كەشە، ياعني 14 اقپان كۇنى ساعات ەلىمىزدىڭ ەلورداسىندا قازاق ۇلتتىق
ونەر ۋنيۆەرسيتەتىندە ۇلتتىق مۋزىكانىڭ ءدىلى بولعان كۇي ونەرىن
ناسيحاتتاۋدى مۇرات قويعان "كۇيشىلەر وداعىنىڭ" العاشقى وتىرىسى ءوتتى.

قوعامدىق رەسپۋبليكالىق بىرلەستىكتىڭ وتىرىسىندا العا قويعان
ماقساتى مەن مىندەتتەرىن، قۇقىقتارى جايلى بىرلەستىك توراعاسى رۇستەم
نۇركەنوۆ تانىستىرىپ بەردى. وتىرىسقا قاتىسۋشى قوناقتار استانا قالاسى
فيلارمونياسىنىڭ قازاق ۇلت اسپاپتار وركەسترىنىڭ باس ديريجەرى، كۇيشى قر
ەڭبەك سىڭىرگەن قايراتكەرى، پروفەسسور، پاراسات وردەنىنىڭ يەگەرى ايتقالي
جايىموۆ، قازاق ۇلتتىق ونەر ۋنيۆەرسيتەتىنىڭ پروفەسسورى جانعالي ءجۇزباي،
قازاق ۇلتتىق ونەر ۋنيۆەرسيتەتىنىڭ دوتسەنتى ەدىل باسىعاراەۆ، كۇيشى
سارسەنعالي ءجۇزباي، قر ۇلتتىق گۆارديا وركەسترىنىڭ مۇشەلەرى، كۇيشىلەر
باقىتجان دۇيسەنعازين مەن كۇيشى ابىلعازى احماديەۆ، كۇيتانۋ سالاسىندا
ەڭبەك ەتىپ جۇرگەن مۋزىكاتانۋشى عالىمدار گۇلنار الپەيسوۆا، راۋشان
مالدىباەۆا، ايگۇل بايبەك، سونىمەن قاتار ارنايى سولتۇستىك قازاقستان
وبلىسى مەن قاراعاندى وبلىسىنان دا ازاماتتار كەلدى.

وتىرىستا ايتىلعان ۇسىنىستار: كۇيشىلەر مارتەبەسىن كوتەرۋ، وتاندىق
جانە شەتەلدەگى كۇيشىلەردىڭ باسىن ءبىر ارناعا قوسۋ، كۇيتانۋ سالاسى بويىنشا
ساراپتامالىق ۇيىم قۇرۋ، تالقىلاۋ كەڭەسىن قۇرۋ، "التىن قوردا" ساقتالعان كۇيلەردى رەتتەۋ ءۇشىن ارنايى مامان دايارلاۋ جانە كۇيدىڭ تابيعي دىبىسىن بۇزبايتىن ستۋديا اشۋ، سونىمەن قاتار ورتاق جەتى مەكتەپتى بىردەي ناسيحاتتاۋ، بىردەي جيناقتاۋ. وتىرىستىڭ سوڭىندا قازاقي داستۇرمەن ايتقالي
تىلەپقاليۇلى وداققا ءوز باتاسىن بەردى.

Abai.kz