىەۆيچ!
قازاقستان اۋماعىندا تارالاتىن ءباسپاسوز حابارلارىنان 2011 جىلدىڭ 11 ساۋىرىندە بيسەنعۇل وڭايۇلى بەگدەسەنوۆتى تۇركىمەنستاننىڭ ۇلتتىق قاۋىپسىزدىك مينيسترلىگىنىڭ قىزمەتكەرلەرى قاماۋعا العانى تۋرالى بىلدىك.
بەگدەسەنوۆ - تۇركىمەنستانداعى قازاق دياسپوراسىنىڭ جەتەكشى وكىلى. ول توراعاسى قازاقستان پرەزيدەنتى نۇرسۇلتان ءابىشۇلى نازارباەۆ بولىپ تابىلاتىن دۇنيەجۇزى قازاقتارىنىڭ قاۋىمداستىعىمەن قويان-قولتىق قىزمەت جاساپ كەلەدى. بيسەنعۇل وڭايۇلى 2011 جىلدىڭ 25-27 مامىر ارالىعىندا استانا قالاسىندا وتەتىن دۇنيەجۇزى قازاقتارىنىڭ قۇرىلتايىنا قازاقستان رەسپۋبليكاسىنىڭ مادەنيەت مينيسترلىگى مەن دۇنيەجۇزى قازاقتارىنىڭ قاۋىمداستىعى تاراپىنان ارنايى شاقىرتۋ الىپ، تۇركىمەنستانداعى قازاق دياسپوراسىنىڭ اتىنان وكىل رەتىندە تاعايىندالعان ەدى.
باق اقپاراتتارىنا جۇگىنسەك، ب.و.بەگدەسەنوۆتىڭ قاماۋعا الىنۋى زاڭدى دورەكى تۇردە بۇزۋ ارقىلى جۇرگىزىلىپ، جالعان كۋاگەردىڭ ايعاقتارى نەگىزىندە جاسالىپ وتىر.
2011 جىلدىڭ 16 مامىرىندا اشحابادتا بەگدەسەنوۆتىڭ سوتى بولادى. ب.و.بەگدەسەنوۆكە قارسى قولدان جاسالعان مىنەزدەمەلەر مەن ايىپتارۋلار زاڭدى قالپىنا كەلتىرۋدەگى پروكۋرورلىق ءىس-قيمىلدىڭ جوقتىعىنا دالەل. سوندىقتان ءبىزدىڭ تۇركىمەنستان سوت ورگاندارىنىڭ ادىلەتتى شەشىم شىعاراتىنانا كۇمانىمىز بار.
وسى ۇندەۋ ارقىلى قازاقستان قاۋىمداستىعى ازاماتتىق جەتەكشى ب.و. بەگدەسەنوۆتىڭ قۋدالانۋىنا باتىل نارازىلىق تانىتامىز. ونىڭ ءومىرى مەن دەنساۋلىعىنا شىنداپ الاڭدايمىز. سىزدەن بەگدەسەنوۆ بيسەنعۇلدىڭ تۇتقىنعا الۋدىنۋىنىڭ سەبەپ-سالدارىن وبەكتيۆتى تۇردە قاراستىرىپ، ونىڭ تەز ارادا بوساپ شىعۋىنا پارمەن ەتۋىڭىزدى وتىنەمىز.
قۇرمەتپەن،
قادىرجان اسقاروۆ، «التىنبەك سارسەنبايۇلى اتىنداعى قوردىڭ» جەتەكشىسى، مارجان اسپاندياروۆا, «ازات» جسدپ پرەزيدۋم مۇشەسى، ءاليحان بايمەنوۆ، «اقجول» پارتياسىنىڭ توراعاسى، بەرىك اعىباەۆ, «بولاشاق» رق «جاستار قاناتى» ءومىرجان ابدىحالىقۇلى, «اباي-اقپارات» پورتالىنىڭ شەف-رەداكتورى، بولات ابىشەۆ, «ازات» جسدپ پرەزيدۋم مۇشەسى، ەرمۇرات باپي, «دات» جوباسىنىڭ باس وقىرمانى، بولات دۇيسەنبءى، «ۇلت تاعدىرى» قوزعالىسىنىڭ ورتالىق كەڭەس مۇشەسى، داۋرەن بابامۇراتوۆ, «بولاشاق» رق ليدەرى، ەلنۇر بەيسەنتاەۆ, «بولاشاق» رق «جاستار قاناتى»، عابيدەن جاكەەۆ, «عابيت مۇسىرەپوۆ اتىنداعى قوعامدىق قوردىڭ» توراعاسى، بەيبىت قويشىباەۆ, «ۇلت تاعدىرى» قوزعالىسى توراعاسىنىڭ ورىنباسارى، قازبەك يسا، «جاس قازاق ءۇنى» گازەتىنىڭ باس رەداكتورى، سەرىك مامبەتالين, «رۋحانيات» پارتياسىنىڭ توراعاسى، سەرعازى مۇحتاربەك, «قازاقستان» قوعامدىق-ساياسي اپتالىعىنىڭ باس رەداكتورى، داۋرەن قۋات, «اباي-اقپارات» قوعامدىق قورىنىڭ پرەزيدەنتى، ايدوس سارىم, ساياساتتانۋشى، اردابەك سولداتباي, «ماسا.كز» ينتەرنەت گازەتىنىڭ شەف-رەداكتورى، رىسبەك سارسەنباي, «جاس الاش» گازەتىنىڭ باس رەداكتورى، مۇحتار تايجان, «بولاتحان تايجان اتىنداعى قوردىڭ» پرەزيدەنتى، جانە ت.ب.
P.S.
قادىرمەندى قاۋىم!
ءدال وسى كەزدە بەيسەنعۇل بەگدەسەنوۆتى قولداۋ جونىندەگى قوعامدىق كوميتەت قۇرىلىپ جاتىر. قر پرەزيدەنتى ن.ءا.نازارباەۆقا جانە تۇركىمەنستان پرەزيدەنتى ق.م.بەردىمۇحامەدوۆكە اشىق حاتتاردىڭ استىنا قول جيناۋ جۇمىسى جۇرۋدە. بار قازاقتى - ءبىر قازاق دەپ بىلەتىن، ءار قازاقتىڭ تاعدىرىن ءوز تالايىنداي كورەتىن مەيىرلى الاش بالاسى شەتتە قىسىم كورىپ، قۋدالانىپ جاتقان بەيسەنعۇل وڭايۇلىنىڭ اراشا تۇسىڭىزدەر! قولداڭىزدار!
اشىق حات دەرەكتى ءھام دايەكتى بولۋ ءۇشىن تومەنگە اتى-ءجونىڭىزدى، ەلەكتروندى پوشتاڭىزدىڭ ادرەسىن نەمەسە تەلەفون ءنومىرىڭىزدى قالدىرۋىڭىزدى سۇرايمىز.
ءبىر قازاق - بار قازاق! بار قازاق - ءبىر قازاق!
«اباي-اقپارات»
