باسپانا- باس پانا... باس دەگەن - باس (ادامنىڭ باسى), پانا دەگەن -ىق، تاسا، قورعان، ءۇي. ەكىنشى جاعىنان ، باسپانا- ەڭ باستى پانا، قورعانىش دەگەن ماعىناعا يە.

"ۇيا قالسا يەسىز، ايدىن ءۇشىن سول قايعى.
قاڭعىپ كەلگەن شۇرەگەي كولگە پانا بولمايدى" (ە.ر.) دەگەندەگى "پانا" ءسوزى ەلدىڭ جۇرەگىن قوزعاعان كەزىندە. جالاڭاش قالعانداي ءبىر پاناسىزدىق سەزىلگەن.
بۇگىندە كىم كوپ، جىلاپ-ەڭىرەپ پاناسىز - باسپاناسىز، باس پاناسىز جۇرگەن قازاق كوپ.

قۇلاق تۇنادى -تىڭداساڭ، كوزىڭ قاراۋىتادى-قاراساڭ. بۇل قالاي بولعانى سوندا؟ ۇيلەر سالىنىپ جاتىر كەلىپ،بەرىلىپ جاتىر توپ-توبىمەن. پاتەرگە مۇقتاجدار ازايار ەمەس بىراق...استىنان ءونىپ جاتىر ما، بۇل نە،بۇل؟..
"پاتشالىق رەسەي قازاقتاردىڭ ورىس قاتارلى ءجونى ءتۇزۋ ءۇي سالىپ كىرۋىنە رۇقسات ەتپەپتى. حان جاڭگىردىڭ ءوزى ورالدان ءۇي سالۋعا ءۇش رەت سۇراپ، رۇقسات الا الماپتى" دەگەندى وقىپ قالعانىمىز بار ەدى. سونداي-اق، جالپى پاتەر جالداۋشىلار سانىن ازايتپاۋعا مۇددەلى توپتار بار ەمەس پە ەكەن دەگەن وي كەلەدى...

باستارىن قايدا تىعارلارىن بىلمەي، تاپقان-تايانعانىن پاتەر جالداۋعا بەرىپ، ۇشى-قيىرى جوق مۇقتاجدىقتىڭ ورتاسىندا باستارى اينالىپ جۇرگەن قاراشاعا كىمنىڭ جانى اشىماق؟ قاشان سورى ارىلماق پاناسىز ەلدىڭ...
كوزىنىڭ جاسى مونشاقتاپ ءبىر شاكىرتىم كەلدى الدىما. كۇيەۋى ءىشىپ كەتكەن. ءتورت بالاسىمەن جالعىز قالىپتى. جاتاقxانانىڭ ءبىر بولمەسىن جالداپ وتىر ەكەن. "ەگەر سول بولمەنى جالداۋعا كەتپەسە، جايلاپ كۇن كورىپ كەتەر ەدىم" دەيدى تارىعۋ تاڭباسى بەتىندە تۇرعان جاپ-جاس كەلىنشەك.
قانداي ساباققا العىر، قاناتتى قىز ەدى... سىنعان تاعدىر ، سۋىنعان كوڭىل كوپ. ءومىر عوي.

بىراق ءبىز ادامبىز. ادام قوعامىمىز. ادامي تۇرعىدان ويلاسايىقشى،ەندەشە.
نەعىپ قولىمىزدان كەلمەيدى، ەلدى تەنتىرەتپەي،ەڭ بولماسا ءبىر-ءبىر قۇجىرا جاساپ بەرۋ.
بىلمەيمىن...سوعان نيەت جوق سياقتى ازىرگە.

داريعا مۇشتانوۆانىڭ facebook پاراقشاسىنان

Abai.kz