قر پرەزيدەنتى ءىس باسقارماسىنىڭ مەديتسينالىق ورتالىعى اۋرۋحاناسىنىڭ ديرەكتورى ءامىر امانتايۇلى احەتوۆتىڭ ولىمىنە قاتىستى قىلمىستىق ءىس قوزعالدى. بۇل تۋرالى بۇگىن ۇكىمەت وتىرىسىنان كەيىن قر ىشكى ىستەر ءمينيسترى قالمۇحانبەت قاسىموۆ ايتتى.

«اتالعان ءولىم فاكتىسى بويىنشا قىلمىستىق ءىس قوزعادىق. ونىڭ دەنەسىنە جاراقاتتار بار. سەبەبىن ارتىنان انىقتايتىن بولامىز»، - دەدى ق.قاسىموۆ.

ەستەرىڭىزگە سالا كەتسەك، قر پرەزيدەنتى ءىس باسقارماسىنىڭ مەديتسينالىق ورتالىعى اۋرۋحاناسىنىڭ ديرەكتورى ءامىر احەتوۆ 3 اقپاندا  كوز جۇمدى.

ءامىر امانتايۇلى مەديتسينا عىلىمدارىنىڭ دوكتورى، قر ۇلتتىق عىلىم اكادەمياسىنىڭ قۇرمەتتى مۇشەسى، رەسەي جاراتىلىستانۋ عىلىمدارى اكادەمياسىنىڭ پروفەسسورى بولدى. ول 2017 جىلى عالىمدار توبىنىڭ قۇرامىندا ۇزاق ءومىر ءسۇرۋ جولىنداعى ازىرلەمەسى ءۇشىن عىلىم مەن تەحنيكا سالاسىنداعى ءال-فارابي اتىنداعى قازاقستان رەسپۋبليكاسىنىڭ مەملەكەتتىك سىيلىعىن يەلەندى.

دەرەككوز: turkystan.kz

Abai.kz